San Mateo 21:32 - Bible in Tzeltal de Oxchuc y Tenejapa

³² Melel tal te Juane. La yac'beyex at'unic sbelal te bila toj ta pasele, ja'uc me to, ma la ach'uunic te bi la yalbeyexe. Yan te jc'an-patanetique soc te jmulawil-antsetique la xch'uunic stuquelic. Yan te ja'exe manchuc teme la awilic te jich yac ta c'oel ta pasele, ma ba la asujt'es awo'tanic soc ma ba la ach'uunic.

Nuevo Testamento Tzeltal de Amatenango

³² Jich te Juan Akꞌichꞌjaꞌe tal snojpesex tut a te tsaꞌam ta pasele, pero ma la achꞌuunik te tuti yalbeyexe. Yan te jkꞌan-tojemaletike sok te jmulawil-antstike la xchꞌuunik stukelik. Yan te jaꞌexe manchuk me la awilik te jich yipal kꞌoel ta pasele ma la asujtes awoꞌtanik te yauk achꞌuunike.

Bible in Tzeltal Bachajón

³² como te Juan tal ta atojolic yu'un ya ya'beyex awilic te be yu'un te bin stojil ay ta pasel, pero ma ba la ach'uhunic, yan te jc'an-patanetic soc te j'antsineletic la sch'uhunic stuquelic. Pero te ha'exe, aunque la awilic, ma ba la asuhtes awo'tanic yu'un yac ach'uhunic.

San Mateo 21:32 Referans Kwoze

San Mateo 21:25

¿Mach'a la yac'bey yat'el ta yaq'uel ich'ja' te Juane? ¿Ja' bal te Diose, o ja' bal te winiquetique? —xi'. Jich jajch' yaanic stuquelic: —Teme ya caltic te ja' ac'bot yat'el yu'un te Diose, ya me yalbotic: “¿Bistuc ma la ach'uunic te bila la yale?”, ya me yutotic.

2 Pedro 2:21

Ja' lec te manchuc lajuc yilic te lequil bee. Yu'un te bit'il yilojiquixe, ja' wocol te la yijq'uitay ta yo'tanic te ch'ul mandalil te ac'bot xch'uunique.

Apocalipsis 2:21

La jmaliyix bayal c'aal te yacuc sujt'es yo'tanique, ja'uc me to, xujt' ma sc'an sujt'es yo'tanic. Ma la yijq'uitayic spasel te mulile.

Hebreos 3:12

Quermanotac, tsajtaya me abaic, ma me ayuc jtuluquex te ma junuc awo'tanic ta stojol te cuxul Diose, te jich ya awijq'uitayic jilel soc te ma x'ac'an ach'uunique.

2 Timoteo 2:25

soc te lamal yo'tan ya stojobtes te mach'atic ya xcontroinwanique, soc ya smaliy yil teme ayuc bit'il ya sujt'es yo'tanic ta stojol te Diose swenta yu'un ya me sna'ic uuc te smelelil c'ope.

San Mateo 11:18

Melel te c'alal tal te Juane ma ba we'-uch'aj ta lec. “Ay pucuj ta yo'tan”, xaex yu'un.

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

San Mateo 5:46

Melel teme jip nax c'ux ya awaiyic te mach'atic c'ux ya yaiyexe, ¿bila amajt'an ya x'ac'botex yu'un a te Diose? Melel jich ya spasbey sbaic uuc te jc'an-patanetique.

San Mateo 21:31

¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.