San Mateo 23:4 - Bible in Tzeltal de Oxchuc y Tenejapa

⁴ Ja' pajal c'oemic soc te mach'atic ya sts'alic ijc'atsil te c'ax al te ma xlijc' ta cuchele, te ja' ya yac'beyic xcuch te ants-winiquetique. Yan stuquelic ma xyac' jch'ixuc sbic'tal sc'abic ta sliquel.

Nuevo Testamento Tzeltal de Amatenango

⁴ Jaꞌ pajal kꞌoemik sok te machꞌatik ya stsꞌalik ijkatsil te lom al ta kuchele, te jaꞌ ya yaꞌbe skuch te genteetike. Yan te stukelike ni ma skꞌan slik chꞌinuk ta yal skꞌabik.

Bible in Tzeltal Bachajón

⁴ Ya xchuquic ihcatsil te alic soc wocol ta ich'el bahel, ya ya'beyic ta snehquel te ants-winiquetic, pero ni jch'ixuc yal sc'ab ya scoltayic ta sliquel.

San Mateo 23:4 Referans Kwoze

San Lucas 11:46

La yal te Jesuse: —Te ja'ex jts'ibojomex ¡ya me awil awocolic! Melel ya awaq'uic ta cuchel ijc'atsil te ma xju' ta cuchel yu'un te ants-winiquetique. Yan te ja'exe ni jch'ixuc sbic'tal ac'ab ya atsaquic te ijc'atsile.

Hechos 15:10

Jich yu'un ¿bistuc te ya awilbeyic yo'tan te Diose, te ya awac'bey yijc'ats te jch'uunjeletic ta xch'uunel te bila ma ju' cu'untic xch'uunel soc uuc te jme'-jtatique?

Gálatas 6:13

Ja'uc me to, te mach'atic yich'ojic te circuncisione ma xju' ta pasel yu'unic spisil uuc te bi ya yal te mandalile. Ja' nax ya sc'an yo'tanic te yacuc awich'ic te circuncisione, swenta yu'un jich me toyol q'uinal ya yaiyic yu'un te ya sujex ta yich'el te circuncisione.

San Mateo 23:23

¡Ya me awil awocolic jts'ibojometic, fariseoetic te cha'lam awo'tanique! Melel ja' nax ya awac'beyic smajt'anin Dios jun ta slajunebal te yerbabuena, soc te eneldo soc te comino. Yan te bila muc' sc'oplal ta pasel te ya yal te mandalile, ja' ma'yuc sc'oplal ta awo'tanic stuquel, jich bit'il in to: ja' te bila toj ta pasele, te c'uxul-o'tanile, soc te xch'uunjel-o'tanile. Ja' ya sc'an pasel awu'unic, soc uuc te yan te yacalex ta pasele.

Apocalipsis 2:24

Ja'uc me to, te ja'exe soc te mach'atic ayic ta Tiatira te ma ba ach'uunejic te bila ya yac' ta nopel te Jezabele soc te ma ba bajt' ta awo'tanic snopel te bila mero tulan p'ijubtesjibal ta sc'opic te ja' yu'un Satanás stuquele, ya calbeyex te ma'yuc yan mandal te ya cac'beyex acuchique.

Hechos 15:28

Melel ja' lec la yaiy te Ch'ul Espíritu soc jich co'tantic uuc te ma'yuc yan ijc'atsil te ya cac'beyex awich'ique, ja' nax ta bay tulan sc'oplal.

Isaías 46:1

Te loc'omba Bel ya spajc'an sba, soc te loc'omba Nebo ya xyal ta lum. Te loc'ombaetic cuchbilic bael ta burroetic soc ta yantic chambalametic; bayal yalal te ijc'atsil ya scuchic bael te chambalametic te lubenique.

San Mateo 23:3

Jich yu'un ch'uunaic spasel te bila ya yalbeyexe, ja'uc me to, ma me xac'ainic spasel te bila ya spasic stuquelique. Melel te bila ya yalic ta p'ijubteswaneje, ma xch'uunic spasel stuquelic.

1 Juan 5:3

Ja' in to, ja' xc'uxul co'tantic ta stojol Dios teme cat'elinejtic spasel te bi la yal ta mandale. In te smandal yalojbotique, ma ba wocol ta pasel.