San Mateo 21:3 - Bible in Tzeltal de Oxchuc y Tenejapa

³ Teme ay mach'a ay bi ya yalbeyexe, albeya: “Ja' ya xtuun yu'un te Cajwaltique,” utaic. Jich me ora nax ya yac'beyex tel a —xi' te Jesuse.

Nuevo Testamento Tzeltal de Amatenango

³ Teme ay machꞌa ay tut ya yalbeyex yuꞌune, albeyaik: “Jaꞌ ya xtuun yuꞌun te Kajwaltike. Ya me sujtesbeyat tal ta ora”, ya me awutik —xchi te Jesuse.

Bible in Tzeltal Bachajón

³ Teme ay mach'a ay bin ya yalbeyex, hich me xawalbeyic: Ha ya xtuhun yu'un te Cajwaltic, patil ya suht talel, xchihex me.

San Mateo 21:3 Referans Kwoze

Hechos 17:25

soc ma smajanbey sc'ab winiquetic, melel ma'yuc bi ya xtuun yu'un stuquel. Ja' stuquel yac'ojbey xcuxlejal ta spisil ants-winiquetic, soc te yac'ojbey yich'ic iq'ue, soc ja' yac'ojbey spisil te bila ya xtuun yu'unique.

2 Corintios 8:9

Melel ana'ojiquix te bit'il ay yutsil yo'tan te Cajwaltic Jesucristoe. Manchuc teme ay sc'ulejale, ta swenta xc'uxul yo'tan awu'unic te la sc'atp'un sba ta me'ba, swenta yu'un jich me ya yac'beyex ac'ulejalic ta swenta bit'il la yac' sba ta me'ba stuquel.

San Juan 3:35

Te Tatile c'ux ta yo'tan te Snich'ane, ja' yac'ojbey ta sc'ab spisil te bitic aye.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

Salmos 24:1

Te Cajwaltic ja' yu'un ta spamal te balumilale, ta spisil te bitic ay soc ta spisil te bitic cuxajtique.

Esdras 7:27

Ja' yu'un te Esdras la sc'opon Dios, jich la yal: —Wocol la awal, Cajwal, te Diosat yu'un te jme'il-tatiletique, melel la atijbey yo'tan te muc' ajwalil te la yich' ta muc' te templo awu'un ta Jerusalén.

Esdras 1:5

Te jwentainwanejetic yu'un jujun na ta Judá soc ta Benjamín soc te sacerdoteetic, soc te levitaetique, ja'ic ta spisil te tijbot yo'tanic yu'un te Diose, la xchajban sbaic yu'un te bael ta Jerusalén, soc ta xcha'pasel xan te templo yu'un te Cajwaltique.

2 Corintios 8:16

Ja'uc me to, wocol la yal Dios te bit'il la yac' sna'ex ta yo'tan te Titoe, jich te bit'il bayal ya jna'ex te jo'one.

Esdras 1:1

Ja' in to ja' sc'oplal te bila c'ot ta pasel ta sbabial ja'wil yochel ta muc' ajwalil yu'un Persia a te Ciro. Jich c'ot ta pasel a te bila yaloj Cajwaltic ta swenta te Jeremías. Te Cajwaltic la stijbey yo'tan te Ciro te yacuc yal mandal ta stojol te israeletique. La yich' puquel ta alel sc'oplal soc ta ts'ibubil junetic ta spamal q'uinal te banti c'alal swentaineje. Jich ay te smandale:

1 Reyes 17:9

—Jajch'an, baan ta lum Sarepta te ay ta sq'uinal Sidón, tey ya x'ainat a. La jpasix ta mandal jtul me'ba ants te tey nainem a, ya me yac'bat awe'el —xi' sc'oplal.

1 Samuel 10:26

Soc nix te Saúl, bajt' ta sna ta Gabaa. Dios la stijbey yo'tanic tsobol ta jtul te winiquetic bayal yip yo'tanic, bajt'ic soc, swenta yu'un ya sjoinic.

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

San Mateo 21:2

Jich la yalbey: —Baanic ta bay in ch'in lum to te chican ta ilele. Tey me chucul ya xc'o ataic cojt' me' burra soc te yale. Tilaic, nitbonic tel.

San Mateo 21:4

Jich c'ot ta pasel te bila yaloj jilel te j'alwanej yu'un te Diose: