San Mateo 21:22 - Bible in Tzeltal de Oxchuc y Tenejapa

²² Spisil te bila ya ac'anic ta sc'oponel te Diose, ya x'ac'botex teme jich ach'uunejique —xi' te Jesuse.

Nuevo Testamento Tzeltal de Amatenango

²² Spisil te tut ya akꞌanbeyik te Diose ya yaꞌbelex teme jich xchꞌuunej awoꞌtanike —xchi te Jesuse.

Bible in Tzeltal Bachajón

²² Spisil te bin yac ac'anic ta sc'oponel Dios, teme ya xch'uhun awo'tanic, ya me x'a'botex, xchi.

San Mateo 21:22 Referans Kwoze

San Mateo 7:7

“C'anbeya te Diose, jich me ya yac'bat. Lea te bila ya ac'ane, jich me ya ata ta leel. C'opojan ta ti'nail, jich me ya sjambat te Diose.

San Marcos 11:24

Ja' swentail te ya calbeyexe, te bila ya ac'anic ta sc'oponel Dios, ac'a xch'uunjel awo'tanic te ya yac'beyexe. Jich me ya awich' te bila ya ac'anique.

1 Juan 3:22

Spisil te bila ya ac'anbeyique, ya me yac'beyex, yu'un cat'elinejtic xch'uunel te smandale, soc cat'elinejtic spasel te bila lec yo'tan yu'un stuquele.

San Mateo 18:19

“Soc ya calbeyex xan, teme ay chebuquex li'to ta balumilal te ya achap ac'opic te bila ya ac'anbey te Diose, ya me x'ac'botex yu'un te Jtat te ay ta ch'ulchane.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

San Juan 14:13

Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

San Juan 16:24

Ma to ayuc bila ac'anojic ta jwenta. C'anaic, jich me ya yac'beyex, swenta yu'un jich me ya xbujts'naj ta lec awo'tanic yu'un.

San Juan 15:7

“Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Mateo 7:11

Melel te ja'exe, manchuc teme amen awo'tanique, ja'uc me to, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey bila lec te mach'a ya sc'anbeye.