San Mateo 24:27 - Bible in Tzeltal de Oxchuc y Tenejapa

²⁷ Melel te c'alal ya xtal te Nich'anile, jich me ya xchicnaj tel te bit'il tsantsewal te ya xlem tel ta sloq'uib c'aal c'alal to ta smalib c'aal.

Nuevo Testamento Tzeltal de Amatenango

²⁷ Jich te tut ora ya xtal te Nichꞌanile, jich me ya xchiknaj tal te tutꞌil sansewaletik te ya xtil tal te ba xlokꞌ tal kꞌajkꞌale sok ba xchꞌay kꞌajkꞌale.

Bible in Tzeltal Bachajón

²⁷ Como hich te bin ut'il tsantsehwal te ya xchicnaj c'alal banti ya xloc' tal c'ahc'al ha to banti ya xmahl c'ahc'al, hich ya xtal te Nich'anil ay ta scuenta winic.

San Mateo 24:27 Referans Kwoze

2 Pedro 3:4

Jich me ya yalic ta labanwanej: “¿Tal balix te Cristo, te jich la yal te ya xcha'tale? Melel te c'alal lajic bael te jme'-jtatique, stalel ay te q'uinale, ja' to ta xjajch'ibal te la yich' pasel te ch'ulchan balumilale”, te xiique.

Santiago 5:8

Jich uuc te ja'exe ts'ijc'uc me awu'unic. Ac'a me yip awo'tanic, yu'un nopol ya xtalix te Cajwaltique.

Malaquías 3:2

Ja'uc me to, ¿mach'a ya xcujch' yu'un te bi c'aalil ya xtale? ¿Mach'a ya xju' yu'un te stalel teq'uel ya xjile? Melel jich ya xjul te bit'il c'ajc' te ya slecubtesotic, jich bit'il xapon te ya sloq'uesbotic sbolil te co'tantique.

Zacarías 9:14

Te Cajwaltic ya me yac' sba ta ilel ta stoyolil te lum yu'une; ya me st'im bael te yat'jibal st'imalte'e, jich me ya st'im bael te bit'il chawuquetique. Te Dios, ja' te Cajwaltique, ya me yoq'uesin te oq'ues; ya me x'ochic bael ta guerra ta yolil chawuquil ja'altalem ta stojol sur.

San Mateo 24:39

Ma la sna'ic stojol te bila ya xc'ot ta pasele, ja' to te tal te pulemale. Jich lajic ta spisilic. Ja' nanix jich te c'alal ya xtal te Nich'anile.

San Mateo 24:37

“Jich bit'il ta yorail te Noeje, ja' nanix jich te c'alal ya xtal te Nich'anile.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.

Malaquías 4:5

“Aiya awaiyic, ya jticunbeyex te j'alwanej Elías te c'alal ma to xc'ot sc'aalelal te Cajwaltic, te mero muc' sc'aalelal te xiweltic sbae.

Isaías 30:30

Te Cajwaltic ya me yac' ta aiyel stojol sc'op te bayal yipe; ya me yac' ta ilel yu'el te ya x'at'ej soc yilimba te xiweltic sbae, soc c'ajc' te xpulpun nax ta tilel te ya xlajinwane, soc chawuc, ja'al soc bat.

Job 37:3

Ja' stuquel ya xch'oj bael te tsantsewal ta spisil te ch'ulchane, ta jun sti'il soc ta yan sti'il te lumq'uinale.

San Mateo 24:3

Te c'alal ayiquix ta Wits Olivailtique, te Jesús la snajc'an sba tey a. Te jnopojeletic yu'une, stuquel nax tal sc'oponic. Jich la yalic: —Albotic caiytic te bi ora ya xc'ot ta pasel te bila la awalbotique, soc te bi señail ya xchicnaj ta ilel a te c'alal ya xtalatixe soc te ja'ix a te slajibal c'aale —xiic.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

Job 38:35

Teme ja'at ya apas ta mandal te chawuc te ya aticun ta bayuque, “Li' ayon to, ayon me ta atojol”, ¿xi' bal awu'un?

Ezequiel 1:14

Te bila cuxajtic xtal xbajt' ta beel, ja' pajal sbeelic soc te tsantsewale.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Mateo 24:26

Jich yu'un teme ay mach'a jich ya yalbeyexe: “Ilawil, ayix ta jochol q'uinal”, teme xie, ma me xbaex tey a. O teme ya yalic: “Li' ayix to ta yutil na”, teme xie, ma me xach'uunic.

San Mateo 24:44

Ja' nanix jich te ja'exe, chapaluquex me ta maliywanej. Melel ma na'biluc awu'unic te ya awil talix a te Nich'anile.