San Mateo 21:26 - Bible in Tzeltal de Oxchuc y Tenejapa

²⁶ Soc teme ya caltic te ja' ac'bot yat'el yu'un winiquetic, ya me jxi'tic te lume, yu'un ay ta yo'tanic te ja' j'alwanej yu'un Dios te Juane —xiic ta yaanel.

Nuevo Testamento Tzeltal de Amatenango

²⁶ Sok ma spas ya kaltik te winketik a tikonot tal yuꞌune, yuꞌun ya xiꞌtik te jtejklume, yuꞌun ya xchꞌuunik te jaꞌ jꞌalwanej yuꞌun Dios te Juane —xchiik ta yaꞌabiyanel.

Bible in Tzeltal Bachajón

²⁶ Teme ya caltic: Talem ta stojol ants-winic, teme xchihotic, ya jxi'tic te jlumaltic, como spisil sch'uhunejic te ha jalwanej te Juan, xchihic.

San Mateo 21:26 Referans Kwoze

San Marcos 6:20

Ja'uc me to, te Herodese la xi' te Juane, yu'un sna'oj stojol te toj ta winiquile soc te ma'yuc mulil ta yo'tane. Jich yu'un la yac' ta canantayel ta lec swenta yu'un ma xtaot ta milel. Te ajwalile bayal bila ma c'ot ta yo'tan te bila albot yu'un te Juane, ja'uc me to, la smulan te la yaiy stojole.

San Juan 5:35

Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

San Mateo 21:46

Yo'tan c'an stsaquic, ja'uc me to, la xi'ic te lume. Yu'un c'oem ta yo'tanic ta ja' j'alwanej yu'un Dios te Jesuse.

San Mateo 14:5

Jich te Herodes yo'tan c'an smil te Juane, ja'uc me to, la xi' te lume. Yu'un ich'bil ta muc' yu'unic te Juane, te melel xch'uunejic te ja' j'alwanej yu'un te Diose.

San Mateo 11:9

¿Biluc xc'otuc awilic jiche? “Ja' xc'o quiltic jtul j'alwanej yu'un Dios”, ¿xaex bal? Melel nix a. Soc ya calbeyex te c'ax jich ay yat'el te bit'il j'alwanej yu'un te Diose.

Hechos 5:26

Jich yu'un te jwolwanej-canan-templo bajt' ta ora soc te policiaetic yu'une. Sbelal la yiq'uic tel te jpuc-c'opetique, yu'un la xi'ic teme ay bit'il ya xch'ojotic ta ton yu'un te lume.

San Juan 9:22

Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

San Lucas 22:2

Te jwolwanej-sacerdoteetic soc te jts'ibojometique, yacalic ta sleel ta muquen te bit'il ya xju' ya smilic te Jesuse, yu'un ja' ya xi'ic te lume.

San Lucas 20:19

Te jwolwanej-sacerdoteetic soc te jts'ibojometique, ora nax c'an stsaquic te Jesuse. Yu'un la sna'ic stojol te ja' sc'oplalic te seña-c'op la yal te Jesuse, ja'uc me to, la xi'ic te ants-winiquetique.

San Lucas 20:6

Soc teme ya calbeytic te ja' ac'bot yat'el yu'un winiquetic, spisil lum ya me smilotic ta ch'ojel ta ton, melel xch'uunej yo'tanic te bit'il ja' j'alwanej yu'un Dios te Juane —xiic ta yaanel.

San Marcos 12:12

Jich c'an stsaquic, yu'un c'ot ta yo'tanic te ja' sc'oplalic te seña-c'op la yale. Ja'uc me to, la xi'ic te ants-winiquetique. Jich la yijq'uitayic jilel, bajt'ic.

San Marcos 11:32

Soc teme ya caltic te ja' ac'bot yat'el yu'un winiquetic, ya me jxi'tic te lume, yu'un ay ta yo'tanic te ja' j'alwanej yu'un Dios te Juane —xiic ta yaanel.

Isaías 57:11

“¿Mach'atic a te diosetic te axi'oj soc te awich'oj ta muc', te ma tojuc awo'tan ta jtojol yu'une, soc te jc'axel la ach'ayon ta awo'tan yu'une? Te c'alal ma ba la awich'on ta muc', ma ba c'opojon, ma'yuc bila la cal yu'un.

San Mateo 21:11

Ta spisil te ants-winiquetique jich la yalic: —Ja' te j'alwanej yu'un Dios te Jesús sbiil te talem ta lum Nazaret ta sq'uinal Galilea —xiic.

San Mateo 21:25

¿Mach'a la yac'bey yat'el ta yaq'uel ich'ja' te Juane? ¿Ja' bal te Diose, o ja' bal te winiquetique? —xi'. Jich jajch' yaanic stuquelic: —Teme ya caltic te ja' ac'bot yat'el yu'un te Diose, ya me yalbotic: “¿Bistuc ma la ach'uunic te bila la yale?”, ya me yutotic.

San Mateo 21:27

La yalbeyic ts'iin te Jesuse: —Ma jna'tic —xiic. La yal uuc te Jesuse: —Jichon uuc, ma xcalbeyex te mach'a la yac'bon cat'el ta spasel spisil in to —xi'.