San Mateo 22:16 - Bible in Tzeltal de Oxchuc y Tenejapa

¹⁶ Jich la sticunic bael ta stojol cha'oxtul te jnopojeletic yu'un te fariseoetique soc cha'oxtul te mach'a jun yo'tan sbaic soc te Herodese. Jich tal yalbeyic te Jesuse: —Maestro, jna'ojtic stojol te bit'il puro smelelil te bila ya awale. Soc jna'ojtic te bit'il jamal ya awac' ta nopel te be yu'un te Diose. Ma'yuc mach'a te ya xiwat ta c'op ta stojol, te melel ma tsabiluc nax awu'un ta sit yelaw te mach'a ya awich' ta muq'ue.

Nuevo Testamento Tzeltal de Amatenango

¹⁶ Jich a stikonik chaꞌoxtul te jnopojeletik yuꞌun te fariseoetik sok chaꞌoxtul te machꞌa jun yoꞌtan sba sok te Herodese. Jicha tal yalbeyik te Jesuse: —Maestro, ya jnaꞌtik te puru batsꞌi jich te tut ya awale, sok te sluwaril ya snojpeswanat te tut ya skꞌan te Diose. Maꞌyuk machꞌa ya xiꞌat ta kꞌop yuꞌun te genteetike. Porke ma tsabiluk nax awuꞌun te machꞌa ya awakꞌ ta jkuentae.

Bible in Tzeltal Bachajón

¹⁶ La sticonic bahel te jnopojeletic yu'unic soc te winiquetic yu'un Herodes, hich c'oht yalbeyic: Maestro, jna'ojcotic te smelelil ya xc'opojat soc smelelil yac awac' ta nopel te be yu'un Dios, mayuc sc'oblal awu'un te bin ya yal yantic, como ma ba yac awilbe bin yilel stalel te ants-winiquetique.

San Mateo 22:16 Referans Kwoze

San Marcos 3:6

Jich yu'un loq'uic bael te fariseoetique. Ba snopic soc ta ora te mach'atic swinictac te Herodese te bi ya yut ya smilic te Jesuse.

San Lucas 20:21

Jich la sjojc'obeyic te Jesuse: —Maestro, jna'ojtic te toj te bila ya awale soc te bila ya awac' ta nopele. Ma tsabiluc nax awu'un te mach'a ya awich' ta muq'ue. Melel jamal ya awac' ta nopel te be yu'un te Diose.

San Marcos 12:14

Jich tal yalbeyic: —Maestro, jna'ojtic stojol te puro smelelil te bila ya awale. Ma'yuc mach'a te ya xiwat ta c'op ta stojol te melel ma tsabiluc nax awu'un te mach'a ya awich' ta muq'ue. Melel jamal ya awac' ta nopel te smandal te Diose. ¿Ya bal stac' te ya jtojtic jpatantic yu'un te muc' ajwalil Cesare o ma stac'? ¿Ya bal cac'tic o ma xcac'tic? —xiic.

San Marcos 8:15

Te Jesús la spas ta mandal: —Na'aic me q'uinal ta lec, tsajtaya me abaic ta swenta te levadura yu'un te fariseoetic soc uuc te levadura yu'un te Herodese —la yut.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 7:18

Te mach'a sc'op nax stuquel te ya yac' ta nopele, ja' ya spas yu'un te yacuc x'ich'ot ta muc' yu'une. Yan teme ja' ya sc'an ya yac' ta ich'el ta muc' te mach'a ticunbil tel yu'une, ja' ya yac' ta nopel te bila melele soc ma'yuc lo'laywanej ta yo'tan.

Santiago 3:17

Yan te p'ijil-o'tanil te talem ta toyole, ma'yuc bila capal stuquel a: yich'oj lamal-o'tanil, soc lequil-o'tanil, soc yutsil-o'tanil, nojel ta c'uxul-o'tanil, soc lec te sit ya yaq'ue. Ma'yuc chebal-o'tanil soc cha'lam-o'tanil.

1 Tesalonicenses 2:4

Melel Dios la yac'bon ta jwenta yalel te lec yach'il c'ope, jich nix te bit'il yacon ta yalel ta bayuque. Melel ma ba yacon ta sleel te lecuc yo'tan cu'un te ants-winiquetique, ja' ya jle te lecuc yo'tan cu'un te Diose, te stuquel ya yaiybotic te co'tantique.

Gálatas 2:6

Yan te mach'atic ich'bilic ta muq'ue, xujt' ma'yuc bi yach'il la yalbonic te ya sc'an ya jchole. (Ma yu'unuc ay sc'oplal ta co'tan te bila at'el yich'ojique, melel ma ja'uc ay sc'oplal ta yo'tan Dios te bi yilelique.)

Gálatas 1:10

Te bit'il jich la calixe, ¿yu'un bal ja' ya jle awaiyic te bit'il lecuc jc'oplal ya xc'oon ta stojol te ants-winiquetique? ¿O ja' bal ya jle te lecuc jc'oplal ya xc'oon ta stojol Dios? ¿Yu'un bal acuyojic te ja' ya jmulan te lecuc jc'oplal yu'un te ants-winiquetique? Melel teme ja' ya jc'ane, yu'un nanix ma ja'uc yabaton a te Cristoe.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

2 Corintios 4:2

La quijq'uitaytiquix jilel te bila la jpastic ta muquen te ya xq'uexawotic yu'une. Ma ba ya caiytic lo'laywanej, soc ma ba ya jcaptic ta lotil p'ijubtesel te sc'op Diose. Ja' nax ya caltic te bila smelelile. Jich ya cac'tic ta ilel ta stojol spisilic te bit'il ay te co'tantic ta stojol te Diose.

2 Corintios 2:17

Ja'uc me to, te jo'otique ma jichuc ayotic te bit'il yantic te ya scuyic ta sp'olmalic te sc'op Diose. Te jo'otique ja' ya caltic ta jamal spisil te sc'op Diose. Yu'un ja' ticunbilotic yu'un te Diose, soc ayotic ta abatinel yu'un te Cristoe.

San Lucas 7:40

Te Jesús la yalbey te fariseoe: —Simón, ay bila ya calbat awaiy —xi'. La yal te fariseoe: —Yacuc, Maestro —xi'.

San Marcos 10:17

Te c'alal jajch' xan ta beel te Jesuse, tal ta animal jtul winic. Tal squejan sba ta stojol soc la sjojc'obey: —Maestro te lecat atuquele, ¿bila lec ya jpas swenta yu'un ya xcuxinon sbajt'el q'uinal? —xi'.

San Mateo 26:49

Toj tel ta stojol Jesús te Judase. Jich c'o yalbey: —Talon, Maestro —xi'. Soc la sbujts'iy.

San Mateo 26:18

La yal te Jesuse: —Baanic ta bay te muc'ul lume. Tey me ya xc'o ac'oponic a te jtul winique. Jich me xawalbeyic: “La yal tel te Maestroe: ‘Nopolix te coraile. Ya me xtalon ta ana ta we'el soc te jnopojeletic cu'un ta spasel te q'uin Pascuae’ xi' tel te maestroe”, ya me awutic —xi' te Jesuse.

San Mateo 22:26

Jich c'ot ta swenta uuc te xchebale soc te yoxebale, xmelmon lajic ta sjuctululic te xmelmon la yinaminic te antse.

San Mateo 22:24

—Maestro, la yal jilel te Moisese: “Teme ay laj jtul winic te cuxul jilel te yiname, teme ma'yuc jilel snich'ane, ja' ac'a yic' yinamin te yijts'ine. Jich me ay sts'umbal ya xc'ot te sbanquile”, te xie.

Malaquías 2:9

Jich yu'un, ta scaj te ma ba ya ach'uunbonic te jc'ope, soc te c'alal ya ap'ijubtesic te lum, ma pajaluc ya ac'opon ta spisilic, ya me cac' te spisil lum ya xjajch' yilayex ta yo'tanic, soc ma'yuc ac'oplal ya xc'oex ta yo'tanic —xi' te Cajwaltic te Spisil ya xju' yu'une.

Malaquías 2:6

Te Leví la yaiy p'ijubteswanej yu'un te bila smelelil; soc ma'yuc bila amen loc' ta ye. Toj nax cuxin; lamal nax q'uinal yu'un ta jtojol. Tsobol la yac'bey snopic te ma ba ya spasic te bila amen ta pasele.

Proverbios 29:5

Te mach'a spisil ora ya yalbey lec sc'oplal te spat-xujq'ue, ta mero melel yac ta spasel spejts'ul c'oem.

Salmos 55:21

Mero lamal te sc'opique, c'axem jich sc'unil a te bit'il mantequilla; pero te sjolique, te yo'tanique, snopoj guerra stuquel. Mero lamal sc'opic, c'axem jich sc'unil a te bit'il aceite; pero c'ux ya caiytic te sc'opique, pajal soc milaw, melel jich c'oemic te bit'il puñal.

Salmos 12:2

Ya spas sbaic ta lot; lec sc'opic yaiyel, ja'uc me to, ma jichuc te yo'tanique.

Salmos 5:9

Te mach'atic amenic ma'yuc bay lec te sc'opique; yac ta bolobel te yo'tanique. Jujt'ul muquenal te yeique; te ye yat'elinej paslot ta jyalel.

1 Reyes 22:14

Te Micaías la sjac': —Jamal ya cal ta stojol te Cajwaltic te ja' nax ya cal te bila ya yalbon te Cajwaltique —xi'.

Deuteronomio 33:9

Ja' te jich la yalbey sc'oplal te sme'-statique: “Jc'axel ma'yuc xquil”, xi', soc la yalbey sc'oplal te yermanotaque: “Ma xquil mach'a a”, xi', soc la yalbey sc'oplal te yal-snich'nabique: “Ma jna'bey sbaic”, xi'. Ja'ic ya xch'uunic spasel te bila ya yal te ac'ope, jc'axel yac'oj ta yo'tanic te trato chapal awu'une, ts'acal yac'oj ta yo'tanic.

San Marcos 12:13

Jich la sticunic ta stojol Jesús cha'oxtul fariseoetic soc te mach'atic jun yo'tan sbaic soc te Herodese, swenta yu'un ya stabeyic smul ta swenta sc'op.