San Mateo 23:24 - Bible in Tzeltal de Oxchuc y Tenejapa

²⁴ ¡Ma'sit j'ic'wanejex! Ja' ma x'ac'an ya abiq'uic te ch'in use, yan te camelloe, ja' ya abiq'uic coel scojt'ol stuquel.

Nuevo Testamento Tzeltal de Amatenango

²⁴ Jaꞌex, chok jtsobawexe, jaꞌ pajal kꞌoemex sok te machꞌa la stsak lokꞌel ta tasa te chꞌin use. Yan te kameyo te teꞌey ae skojtol a sbikꞌ koel stukel.

Bible in Tzeltal Bachajón

²⁴ ¡Ts'o'sit jtojobteswanejex te yac achihchinic te bic'tal us soc yac abiq'uic cohel te camello!

San Mateo 23:24 Referans Kwoze

San Mateo 19:24

Soc ya calbeyex xan: Jich bit'il ma xju' ya xc'ax ta aguja te jcojt' camelloe, c'axem to xan wocol ya x'ochic te jc'ulejetic ta banti ay ta ajwalinel te Diose —xi'.

San Mateo 23:16

¡Ya me awil awocolic ma'sit jwolwanejetic! te jich ya awalique: “Teme ay mach'a ja' nax ya stabey ta alel sbiil te temploe, ma'yuc sc'oplal stuquel. Yan teme ja' la stabey ta alel sbiil te oro yu'un te temploe, puersa me ay bila ya xc'ot ta swenta stuquel”, te xaexe.

San Mateo 7:4

¿Bit'il c'an awalbey te awermanoe: “Ac'bon jloq'uesbat te ch'in ac te ochem ta asite”, teme ya awute? Melel ay muc'ul ts'amte' c'atal ta asit atuquel.

San Juan 18:40

Awunic xan ta spisilic: —Ma ja'uc me to. Ja' me xacoltay bael te Barrabase —xiic ta aw. Te Barrabase mero j'elec' stuquel.

San Juan 18:28

La yiq'uic loq'uel ta sna Caifás te Jesuse soc la yiq'uic bael ta stojol ajwalil ta bay Pretorio. Yaquix sacubel tel a te q'uinale. Te judioetic ma ba ochic bael ta bay te Pretorioe. Ja' la sna'ic te ma lecuc sc'oplalic ya xc'ot teme ya x'ochique. Jich ma xju' sti'ic te chij swenta q'uin Pascua.

Isaías 9:16

Te jtsobwanejetic, ja' la sjowtesic te lume; te mach'atic la xch'uunbey sc'opic, ch'ayic ta jc'axel.

San Mateo 15:14

Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

Apocalipsis 12:16

Ja'uc me to, te antse la yich' coltayel yu'un te lumq'uinale. Melel te lumq'uinale la sjam sba ta yuch'el te muc'ja' te mal loq'uel ta ye te muc'ul chan te xi'bantic sbae.