San Mateo 24:22 - Bible in Tzeltal de Oxchuc y Tenejapa

²² Te manchuc yacuc scombey sc'aalelal te Diose, ma'yuc mach'a ya xcol jtuluc te jichuque. Ja'uc me to, chapalix yu'un te ya yich' comel ta scaj te mach'atic tsabilic yu'une.

Nuevo Testamento Tzeltal de Amatenango

²² Te jichuk makꞌ xatꞌbe skꞌaalel te Diose, maꞌyuk machꞌa ya xkol te jichuke. Pero chapalix yuꞌun te ya yichꞌ komel ta skaj te machꞌatik tꞌujbil yuꞌune.

Bible in Tzeltal Bachajón

²² Te manchuc ya xpehc'ambot sc'ahc'alel, mayuc mach'a ya xcol te hichuque. Pero ta scaj te mach'atic tsahbilic ya xpehc'ambot sc'ahc'alel.

San Mateo 24:22 Referans Kwoze

San Marcos 13:20

Te manchuc yacuc scombey sc'aalelal te Cajwaltique, ma'yuc mach'a ya xcol te jichuque. Ja'uc me to, chapalix yu'un te ya yich' comel ta scaj te mach'atic tsabilic yu'une.

2 Timoteo 2:10

Jich yu'un spisil me ya sts'ijc' cu'un ta scaj te mach'atic tsabilic yu'un te Diose, swenta yu'un jich me ya staic scolelic soc te yutsilal sbajt'el q'uinal ta swenta te Cristo Jesuse.

San Mateo 24:31

Te c'alal ya x'oc' tulan te oq'uese, ya me sticun bael te ch'ul abatetic yu'une. Ya me xba stsobic tel ta xchanjejch'elul q'uinal ta spamal balumilal te mach'atic tsabilic yu'une.

San Mateo 24:24

Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

Romanos 9:11

Ja'uc me to, te c'alal ma to x'ayinic a soc ma'yuc bila spasojic ta bay leque soc ta bay amene, jich albot yu'un Dios te Rebecae: “Te ijts'inale ya me smosoin te sbanquile”, te xi' sc'oplale. Ja' pajal soc te bit'il jich ts'ibubil jilel ta Sjun te Diose: “Te Jacobe, c'ux la caiy ta co'tan. Yan te Esaú, la jp'aj ta co'tan stuquel”, te xie. Jich chican ta jamal te bit'il ay ta swenta stsael stuquel te mach'a ya yic' te Diose, chican te bila snopoj ta yo'tan stuquel. Ma ba ya yich' ta wenta te bila ya spasique.

San Mateo 22:14

“Melel tsobol te mach'atic ic'bilique, ja'uc me to, jteb nax te mach'atic tsabilique —xi' te Jesuse.

San Lucas 18:7

Ja' xan te Diose ¿ma bal yacuc scoltay te mach'a tsabil yu'un te ya x'albot wocol yu'un c'aal ajc'ubale? ¿Ya bal smaliy bayal c'aal te ya xcoltaywane?

Zacarías 14:2

Te c'alal ya sta sc'aalelal te Cajwaltic ya me stsob spisil te nacionetic, swenta yu'un ya me yac'beyic guerra te Jerusalén. Ya me x'och ta swentaic te lum, ya me yich' pojbeyel sbiluc ta snaic, ya me yich' tsaquel ta uts'inel te antsetic yu'unic, soc ya me yich' chuquel bael olil te ants-winiquetic yu'un te lume. Ja' xanix te jayeb ya xjil, ya me x'ainic ta slumalic.

Zacarías 13:8

Ta yoxchajbal te nainemic li' ta lumq'uinal, ya me xlajic cha'chajp, ja' xanix jchajp cuxul ya xjil. Ja' te jchajp ya xjile, ya me cac' c'axuc ta c'ajc'; jich me ya jlecubtes te bit'il ya yich' lecubtesel plata, soc jich te bit'il ya yich' pasel t'ujbil oro. Ya me sc'opononic, jo'on ya me jac'bey sc'opic: “Lum cu'un”, xoon me ta stojolic. Jich me ya yalic ta sjaq'uel: “Te Cajwaltic ja' Dios cu'untic”, xiic me. Jo'on Ajwalilon, ya cal ta jamal —xi' te Cajwaltique.

Isaías 6:13

Teme ay jtul ya xjil ta lajlajuneb te lume, ja' ni me jich ya yich'ic jinel. Jich bit'il ya yich' ts'etel jijte', ja' nax ya xjil te xchumante'al —xi'. (Ja'uc me to, ta xchumante'al, ya me xloc' tel xch'ul spul.)

1 Pedro 1:1

Jo'on Pedroon te ayon ta jpuc-c'op yu'un te Jesucristoe. Ya jpatbeyex awo'tanic ja'ex te q'uejel pujq'uemex ta bay chajbalchajp lum te ma'yuquex ta alumalique, ja' bi te ayex ta sq'uinal Ponto, ta sq'uinal Galacia, ta sq'uinal Capadocia, ta sq'uinal Asia, soc ta sq'uinal Bitinia.