San Mateo 21:41 - Bible in Tzeltal de Oxchuc y Tenejapa

⁴¹ La yalic: —Ya me xtal slajin ta jc'axel te mach'atic amenique, ya me yac'bey ta swenta yan j'at'eletic te ts'usubiltic yu'une, ja' te ya sna'ic yaq'uel jujun buelta te jayeb ya sitin te ts'usube —xiic.

Nuevo Testamento Tzeltal de Amatenango

⁴¹ La sjakꞌik: —Ya me xtal smil jilel te jꞌaꞌteletike te ma tsaꞌamuk yoꞌtanik, sok ay me yan jꞌaꞌteletik te ya yaꞌbey smajan te slume te jaꞌ ya snaꞌik yaꞌbeyel slojkꞌil te jujun kosecha te jayeb ya xlokꞌ te yubae —xchiik.

Bible in Tzeltal Bachajón

⁴¹ La sjaq'uic: Mayuc sc'uxul yo'tan ya me slajin te mach'atic chopolic, ya me yac' ta majanel yu'un yantic j'a'teletic te ya ya'beyic stuquel te sit sts'usubil te c'alal ya sta yorahil, xchihic.

San Mateo 21:41 Referans Kwoze

Hechos 18:6

Ja'uc me to, te judioetic jajch' scontroinic te Pabloe soc la stoybac'optayic. Te Pablo jich la yal ta slilanel te sc'u'e: —Ay ta awenta atuquelic teme ch'ayel ya xbaexe. Te jo'one, ma jwentauc ya xc'ot. Ta ora to, ja' ya xba calbey yaiy lec yach'il c'op te jyanlumetique —la yut jilel.

San Mateo 21:43

Jich yu'un ya calbeyex, ya me xpojbotex loq'uel ta awolilic te bit'il ay ta ajwalinel te Dios te ay ta ch'ulchane. Ja' me ya xc'ot ta swentaic te mach'atic ya sitin yu'unic ta leque. [

Hechos 28:28

Na'aic me stojol jiche: Ja' me ya xc'ot ta swentaic te jyanlumetic te bit'il ay colel yu'un te Diose. Ja' me ya yaiyic stojol stuquelic —xi' te Pabloe.

Hebreos 12:25

Jich yu'un tsajtaya me abaic, ma me xap'ajic te mach'a yac ta c'ope. Melel teme ma ba colic te mach'atic la sp'ajic te c'alal c'oponotic ta tulan yu'un Dios li'to ta balumilale, ¿bit'il c'an colucotic jo'otic teme ya jp'ajtic ta comel yu'un te Mach'a yac ta c'op ta jtojoltic c'alal to ta ch'ulchane?

Hebreos 2:3

¿Bit'il c'an jcoltay loq'uel jbajtic uuc teme ma'yuc sc'oplal ta co'tantic te jcoleltic te c'ax muc' sc'oplale? Yu'un ja' nix Cajwaltic te la xcholbey sc'oplal ta neelal te jcoleltique. Te mach'atic la yaiybeyic stojol te sc'ope, ja'ic la yalbotic te bit'il smelelil c'op te bila la yale.

1 Tesalonicenses 2:16

Melel te judioetique ya scomotic te ya jcholbeytic yaiy te jyanlumetique, swenta yu'un ya me xcolic uuc. Jich yanyan ta esmajel smulic te judioetique, ja'uc me to, ayix ta swentaic te tulan castigo yu'un te Diose.

Hechos 28:8

Te stat te Publio ay ta chamel. Chawal ta swayib yu'un tulan c'ajc', soc ay ta ch'ich'-tsa'nel. Te Pabloe ba yil, soc la sc'oponbey Dios ta stojol. La scajanbey sc'ab ta sjol, jich lamaj te xchamele.

Hechos 15:7

Te c'alal jalajiquix ta yaanele, la stejc'an sba jajch'el te Pedroe. Jich la yal: —Quermanotac, te ja'exe ana'ojic stojol te Dios la stsaon ta awolilic swenta yu'un ya me jpuc te lec yach'il c'op yu'un te colele, swenta yu'un jich me ya xch'uunic te jyanlumetique.

San Mateo 3:12

Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.

Zacarías 13:8

Ta yoxchajbal te nainemic li' ta lumq'uinal, ya me xlajic cha'chajp, ja' xanix jchajp cuxul ya xjil. Ja' te jchajp ya xjile, ya me cac' c'axuc ta c'ajc'; jich me ya jlecubtes te bit'il ya yich' lecubtesel plata, soc jich te bit'il ya yich' pasel t'ujbil oro. Ya me sc'opononic, jo'on ya me jac'bey sc'opic: “Lum cu'un”, xoon me ta stojolic. Jich me ya yalic ta sjaq'uel: “Te Cajwaltic ja' Dios cu'untic”, xiic me. Jo'on Ajwalilon, ya cal ta jamal —xi' te Cajwaltique.

Zacarías 12:12

Ta chajbalchajp ta jujun snaic ya me smel yo'tanic ta slum-sq'uinalic: Te patil alnich'anetic yu'un David soc antsetic yu'unic, te patil alnich'anetic yu'un Natán soc antsetic yu'unic,

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

Salmos 2:9

Ta swenta te abastón pasbil ta hierro ya me alajinbey yat'elic a te lumetique; ts'ubiltic me ya xjilic ta wuyel awu'un jichuc pac'bil oxom”, xi' me te Diose.

Isaías 65:15

Te mach'atic tsabilic cu'un, ya me stuuntesbeyex abiilic ta swenta sc'anel castigo soc ta sc'anel lajel ta stojol yantic a; ja'uc me to, te abatetic cu'un ya me jelbey sbiilic.

San Mateo 21:34

“C'alal la staix yorail ta tulel sit te sts'usube, la sticun abatetic ta c'anel tel te jayeb ya xc'ot ta swenta te sts'usube.

San Mateo 21:40

C'alal ya xtal te yajwal ts'usubiltique, ¿Bi ya spasbey awaiy te j'at'eletic yu'une? —xi' te Jesuse.

San Lucas 20:16

Ya calbeyex te ya me xtal smil jilel te j'at'eletique, soc yantic me ya yac'bey swentain te ts'usubiltic yu'une —xi' te Jesuse. Te mach'atic la yaiyic stojole la yalic: —¡Ma jichuc ya sc'an te Diose! —xiic.