San Mateo 23:27 - Bible in Tzeltal de Oxchuc y Tenejapa

²⁷ ¡Ya me awil awocolic jts'ibojometic, fariseoetic te cha'lam awo'tanique! Melel ja' pajalex soc te muquenal te buen sac bonbilic te spate, ja'uc me to, nojel ta baquel anima te yutile soc spisil te bitic ilaybile.

Nuevo Testamento Tzeltal de Amatenango

²⁷ “Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jaꞌexe jich kꞌoemex te tutꞌil majtanubil snaul animaetik te ben tsaꞌam te spate, pero te yutile nojel ta sbakel animaetik sok yilobal te skꞌaꞌemale.

Bible in Tzeltal Bachajón

²⁷ ¡Ay me awocolic, escribanohetic, fariseohetic, jchebal-o'tanex! como hich c'ohemex te bin ut'il muquenal te bombil ta sac, t'ujbil ta ilel ta spat, pero ta yutil nojel ta sbaquel chamen winiquetic soc spisil bintic ilobtic sba.

San Mateo 23:27 Referans Kwoze

Hechos 23:3

La yal te Pabloe: —¡Dios ya me smajat uuc ja'at te cha'lam awo'tane! ¿Ja'at bal te nacalat ta chajbanwanej ta swenta te mandalile? Melel contra mandalil te la awac'on ta majele —xi' te Pabloe.

San Lucas 11:44

“Te ja'ex jts'ibojometic soc uuc te ja'ex fariseoetic ¡ya me awil awocolic te cha'lam awo'tanique! Melel jichex te bit'il muquenaletic te ma chicanuc ta ilel, te jun yo'tan ya xc'axic ta beel tey a te ants-winiquetique, yu'un ma sna'ic teme muquenale —xi' te Jesuse.

Números 19:16

“Teme ay mach'a ya xlaj ta yol q'uinal, spisil te mach'a ya spicbey sbaq'uetal te mach'a milbile o teme jich nax a laje, o teme sbaquel animaetic, o muquenal la spic, ma lecuc sc'oplal ya xjil juqueb c'aal abi.

Proverbios 26:23

Teme bonbil ta plata te pac'bil oxome, jich c'oem te t'ujbil c'opetic te ay amen-o'tanil yu'une.

San Mateo 23:28

Jichex ta ilel te ja'exe. Ta mero melel tojex nax ta winiquil yilel ta stojol te ants-winiquetique, ja'uc me to, nojel ta awo'tanic te cha'lam-o'tanile soc te mulile.

Gálatas 6:12

Spisil te mach'atic ya sc'anic te ya x'ich'ot ta muc' ta swenta sbaq'uetalic, ja' ya sujex ta yich'el te circuncisione, swenta yu'un ma'yuquic ta controinel yu'un te bit'il xch'uunejic te laj ta cruz te Cristoe.