San Mateo 23:15 - Bible in Tzeltal de Oxchuc y Tenejapa

¹⁵ ¡Ya me awil awocolic jts'ibojometic, fariseoetic te cha'lam awo'tanique! Melel te ja'exe bayuc nax ya xbeenex ta spamal balumilal, yu'un awo'tan ya awaq'uic ta judioil te jyanlumetique. Ja'uc me to, teme la xch'uun awu'unique, c'axem to xan jich castigo ya yich' a te bit'il te ja'exe.

Nuevo Testamento Tzeltal de Amatenango

¹⁵ “Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe bayuk nax ya xbeenex yuꞌun ya awaꞌbeyik xchꞌuun Dios ta akꞌopik te genteetike. Pero teme ay la ataik jtuluke, kꞌax jich yuꞌun infierno ya xtꞌot a te tutꞌil jaꞌexe.

Bible in Tzeltal Bachajón

¹⁵ ¡Ay me awocolic, escribanohetic, fariseohetic, jchebal-o'tanex! como yac abehentayic mar soc q'uinal ta slehel mach'a yac awa'be sch'uhunic Dios ta ac'opic, soc teme la sch'uhunic, cheb buelta c'ax hich nich'anil yu'un infierno ya xc'oht awu'unic a te bin ut'il te ha'exe.

San Mateo 23:15 Referans Kwoze

Efesios 2:3

Ta jpisiltic jich ayotic uuc ta neelal to. Ja' bajt' ta co'tantic spasel te bila la smulan spasel te jbaq'uetaltique. Ja' la jpasbeytic te bila ya sc'an yo'tan te jbaq'uetaltique soc te bila la jnop ta co'tantique. Ja' nax ayotic ta swenta yich'el tulan castigo, jich bit'il te yantique.

Hechos 13:43

Te c'alal loq'uemiquix bael ta sinagoga, ay tsobol judioetic soc tsobol jyanlumetic te yac'oj sbaiquix ta judioile, la sts'aclinic bael te Pablo soc te Bernabé. Jich la yalbey yaiyic te jc'axel ac'a xch'uunic te bit'il ay yutsil yo'tan te Diose.

Hechos 13:10

Jich la yalbey: —Te ja'ate lo'laywanejat, nojel ta awo'tan spisil te bila amen ta pasele. Ja' snich'anat te pucuje, acontroinej spisil te bila lec ta pasele. ¿Jc'axel bal ma x'acom aba ta smacbel sbe te Cajwaltique?

Hechos 14:2

Yan te jayeb judioetic te ma la sc'an xch'uunique, la sjachbey slab yo'tanic te jyanlumetique. Jich ju' yu'unic te la scontroinic te cheb quermanotactique.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Gálatas 6:12

Spisil te mach'atic ya sc'anic te ya x'ich'ot ta muc' ta swenta sbaq'uetalic, ja' ya sujex ta yich'el te circuncisione, swenta yu'un ma'yuquic ta controinel yu'un te bit'il xch'uunejic te laj ta cruz te Cristoe.

Gálatas 4:17

Te yantique bin nax yo'tanic ta atojolic, ja'uc me to, ma lecuc te bila snopojic ta yo'tanique. Yo'tan ya sloq'uesex ta jtojol, swenta yu'un jich me bin nax awo'tanic ya xc'oex ta stojolic stuquelic.

San Mateo 5:22

Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

Hechos 17:13

Ja'uc me to, te judioetic ta lum Tesalónica la yaiyic stojol te yac ta yalel sc'op Dios ta lum Berea te Pabloe. Jich talic ta Berea ta xjajch'esel c'op tey a.

Hechos 14:19

Ay c'otic judioetic te talic ta Antioquía soc ta Iconio. Tal stic'beyic c'op te ants-winiquetique. Jich la xch'ojic ta ton te Pabloe soc la stasic loq'uel c'alal ta ti'lum, yu'un la scuyic te jc'axel lajemixe.

Hechos 2:10

soc ta Frigia, Panfilia, Egipto, soc ta smaquen-q'uinal Africa ta sjelawel lum Cirene. Soc ay talemotic ta lum Roma te li' nainemotic. Ay sts'umbalotic te judioetique soc jyanlumetic te yac'ojix sbaic ta judioile.

Hechos 6:5

Spisilic lec la yaiyic te c'ope. Jich la stsaic te Esteban te ay bayal xch'uunjel yo'tane soc te nojel ta yo'tan te Ch'ul Espiritue, soc uuc te Felipe, te Prócoro, te Nicanor, te Timón, te Parmenas, soc te Nicolás te talem ta Antioquía te yac'ojix sba ta judioile.

Ester 8:17

Ta spisil ta jpam q'uinal, lumetic, soc te banti c'ot te c'op chapal yu'un te muc' ajwalile, te judioetic tal bayal sbujts' yo'tanic soc sbujts' q'uinal la yaiyic yu'un. La stsob sbaic ta we'el swenta q'uin. Te yajwal te lumq'uinal tsobol la yac' sbaic ta judioil, ta scaj te u'uninotic yu'un xiwel te bit'il la xi'ic te judioetique.

San Mateo 5:29

“Jich yu'un teme ja' ya syalesat ta mulil te swa'el asite, loq'uesa, ch'oja bael. Ja' lec ya xc'oat a te ya xch'ay jp'ijuc te asite. Ja' wocol teme scojt'ol abaq'uetal ya xch'ojotat ochel ta yawil c'ajc' ta bay ma xtup' sbajt'el q'uinal.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [