San Mateo 21:33 - Bible in Tzeltal de Oxchuc y Tenejapa

³³ “Aiya awaiyic stojol yan seña-c'op: Ay jtul winic te la sts'un ts'usubiltic ta sq'uinal, soc la sjoy ta ts'ajc'. La sjoc'bey xch'enal te spits'jibal sit te sts'usube, soc la sts'ac'uy moel iljibal-q'uinal na, swenta yu'un ya yich' canantayel tey a te ts'usubiltique. La yac' jilel ta wentainel yu'un j'at'eletic te ts'usubiltic yu'une, soc bajt' ta c'ubul q'uinal.

Nuevo Testamento Tzeltal de Amatenango

³³ “Aꞌibeyaik sluwar yan seña-kꞌop: Te yajwal pinkae la stsꞌun yubailtik ta slum y la spasbe smakteꞌul. La xchap jun luwar ba ya spitsꞌbe sit te yubae, sok la spas slotstajib yuꞌun ya skanantay te yubailtike. La yakꞌ jil ta lokꞌel yuꞌun te jmajan-lumetike y bajt ta jakal.

Bible in Tzeltal Bachajón

³³ A'iya me awa'iyic yan sloc'ombahil c'op: Ay jtuhl yajwal q'uinal te la sts'un sts'usubil, la sjoy ta corral, la shotbe spits'ojbil soc la spas toyol ilo-q'uinal yu'un, soc la yac' ta majanel yu'un j'a'teletic, baht ta namal stuquel.

San Mateo 21:33 Referans Kwoze

Jeremías 2:21

Jo'on la jts'unat jichuc ts'usub te mero cajal yutsile, jich bit'il yawalil ts'usub te mero lec ta jyalele. ¿Bi yu'un te bayal bolobenate, te ma jna'batix aba ya quile?

San Juan 15:1

Soc la yal xan te Jesuse: —Jo'on mero smuc'ul yac'ulon te ts'usube. Te Jtate ja' jcanan-ts'usubiltic stuquel.

San Lucas 19:12

Jich la yal te Jesuse: —Ay jtul jc'ulej winic te bajt' ta yan lum te c'ubul aye, yu'un ba yich' tel yat'el ta muc' ajwalil.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

San Marcos 13:34

Jich me c'oem te bit'il jtul winic te bajt' ta c'ubul q'uinale. C'alal ma to xloc' bael ta sna, la spas jilel ta mandal te abatetic yu'une. Juju-jtul la yac'bey jilel yat'el, soc la yalbey jilel mandal te mach'a scanantayej te sti' snae te ma me xwaye.

San Mateo 23:2

—Te jts'ibojometic soc te fariseoetique sjelolinejic Moisés ta yaq'uel ta nopel te mandalil ts'ibubil jilel yu'une.

San Mateo 21:28

Soc la yal te Jesuse: —¿Bi xi' awo'tanic yu'un in to? Ay jtul winic te ay cheb snich'nab. Jich la yalbey te jtule: “Jnich'an, ya me xbaat ta at'el ta ora to ta bay te ts'usubiltique”, la yut.

San Mateo 13:18

“Aiya awaiyic stojol te bit'il c'oem swentail te seña-c'op la calbeyex te mach'a loc' swaj yawale.

Jeremías 19:3

Albeya: “Muc' Ajwaliletic yu'un Judá soc yajwal Jerusalén, aiya awaiyic stojol sc'op Cajwaltic te Spisil ya xju' yu'une, te Dios yu'un Israel: Ya jticun tel muc' te bila amen ta stojol in lum to, ta spisil mach'a ya yaiybey stojol sc'oplal xch'inet nax me xchiquin ya xjil yu'un.

Isaías 1:10

Jtsobwanejetic yu'un Sodoma c'oemex, aiybeya awaiyic stojol sc'op te Cajwaltique; lum Gomorra, aiya awaiy stojol ta lec te bitic ya yac'bat anop te Dios cu'untique.

1 Reyes 22:19

La yal xan te Micaías: —Ja' yu'un te bi la awalixe, aiya me awaiy te sc'op Cajwaltic: La quil te Cajwaltic nacal ta smuc'ul nactijib, soc la quilbey spisil te ch'ul abatetic ta ch'ulchan, tec'ajtic ta sts'eel ta swa'el soc ta xq'uexen.

Deuteronomio 16:18

“Ac'beyaic yich' yat'el juecetic, soc ac'beyaic yich' yat'el yantic jwentainwanejetic ta stojol te lumetic ya yac'beyex ta chajbalchajp ats'umbalic te Cajwaltic te Dios cu'untique, swenta yu'un ya me xchajbanwanic ta mero stojil ta stojol te lume.

San Mateo 20:1

La yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te jtul winic te sab to a te loc' sle yaj'at'ele, swenta yu'un ya spas trato ta tsobel te sts'usube.