San Mateo 21:34 - Bible in Tzeltal de Oxchuc y Tenejapa

³⁴ “C'alal la staix yorail ta tulel sit te sts'usube, la sticun abatetic ta c'anel tel te jayeb ya xc'ot ta swenta te sts'usube.

Nuevo Testamento Tzeltal de Amatenango

³⁴ “Kꞌalal la staix yora ta tulel sit te yubae, la stikon yaj-mantal ta skꞌanel ta stojolik te jayeb slojkꞌil te slume.

Bible in Tzeltal Bachajón

³⁴ C'alal nopol ya stahix yorahil ya xc'anub sit a, la sticon tal a'batetic yu'un ta stojol te j'a'teletic yu'un ya yich'be te site.

San Mateo 21:34 Referans Kwoze

Isaías 5:4

¿Ay to bal bila pasel ya sc'an xan ta bay te ts'usubiltic cu'une? ¿Ay bal bi ma jpasojuc? La jmaliy te chi'uc la yac' sit te ts'usubetique, ¿bi yu'un te paj la yaq'uic te site?

San Mateo 22:3

La sticun bael abatetic te ya xba yic' tel te mach'atic ic'bilic ta yilel te nujbinele, ja'uc me to, ma la sc'an talic.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

San Mateo 21:35

In te j'at'eletique la stsaquic te abatetique. Jtul la smajic, jtul la smilic, soc jtul la xch'ojic ta ton.

San Mateo 21:38

“Yan te j'at'eletique, la yilic te ja' snich'an yajwal q'uinal te taleme, soc la sna'ic te ja' ya xjil ta swenta te q'uinale. Jich yu'un la yalbey sbaic: “Ja' lec jmiltic, yu'un jo'otic me ya xjil ta jwentatic te q'uinale”, xiic.

San Mateo 21:40

C'alal ya xtal te yajwal ts'usubiltique, ¿Bi ya spasbey awaiy te j'at'eletic yu'une? —xi' te Jesuse.

San Mateo 21:41

La yalic: —Ya me xtal slajin ta jc'axel te mach'atic amenique, ya me yac'bey ta swenta yan j'at'eletic te ts'usubiltic yu'une, ja' te ya sna'ic yaq'uel jujun buelta te jayeb ya sitin te ts'usube —xiic.

San Marcos 12:1

Jesús jajch' yalbey yaiyic seña-c'opetic. Jich la yal: —Ay jtul winic te la sts'un ts'usubiltic, soc la sjoy ta ts'ajc'. La sjoc'bey xch'enal spits'jibal sit te sts'usube, soc la sts'ajc'uy moel iljibal-q'uinal na swenta yu'un ya yich' canantayel tey a te ts'usubiltique. “La yac' jilel ta wentainel yu'un j'at'eletic te ts'usubiltic yu'une, soc bajt' ta c'ubul q'uinal.

San Marcos 12:7

Te j'at'eletique la yalbey sbaic: “Ja' in to ja' te mach'a ya xjil ta swenta te q'uinale. La'ic, ya jmiltic, yu'un jo'otic me ya xjil ta jwentatic te q'uinale”, xiic.

San Marcos 12:9

“¿Bila ya spas te yajwal ts'usubiltique? Ya calbeyex te ya me xtal smil jilel te j'at'eletique soc ay me yan j'at'eletic ya yac'bey swentainic.

San Lucas 20:9

Te Jesús jajch' sc'opon te lume. La yalbey yaiyic in seña-c'op to: —Ay jtul winic te la sts'un ts'usubiltic, soc la yac' jilel ta wentainel yu'un j'at'eletic. Bajt' ta c'ubul q'uinal. Bayal u jalaj tey a.