San Mateo 23:7 - Bible in Tzeltal de Oxchuc y Tenejapa

⁷ Soc ya smulanic te ya xpatbot yo'tanic ta comonsitil ta bay yolil ch'iwich, soc ya smulanic te “maestro” ya x'utotic yu'un te ants-winiquetique.

Nuevo Testamento Tzeltal de Amatenango

⁷ Sok ya skꞌupinik te ya xꞌujtsꞌibot skꞌab ta sitil komon te ba kayae. Sok ya skꞌupinik te “maestro” ya xꞌalbot yuꞌun te genteetike.

Bible in Tzeltal Bachajón

⁷ ya smulanic te pat-o'tan ta plazahetic soc te hich ya xhalbotic yu'un ants-winiquetic: Rabí, te xchi sc'oblalique.

San Mateo 23:7 Referans Kwoze

San Juan 1:38

Te Jesús la sujt'es sba ta yilel. La yil ts'acal tel ta spat te chebique. La sc'opon: —¿Bi ya aleic? —xi'. La sjaq'uic: —Rabí (ja' bi, Maestro, xi' c'oem), ¿banti nainemat? —xiic.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Juan 20:16

La yal te Jesuse: —¡María! —xi'. Te antse la sujt'es sba. La sc'opon ta hebreo-c'op: —¡Raboni! —xi'. (“Maestro”, xi' c'oem.)

San Juan 6:25

Te c'alal c'otic ta bay te jejch' mare, tey c'o staic a te Jesuse: —Maestro, ¿bi ora julat li'to? —xiic.

San Juan 3:26

Jich ba sc'oponic te Juane: —Maestro, te mach'a ajoinej ta stojol sloq'uib c'aal ta bay jejch' muc'ja' Jordán te la awalbotic sc'oplale, ja' yaquix ta yaq'uel ich'ja'. Spisilic xbajt'iquix ta stojol —xiic.

San Juan 3:2

Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

San Marcos 10:51

Jesús la sjojc'obey yaiy: —¿Yu'un bal ay bi ya ac'an te ya jpasbate? —xi'. La yal te ma'site: —Maestro, ya jc'an te ya ajambon te jsite —xi'.

San Marcos 9:5

Jich te Pedroe la yalbey te Jesuse: —Maestro, ¡bin nax yutsil te li' ayotic to! Ja' lec ya jpastic oxwol nailwamal. Jun awu'un te ja'ate, jun yu'un te Moisese, soc jun yu'un uuc te Eliase —xi'.

San Mateo 23:8

“Yan te ja'exe, ma me x'ac'anic te “maestro” xi' ac'oplalique. Melel awermano abaic ta apisilic soc jtul nax maestro ay awu'unic.

San Mateo 11:16

“Te ants-winiquetic te cuxulic ta q'uinal ta ora to, ja' pajalic soc te alaletic te ya snajc'an sbaic ta tajimal ta yolil ch'iwich. Jich ya yawtayic te sjo'taque:

San Mateo 26:25

C'opoj uuc te Judase, te j'ac'awal ta c'abale: —Maestro, ¿jo'on bal ya cac'at ta c'abal? —xi'. La yal te Jesuse: —Ja'at nax —la yut.

San Mateo 26:49

Toj tel ta stojol Jesús te Judase. Jich c'o yalbey: —Talon, Maestro —xi'. Soc la sbujts'iy.

San Marcos 11:21

Te Pedro jul ta yo'tan te bila albot te te'e. Jich la yal: —Maestro, ilawil te higo-te' te la awut jilele. Taquejix —xi'.

San Marcos 12:38

Te c'alal yac ta p'ijubteswanej te Jesuse, jich la yal: —Tsajtaya abaic yu'un te jts'ibojometique. Melel toyol yo'tanic yu'un te ya slapic ta beel te snajt'il c'u'ique soc toyol yo'tanic yu'un te ya xpatbot yo'tanic ta comonsitil ta bay yolil ch'iwich.

San Marcos 14:45

Te c'alal c'ot te Judase, la slac' ta ora te Jesuse: —Talon, Maestro —xi'. Soc la sbujts'iy.

San Lucas 11:43

“Te ja'ex fariseoetic ¡ya me awil awocolic! Melel ya awantayic nactijibaletic ta swenta ich'el ta muc' ta bay sinagogaetic. Soc ja' bin nax awo'tanic yu'un te ya awich'ic ich'el ta muc' ta comonsitil ta bay ch'iwichetic.

San Juan 4:31

Te c'alal baem ta lum ta yalel sc'oplal Jesús a te antse, te jnopojeletique la yalbeyic wocol te Jesuse: —Maestro, we'an —xiic.

San Juan 9:2

Te jnopojeletic yu'une la sjojc'oyic: —Maestro, ¿mach'a smul te ma'sit ayin in winic to? ¿Scaj bal smul sme'-stat, o scaj bal smul stuquel? —xiic.

San Juan 11:8

La yalic te jnopojeletique: —Maestro, ach' to nax c'an smilat ta ch'ojel ta ton tey a te judioetique. ¿Bistuc ya xcha'baat xan tey a? —xiic.