San Mateo 22:12 - Bible in Tzeltal de Oxchuc y Tenejapa

¹² Jich la yalbey: “Joytic, ¿bit'il ay a te ochemat tel li'to, te ma ja'uc c'u'ul swenta il-nujbinel te alapoje?”, la yut. Te winique ma c'opoj yu'un.

Nuevo Testamento Tzeltal de Amatenango

¹² La yalbe: “Kamigo, ¿Tutꞌil a ochat tal liye te maꞌ jeltayejuk tal te akꞌuꞌ-apakꞌe?” xyut. Te winike maꞌ kꞌopoj yuꞌun.

Bible in Tzeltal Bachajón

¹² hich la yalbe: Amigo ¿bin ut'il ochat tal li'i te ma ba alapoj c'u'ul yu'un il-nuhpunel? la yut. Ma ba weht bin la yal yu'un te winique.

San Mateo 22:12 Referans Kwoze

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

San Mateo 20:13

“Te yajwal at'ele la sc'opon te jtule: “Joytic, ma la jlo'layat, melel jich la jchaptic te jun denario-taq'uin ya jtojate.

Job 5:16

ja' smuc'ul yo'tanic te mach'atic ma'yuc yipique, ja' ya smacbey yeic te j'amen-o'tanetique.

1 Samuel 2:9

Te Cajwaltic ya me scanantay ta beel te mach'atic jun yo'tanic ta stojole; yan te mach'atic amen yo'tanic ya me xlajic ta yijc'al q'uinal stuquelic. Melel ma'yuc mach'a ya xju' ya yaiy tsalaw ta swenta nax te yip.

Tito 3:11

Melel te mach'a jich yo'tane, tey me ya ana'ic stojol a te jc'axel yanajem ta sjol te c'ope. Ja' nix ta swenta smul te quechel ta swenta te castigoe.

San Mateo 26:50

La yal te Jesuse: —Joytic, ¿bila tal apas? —xi'. Ora la stsaquic te Jesuse. La xchuquic bael.

Jeremías 2:26

“Jich bit'il ya xq'uexaw elec' te c'alal ya xchicnaje, jich me ya xjil ta q'uexlal Israel, ja' te lum, te muc' ajwaliletic, te jtsobwanejetic, te sacerdoteetic soc te j'alwanejetique.

Jeremías 2:23

¿Bistuc te jich ya awale: “Ma ba bolobenon, ni ma ba yacon ta xch'uunel lotil diosetic,” te xaate? Aiya awaiy stojol, ja' xan te awat'el la apas ta xatal q'uinale, nopa awaiy ta spisil te bila apasojique. Ja'at pajalat soc te yantsilel camello te bayuc nax ya xbajt' ta animale;

Salmos 107:42

Te winiquetic lec yo'tanic, bin nax me yo'tanic yu'un te c'alal ya yilique; yan te mach'atic amen yo'tanic, ya me smac yeic yu'un stuquel.

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

San Mateo 5:20

Jich yu'un ya me calbeyex te ja'exe, teme ma c'axemuc to xan toj awat'el te bit'il ya spasic te jts'ibojometic soc te fariseoetique, ma xju' ya x'ochex tey a ta banti ay ta ajwalinel te Dios ta ch'ulchane.