San Mateo 24:13 - Bible in Tzeltal de Oxchuc y Tenejapa

¹³ Yan te mach'a ya xcujch' yu'un c'alal ta slajibale, ya me xcol.

Nuevo Testamento Tzeltal de Amatenango

¹³ Yan te machꞌa ya xjuꞌ yuꞌun kꞌalal ta slajibale, ya me xkol.

Bible in Tzeltal Bachajón

¹³ Pero te mach'a ya xcuhch yu'un c'alal ta slajibal, ha me ya xcol stuquel.

San Mateo 24:13 Referans Kwoze

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

San Marcos 13:13

Ya me awich'ic ilayel yu'un spisil ants-winiquetic ta jwenta. Te mach'a ya xcujch' yu'un c'alal ta slajibal, lec me ayix abi.

Hebreos 10:39

Yan te jo'otique ma ba ya sujt'otic ta jpatic jich bit'il te mach'atic ya sujt' ta spatic te ch'ayel ya xbajt'ic yu'une. Te jo'otique joy jbajtic soc te mach'atic ay xch'uunjel yo'tanique. Jich ma ch'ayeluc ya xbootic soc te jch'uleltique.

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

Romanos 2:7

Ya me yac'bey xcuxlejal sbajt'el q'uinal ta stojol te mach'a ya yat'elin spasel spisil ora te bila lec ta pasele, soc te ya sle yutsilal te ma xlaje.

1 Corintios 1:8

Ja' me ya yac'beyex yip awo'tanic, ja' to c'alal ta slajibal c'aal. Jich me ma'yuc amulic ya xjul staex te Cajwaltic Jesucristoe.

San Lucas 8:15

Yan te awalil te c'ot ta bay lequil lume, ja' sc'oplal te mach'atic jun nax yo'tanic ta yaiyel stojol te Sc'op Diose, soc te jc'axel ya yac' yo'tanic ta xch'uunel soc ma xchebaj yo'tanic. Ya me sitin ta yo'tanic ta lec c'oem te sc'op Diose.

Hebreos 3:6

Yan te Cristo te ja' Snich'an te Diose, jun nax yo'tan swentainej te snae, ja' bi ja' te jo'otic teme jc'axel jun co'tantic ta stojol c'alal ta slajibal c'aal, soc teme bin nax co'tantic ta smaliyel te jcoleltique.

San Mateo 24:6

Soc ya me awaiyic stojol te ay guerra lum to soc te ay guerra ta c'ubule, ja'uc me to, ma me xnijc' awo'tanic yu'un. Melel puersa me jich ya xc'ot ta pasel, ja'uc me to, ma to ja'uc te slajibal c'aale.

San Mateo 24:12

Soc ay me tsobol ta jtul ya xch'ay xc'uxul yo'tanic, scaj te esmajix ta pasel spisil te bila amene.

San Lucas 21:19

Teme cujch' awu'unique, jich me ya xcol ach'ulelic.