San Mateo 23:23 - Bible in Tzeltal de Oxchuc y Tenejapa

²³ ¡Ya me awil awocolic jts'ibojometic, fariseoetic te cha'lam awo'tanique! Melel ja' nax ya awac'beyic smajt'anin Dios jun ta slajunebal te yerbabuena, soc te eneldo soc te comino. Yan te bila muc' sc'oplal ta pasel te ya yal te mandalile, ja' ma'yuc sc'oplal ta awo'tanic stuquel, jich bit'il in to: ja' te bila toj ta pasele, te c'uxul-o'tanile, soc te xch'uunjel-o'tanile. Ja' ya sc'an pasel awu'unic, soc uuc te yan te yacalex ta pasele.

Nuevo Testamento Tzeltal de Amatenango

²³ “Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jich te jaꞌexe ya awaꞌbeyik smajtanin Dios jun ta slajunebal te atulpimil sok te ajoꞌoxe sok te akulantue. Yan te tut tulan skꞌoplal ta pasel te ya yal te mantaliletike, jaꞌ ma tulanuk skꞌoplal ta awoꞌtanik stukel. Jich tutꞌil ya skꞌan pasel te tut leke sok te ya xkꞌuxutaywanotike. Sok te ben jun koꞌtantik ya jchꞌuuntik te Diose. Jaꞌ to jaꞌ ya skꞌan ya apasik sok euk te yan te yipalex ta spasele.

Bible in Tzeltal Bachajón

²³ ¡Ay me awocolic, escribanohetic, fariseohetic, jchebal-o'tanex! como yac aloq'ues jun ta slajunebal te menta, anís, soc comino, pero yac awihquitayic te bin tulan sc'oblal ta Ley: ha te bin toj ta pasel, te c'uxultaywanej soc te sch'uhunel-o'tanil. Ha ya sc'an pasel soc nix te yane.

San Mateo 23:23 Referans Kwoze

San Lucas 11:42

“Te ja'ex fariseoetic ¡ya me awil awocolic! Melel ja' nax ya awac'beyic smajt'anin Dios jun ta slajunebal te yerbabuena soc ruda soc spisil te aboc'-itaje. Yan te bitic toj ta pasel ta stojol yantic soc te bit'il c'ux ta co'tantic te Diose, ja' in to, ja' pasel ya sc'an awu'unic, soc uuc te yan te yacalex ta spasele.

Miqueas 6:8

Te Cajwaltic la yalbatix, ja'at ants-winic, te bila lec ya sc'an pasel soc te bila a te ya smaliybat te ja'ate: Ja' te ya apas te bila toj ta pasele, te junajem awo'tan ta stojol; soc te peq'uel awac'oj aba ta xch'uunel sc'op spisil ora te Dios awu'une.

Oseas 6:6

Te bila ya jc'anbeyex te ja'exe, ja' te c'uxucon ta awo'tanique, te ma ja'uc ya apasbonic te milbil majt'anile. Ja' ya jc'an te ya ana'bonic jba jo'on te Diosone, ma ja'uc te ya awac'bonic chic'bil majt'anile.

San Mateo 9:13

Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

1 Samuel 15:22

La sjac' te Samuel: —Ja' buen lec yo'tan Cajwaltic yu'un teme ya yich' ch'uunel smandal; ma ja'uc bayal sc'oplal teme ya cac'beytic milbil smajt'an soc chic'bil smajt'ane. Ja' mero bayal sc'oplal te ya jch'uunbeytic smandal soc teme ya cac' ta co'tantic te bi ya yale; ma ja'uc bayal sc'oplal te ya cac'beytic milbil smajt'an soc smajt'anin xepuil chije.

Proverbios 21:3

At'elina spasel te bitic toj ta pasel soc te bitic swenta toj-o'tanile, melel te Diose ja' ya smulan, c'axem jich sc'oplal yu'un a te milbil smajt'ane.

Levítico 27:30

“Te jun ta slajunebal te bila ya xloc' ta lumq'uinal awu'unique, chican teme trigo, o cebada, o sit te'etic, ja' me cu'un, jo'on te Awajwalone, melel ch'ultesbil cu'un stuquel.

San Lucas 18:12

Te jo'one ya jcom jwe'el cheb buelta jujun semana soc ya cac'bat jun ta slajunebal te bila ya jtae”, xi'.

San Mateo 12:7

Te ja'exe ma ba ana'ojbeyic swentail te bila ts'ibubil ta Sjun te Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Te yu'unuc ana'ojbeyic swentaile, ma ba la alebeyic smul te mach'atic ma'yuc smulic te jichuque.

Isaías 28:25

Melel teme laj yo'tan ta spajel te sq'uinale, ya xcaj ta spuquel te yawalel eneldo o ja' te comino, soc ta ora nax ya xcaj ta sts'unel trigo ta jujun surco, te bay sti'il ti'il ya sts'un cebada soc centeno.

Jeremías 22:3

At'elinaic spasel jchajbanwanej soc te bila stojil li' ta q'uinal to, ac'aic ta libre te mach'a tenbilic ta uts'inel yu'un te j'uts'inwanejetique. Ma xapejc'anic ni ma xabolc'optayic te mach'atic jyanlumetic, te me'ba alaletic soc te me'ba antsetique. Ma xamilic te ants-winiquetic te ma'yuc smulique.

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [