San Mateo 23:26 - Bible in Tzeltal de Oxchuc y Tenejapa

²⁶ ¡Ma'sit fariseo! Neel xasapbey yutil te vasoe soc te platoe. Jich me lec ya xc'ot uuc te spate.

Nuevo Testamento Tzeltal de Amatenango

²⁶ Jaꞌat fariseo te chokate, nail xꞌapokbe yutil te platoe. Jich me pokbil ya xkꞌot euk te spate.

Bible in Tzeltal Bachajón

²⁶ ¡Ts'o'sit fariseo! ha nahil xapocbe te yutil te vaso soc te plato, scuenta yu'un hich pocbil ya xc'oht soc a te spate.

San Mateo 23:26 Referans Kwoze

Santiago 4:8

Noptsajanic ta stojol te Diose, jich me ya xnoptsaj ta atojolic uuc. Jmulawiletic, poca ac'abic; ja'ex te cheb awo'tanique, ac'a abaic ta utstesel.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

San Mateo 12:33

“Teme lec te te'e, lec te sit ya yaq'ue. Yan teme amen te te'e, amen sit ya yac' stuquel. Melel te te'e ya jna'beytic sba ta swenta te site.

Ezequiel 18:31

Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

San Lucas 6:45

Te mach'a lec te yo'tane, lec te bila ya yal loq'uel ta yee, yu'un nojel ta yo'tan te bila leque. Yan te mach'a amen te yo'tane, ma lecuc te bila ya yal loq'uel ta yee, yu'un nojel ta yo'tan te bila amene. Melel ta jc'optic ya xchicnaj te bila nojel ta co'tantique.

Jeremías 13:27

Quiloj te toyol awo'tan yu'un te mulweje, q'uexlaltic sba te awat'el yu'un te chijil jolobele, ma lecuc awat'el ta witstiquil soc ta aquiltic. Obol aba, Jerusalén. ¿Jayeb to c'aal ya xbolob bael te ac'oplale? ¿Jayeb to c'aal ya apasulay bael te bila ilaybile? —xi' te Cajwaltique.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

San Mateo 14:8

Te ach'ixe jich albilix yu'un a te sme'e, te ja' ya sc'anbey ta plato sjol te Juan J'ac'-ich'ja'e.

San Marcos 7:4

Ja' nanix jich te c'alal ya sujt'ic tel ta ch'iwiche, ma xwe'ic teme ma xch'uunic spasel te bila albil sc'oplal te ya spoc sc'abique. Ay yantic costumbreetic te ya xch'uunic spasele, jich bit'il ay ta sapel yu'unic te vasoetic, jarroetic, vasija-taq'uinetic, soc wayibaletic.)

San Lucas 11:39

Te Cajwaltic jich la yalbey: —Te ja'ex fariseoetic, ja' nax ya asapbeyic spat te vasoe soc te platoe, ja'uc me to, nojel ta awo'tanic elec' soc mulil.