San Mateo 21:27 - Bible in Tzeltal de Oxchuc y Tenejapa

²⁷ La yalbeyic ts'iin te Jesuse: —Ma jna'tic —xiic. La yal uuc te Jesuse: —Jichon uuc, ma xcalbeyex te mach'a la yac'bon cat'el ta spasel spisil in to —xi'.

Nuevo Testamento Tzeltal de Amatenango

²⁷ La yalbeyik tsꞌin te Jesuse: —Ma jnaꞌtik —xchiik. La sjakꞌ euk te Jesuse: —Jichon euk ma xkalbeyex te tut kaꞌtel kichꞌoj ta spasel to —xchi.

Bible in Tzeltal Bachajón

²⁷ Ha yu'un hich la yalbeyic te Jesús: Ma jna'cotic, xchihic. Ha yu'un hich halbotic yu'un te Jesús: Ha nix hichon, ma ba ya calbeyex te bin ca'tel quich'oj ta spasel ini.

San Mateo 21:27 Referans Kwoze

2 Corintios 4:3

Te mach'a ya yal te ma jamaluc te lec yach'il c'op ya caltique, ja' nax te mach'atic ya xbajt'ic ta ch'ayele.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

San Juan 9:30

La yal te winique: —Jchajp nax ya caiy a te ma x'ana'ic stojol ja'ex te bay taleme, melel la sjambonix te jsite.

San Mateo 16:3

Soc te c'alal sacubix a te q'uinale, jich ya awalic: “Yo'tic ya xtal ja'al, yu'un tsaj te ch'ulchan soc ay tocal”, xaex yu'un. ¡Cha'lam awo'tanic te ja'exe! Ya ana'ic stsajtayel te bi yilel te q'uinale, ja'uc me to, ya awalic te ma x'ana'ic stsajtayel te señaetic yac ta coel ta pasel ta ora to.]

San Mateo 15:14

Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

Isaías 28:9

Ya yalbonic jc'oplal, jich ya yalic: —La', ac'botic bi ya jnoptic, albotic te bila yac'oj ta na'el te Diose. Jich me c'oemotic te bit'il ch'in alaletic

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

San Mateo 21:26

Soc teme ya caltic te ja' ac'bot yat'el yu'un winiquetic, ya me jxi'tic te lume, yu'un ay ta yo'tanic te ja' j'alwanej yu'un Dios te Juane —xiic ta yaanel.

San Mateo 21:28

Soc la yal te Jesuse: —¿Bi xi' awo'tanic yu'un in to? Ay jtul winic te ay cheb snich'nab. Jich la yalbey te jtule: “Jnich'an, ya me xbaat ta at'el ta ora to ta bay te ts'usubiltique”, la yut.