San Mateo 24:14 - Bible in Tzeltal de Oxchuc y Tenejapa

¹⁴ Soc ya me yich' puquel te lec yach'il c'op ta spamal balumilal te bit'il ay ta ajwalinel te Dios ta ch'ulchane, swenta testigo ya xc'ot ta stojol spisil nacionetic. Ja' to teme nup' ta puquele, jich me ya xtal te slajibal c'aale.

Nuevo Testamento Tzeltal de Amatenango

¹⁴ Sok ya me yichꞌ alel ta spisil balmilal te tutꞌil ay ta ajwalinel te Diose, yuꞌun jich me ya yaꞌibe sluwar spisil te genteetik te tutꞌil ay kꞌuxutayel yuꞌun te Diose. Jaꞌ to me ya xtal te slajibal kꞌaale.

Bible in Tzeltal Bachajón

¹⁴ Ya me xpuhc ta halel ta swohlol bahlumilal sc'oblal te lec yach'il c'op yu'un te cuentahinel yu'un Dios, scuenta testigo-c'op ta stojol spisil nacionetic, ha to me ya xtal a te slajibal c'ahc'ale.

San Mateo 24:14 Referans Kwoze

Apocalipsis 14:6

Soc la quil yan ch'ul abat yac ta wilel ta sjamalul te ch'ulchane, yich'oj te lec yach'il c'op swenta scolelic te mach'atic ainemic ta balumilal te ya yalbey yaiyique. Ja' spisil ta jchajp te nacionetic te yanyantic sts'umbalique soc te yanyantic sc'opique soc te yanyan lum ayique.

Romanos 10:18

Ja'uc me to, jich ya cal: “¿Yu'un bal ma ba yaiyojic stojol?”, xoon yu'un. Yaiyojic, te melel jich ya yal ta Sjun te Diose: “Ta swolol te balumilale pujq'uemix sc'oplal ta alel yu'unic; c'otix sc'oplal c'alal ta bay slajibal te balumilale”, te xie.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

San Mateo 10:7

Jich me xawalic ta xcholel: “Nopol ya xjajch'ix ta ajwalinel te Dios te ay ta ch'ulchane”, xaex me.

San Mateo 9:35

Te Jesús la yocliy spisil te muc'ul lumetique soc te ch'in lumetique. La yaiy p'ijubteswanej ta sinagogaetic ta juju-jpam lum. La xcholbey yaiyic te lec yach'il c'op te bit'il ay ta ajwalinel te Dios te ay ta ch'ulchane. Soc la slamantesbey biluc nax chameliluc te ay ta sbaq'uetalique, soc spisil ta jchajp te bila ay xc'uxule.

Colosenses 1:6

Ja' nix in c'op to te julemix ta atojolique, ta ora to pujq'uemix ta bayuc ta spamal te balumilale. Yaquix ta sit ta bayuc, jich te bit'il jajch' sitinuc ta awolilic uuc ja'ex te c'alal la awaiyic stojol te bit'il ay yutsil yo'tan cu'untic ta mero melel te Diose.

San Mateo 24:6

Soc ya me awaiyic stojol te ay guerra lum to soc te ay guerra ta c'ubule, ja'uc me to, ma me xnijc' awo'tanic yu'un. Melel puersa me jich ya xc'ot ta pasel, ja'uc me to, ma to ja'uc te slajibal c'aale.

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

Hechos 17:6

Ja'uc me to, ma la staic tey a. Jich la stasic bael ta nitel te Jasón soc cha'oxtul te quermanotactique. Ba stec'anic ta stojol te mach'atic yich'oj yat'elic ta bay te lume. Jich la yalic ta aw: —Te mach'atic yacalic ta xjajch'esel c'op ta spamal balumilal, li' ayiquix ta coliltic.

Ezequiel 7:10

“¡Li' ayix te sc'aalelale! ¡Julix tel! ¡Julix tel te lajinele! Te bila amen ya me stsalawan ta atojolic ta bayuc. C'ot meix ta atojol te uts'inele.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Hechos 20:25

“Ta ora to, jna'oj stojol te bit'il ma ba ya awilbonic xan jsit te ja'exe soc te banti beenon ta yalel te bit'il ay ta ajwalinel te Diose.

San Mateo 24:3

Te c'alal ayiquix ta Wits Olivailtique, te Jesús la snajc'an sba tey a. Te jnopojeletic yu'une, stuquel nax tal sc'oponic. Jich la yalic: —Albotic caiytic te bi ora ya xc'ot ta pasel te bila la awalbotique, soc te bi señail ya xchicnaj ta ilel a te c'alal ya xtalatixe soc te ja'ix a te slajibal c'aale —xiic.

Apocalipsis 16:14

Ja' te espíritu yu'un te pucujetic te ya yaq'uic ta ilel jchajp at'eliletic soc ya stsobic spisil te muc' ajwaliletic te ayic ta balumilale. Yu'un ya me xtalic ta guerra te c'alal ya sta sc'aalelal te jun c'aal te mero muc' sc'oplal yu'un Dios te Spisil ya xju' yu'une.

San Lucas 4:5

Te pucuje ic'ot bael yu'un ta bay toyol wits. Ta ora nax ac'bot yil yu'un spisil ta jchajp lumetic te ayic ta balumilal.

Hechos 1:2

ja' to c'alal te ic'ot moel ta ch'ulchane. Te c'alal ma to xbajt' ta ch'ulchane, la spas ta mandal ta swenta te Ch'ul Espíritu te jpuc-c'opetic te tsabil yu'une.

Hechos 11:28

Ay jtul la stejc'an sba jajch'el te Agabo sbiile, la yal ta swenta te Espíritu te ya xtal bayal wi'nal ta spamal balumilal. Ja' c'ot ta pasel a te c'alal ay ta muc' ajwalil te Claudioe.

San Mateo 18:19

“Soc ya calbeyex xan, teme ay chebuquex li'to ta balumilal te ya achap ac'opic te bila ya ac'anbey te Diose, ya me x'ac'botex yu'un te Jtat te ay ta ch'ulchane.

San Lucas 2:1

Patil la yal tulan mandal te Cesar Augusto te ya x'och ta censo spisil ants-winiquetic te ayic ta bay te smaquen-q'uinale.

San Marcos 13:10

Puersa me ya yich' cholel ta stojol spisil ta jchajp nacionetic ta spamal balumilal te lec yach'il c'op swenta te scolelique.

Hechos 17:31

Te Diose, chapalix yu'un jun c'aal te ya yich' ta c'op spisil ants-winiquetic ta balumilal, ta swenta te jtul Winic te tsabil yu'une, ja' chican te bi yilel te yat'elique. Spisilic ya me yac' xch'uunjel yo'tanic ta stojol te Mach'a cha'cux tel ta bay animaetique —xi' te Pabloe.

Hechos 19:27

Ma ja'uc nax te ya jta jwocoltic te ya xch'ay spisil a te bila ya jpastic ganar yu'une, soc jich uuc te templo yu'un te muc'ul antsil-dios Diana, ya me xlaj sc'oplal ta ich'el ta muc' ta bayuc. Jich me ya xlaj sc'oplal ta ich'el ta muc' te Diana te ay ta ch'uunel yu'un spisil ants-winiquetic li'to ta sq'uinal Asia soc ta bayuc ta spamal balumilale —xi' te Demetrioe.

Hebreos 1:6

Soc te c'alal tal ta balumilal te Sba Snich'ane la yal mandal: “Ac'a ich'otuc ta muc' yu'un spisil te ch'ul abatetic yu'un te Diose”, xi'.

Hebreos 2:5

Dios ma la yaq'uix ta wentainel yu'un ch'ul abatetic te yach'il balumilal te ya xchicnaj tel te ja' yacotic ta xcholel sc'oplale.