San Mateo 23:14 - Bible in Tzeltal de Oxchuc y Tenejapa

¹⁴ ¡Ya me awil awocolic jts'ibojometic, fariseoetic te cha'lam awo'tanique! Melel te ja'exe ya apojbeyic sbiluquic te me'ba antsetique, soc jal ya ac'oponic Dios ta comonsitil, swenta yu'un jich me ya xcuyotex a te lec awo'tanique. Jich yu'un te ja'exe c'axem to xan castigo ya awich'ic atuquelic.]

Nuevo Testamento Tzeltal de Amatenango

¹⁴ “Ay pe jal jaꞌex, te maestroex yuꞌun te mantaliletike sok jaꞌex te fariseoexe jaꞌex te ma tsaꞌamuk awoꞌtanike. Yuꞌun te jaꞌexe ya apojbeyik sna sok stutik yuꞌun te meꞌba antstike. Pero jal ya akꞌoponik Dios ta sitil komon yuꞌun ya skuyelex te ben lek awoꞌtanike. Jaꞌ yuꞌun te jaꞌexe mas tulan kastigo ya awichꞌik atukelik.

Bible in Tzeltal Bachajón

¹⁴ ¡Ay me awocolic, escribanohetic, fariseohetic, jchebal-o'tanex! como yac awich'beyic sna me'ba' antsetic, soc naht yac atsahtsah-c'oponic Dios. Toyol me castigo yac awich'ic yu'un.

San Mateo 23:14 Referans Kwoze

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

San Marcos 12:40

Soc ya spojbeyic sna sbiluc te me'ba antsetique. Ja'uc me to, jal ya sc'oponic Dios ta comonsitil, yu'un jich me ya xcuyotic ta lec. Ja'ic me te c'axem to xan castigo ya x'ac'botique —xi' te Jesuse.

San Lucas 20:47

Soc ya spojbey sna sbiluc te me'ba antsetique. Ja'uc me to, jal ya sc'oponic Dios ta comonsitil, yu'un jich me ya xcuyotic ta lec. Ja'ic te c'axem to xan castigo ya x'ac'botique —xi' te Jesuse.

Éxodo 22:22

“Ma me xawuts'inic te me'ba antsetic soc te me'ba alaletique.

Job 22:9

Jochol sc'abic a la aticun sujt'el te me'ba antsetic, soc la awuts'in te me'ba alaletique.

Job 31:16

Spisil ora la jcoltay te me'baetic te c'alal ma'yuc bi ya xtuun yu'unic, soc ma ba la cac' c'axuc swocolic ta wi'nal te me'ba antsetique.

San Mateo 11:24

Ya calbeyex te bayal me castigo ya awich' lum Capernaúm te c'alal Dios ya yilbeyex awat'elique. Yan te lum Sodoma ma sta jich castigo ya yich' stuquel —xi' te Jesuse.

San Mateo 23:33

“¡Ts'umbalex jti'awal chanetic! ¿Bit'il c'an acoltay abaic ta castigo ta infierno? ¿Bit'il c'an colanic loq'uel tey a?

San Lucas 12:48

Yan te abat te ma ba sna'oj te bila la sc'an yo'tan te yajwale, te la spas te bila ay castigo yu'une, jteb nax majel ya x'ac'bot ta swenta stuquel. Te mach'a bayal bila ya x'ac'bote, bayal me te bila ya xc'anbote; soc uuc te mach'a bayal bila ya x'ac'bot swentaine, c'ax jich ya xc'anbot sujt'el stuquel.

2 Timoteo 3:6

Melel ja'ic te ya x'ochic ta naetique, yu'un ya slo'layic antsetic te ma'yuc yip yo'tanique. C'ax bolobenic yu'un mulil, soc nitbil yo'tanic ta spasel spisil te bila ya sc'an te sbaq'uetalique.

Tito 1:10

Melel ay tsobolic te jtoybaetique. Ya yalic jontol aiyejetic, soc ya xlo'laywanic, c'axem to xan te mach'atic yich'ojic circuncisione.

Santiago 3:1

Quermanotac, ja' lec te ma ba tsobolex te jp'ijubteswanej ya xc'oexe. Melel ana'ojic stojol te jo'otic te jp'ijubteswanejotique c'axem to xan ya quich'tic ich'el ta c'op yu'un te Diose.

2 Pedro 2:3

Scaj sbic'tal yo'tanic yu'un taq'uin te ya slo'layex ta swenta slotil-c'opic te ya yaq'uic ta nopele. Ja'uc me to, namey chapal sc'oplalic te ya yich'ic castigo yu'un. Ma xju' ya scoltay sbaic te ya xbajt'ic ta lajel.

2 Pedro 2:14

Spisil ora ya sleic ta sitic ants te ya spasic mulwej soque. Xujt' ma scom sbaic ta sleel te smulique. Ya slo'laybeyic yo'tan te mach'atic ma'yuc yip yo'tanique. Ay sp'ijilic ta stsobel te taq'uine. Jc'axel u'uninbilic yu'un te ch'ayele.