San Mateo 21:29 - Bible in Tzeltal de Oxchuc y Tenejapa

²⁹ La yal te snich'ane, “Ma jc'an”, xi'. Ja'uc me to, patil la sujt'es yo'tan yu'un te bila la yalbey te state. Jich bajt' ta at'el.

Nuevo Testamento Tzeltal de Amatenango

²⁹ La sjakꞌ te xnichꞌane: “Ma jkꞌan”, xchi. Pero ta patil la yakꞌ yajtal yoꞌtan yuꞌun te tuti yalbe te state, y jicha ba aꞌtejuk.

Bible in Tzeltal Bachajón

²⁹ La sjac' te snich'an: Ma jc'an, xchi. Pero patil la suhtes yo'tan, baht ta a'tel.

San Mateo 21:29 Referans Kwoze

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Hechos 26:20

Ja' sbabial la cal ta lum Damasco, soc ta patil ta lum Jerusalén, soc ta spamal sq'uinal Judea, soc ta stojol te jyanlumetique. La calbey te ya sc'an te ya yijq'uitayic te smulique, soc te ya sujt'es yo'tanic ta stojol te Diose, soc te ya sc'an xyanaj xcuxlejalic ta stojol te Diose, soc te ya sc'an ya xchicnaj ta yat'elic te bit'il sujt'emix yo'tanic ta melele.

San Mateo 21:31

¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.

Jonás 3:2

—Jajch'an ta beel, baan ta muc'ul lum Nínive. Albeya yaiy te bila ya calbate —xi'.

Jeremías 44:16

—Ma xquich'tic ta muc' te c'op la awich'botic tel ta swenta te Cajwaltique.

Números 10:30

Te Hobab la sjac': —Ma xju', ja' lec ya sujt'on bael ta jlumal ta bay te quermanotaque —xi'.

San Mateo 21:28

Soc la yal te Jesuse: —¿Bi xi' awo'tanic yu'un in to? Ay jtul winic te ay cheb snich'nab. Jich la yalbey te jtule: “Jnich'an, ya me xbaat ta at'el ta ora to ta bay te ts'usubiltique”, la yut.

San Mateo 21:30

“Te winique la sc'opon te yan snich'ane. Jich nix la yalbey uuc. La yal te quereme: “Yacuc, jtat. Ya xboon”, xi'. Ja'uc me to, ma bajt'.

Éxodo 4:28

Jich yu'un te Moisés la xcholbey Aarón spisil bitic albil yu'un te Cajwaltique, soc la yalbey te muc'ul jchajp at'eliletic te ya x'ac'bot spase.