San Mateo 21:39 - Bible in Tzeltal de Oxchuc y Tenejapa

³⁹ Jich la stsaquic. La sloq'uesic bael ta spat ts'usubiltic soc la smilic.

Nuevo Testamento Tzeltal de Amatenango

³⁹ Jich a stsakik, la slokꞌesik bael ta spat te ubailtike y la smilik.

Bible in Tzeltal Bachajón

³⁹ Hich la stsaquic, la sloq'uesic bahel ta spat scorralil te ts'usubil, tey c'oht smilic a.

San Mateo 21:39 Referans Kwoze

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

Santiago 5:6

La alebey smulic te mach'atic ma'yuc smulique soc la awaq'uix ta lajel, ja'uc me to, te mach'atic ma'yuc smulique ma ba la scoltay sbaic ta c'op stuquelic.

Hechos 7:52

¿Ay bal jtuluc j'alwanej yu'un Dios te ma la scontroinique? La smilic te mach'atic la yalbeyic sc'oplal te ya xtal te Mach'a toj yo'tane. Ja'uc me to, te c'alal tale, ja'ex la awaq'uic ta c'abal soc la amilic.

San Juan 18:12

Ta stijq'uilic te soldadoetique soc te coronel yu'unique soc te policiaetic yu'un te judioetique, la sjumtayic ta tsaquel te Jesuse. Chucul la yiq'uic bael.

San Mateo 26:57

Te mach'atic xc'otuc stsaquic tel te Jesuse, la yiq'uic bael ta stojol te muc' sacerdote Caifase. Tey stsoboj sbaic a te jts'ibojometic soc te principaletique.

Hechos 5:30

Te Dios yu'un te namey q'uinal jme'-jtatique, la xcha'cuxes tel te Jesuse. Ja' nix te mach'a la awaq'uic ta milel ta jijp'anel ta cruz-te'e.

Hechos 4:10

jamal me ya calbeyex ta atojolic, swenta yu'un ya me ana'ic stojol soc spisil te jlumaltic israeletique. Melel ja' nax ta swenta sbiil te Jesucristo te Nazarete, te ja'ex nix la ac'anbeyic slajel ta cruz, soc te Dios cha'cuxesotix tel yu'un ta bay te animaetique, ja' coltayotix yu'un te winic colemix ya awilique.

San Juan 18:24

Jich yu'un te Anás chucul la sticun bael Jesús ta stojol te muc' sacerdote Caifase.

San Mateo 26:50

La yal te Jesuse: —Joytic, ¿bila tal apas? —xi'. Ora la stsaquic te Jesuse. La xchuquic bael.

San Mateo 21:38

“Yan te j'at'eletique, la yilic te ja' snich'an yajwal q'uinal te taleme, soc la sna'ic te ja' ya xjil ta swenta te q'uinale. Jich yu'un la yalbey sbaic: “Ja' lec jmiltic, yu'un jo'otic me ya xjil ta jwentatic te q'uinale”, xiic.

San Mateo 21:40

C'alal ya xtal te yajwal ts'usubiltique, ¿Bi ya spasbey awaiy te j'at'eletic yu'une? —xi' te Jesuse.