San Mateo 21:17 - Bible in Tzeltal de Oxchuc y Tenejapa

¹⁷ Te Jesús la yijq'uitay jilel te muc'ul lume. Bajt' ta lum Betania. Tey c'ax ajc'ubal yu'un a.

Nuevo Testamento Tzeltal de Amatenango

¹⁷ Y la sjileslan y bajt ta jtejklum Betania. Teꞌ kꞌax ajkꞌubal yuꞌun a.

Bible in Tzeltal Bachajón

¹⁷ Tey la yihquitaylan hilel a, loc' bahel ta pueblo, baht ta Betania, tey c'oht ta wayel a.

San Mateo 21:17 Referans Kwoze

San Juan 11:18

Te Betania ay niwan oxebuc kilómetro yiloj sba soc te Jerusalene.

San Juan 11:1

Ay jtul winic te ay ta chamel te Lázaro sbiil te ay ta Betania. Ja' slumal te María soc uuc te xwixe ja' te Martae.

San Lucas 24:50

Te Jesús la yic' bael te jnopojeletic yu'une. La yijq'uitayic jilel te muc'ul lume. Bajt'ic ta bay nopol ch'in lum Betania. Tey la stoy xchebal sc'ab a la yac'bey bendición te jnopojeletique.

San Marcos 11:11

Jich och bael ta Jerusalén te Jesuse, soc och ta templo. La yil ta sjoyobal spisil te bitic ay tey ae. Te c'alal malix te c'aale sujt' bael ta Betania soc te lajchaytul jnopojeletic yu'une.

San Marcos 11:19

C'alal yaquix ta ijc'ubel a te q'uinale, te Jesús soc te jnopojeletic yu'une la yijq'uitayic jilel te muc'ul lume.

San Mateo 16:4

In te mach'a cuxulic ta q'uinal ta ora to, amen yo'tanic soc jmulwejetic, ya sc'an seña yilic, ja'uc me to, ma x'ac'botic. Ja' seña ta stojolic te Jonás te namey q'uinal j'alwanej yu'un te Diose —xi'. Jich la yijq'uitay jilel. Q'uejel a bajt'.

San Lucas 19:29

Te c'alal la sta te Wits Olivailtic sbiile ta bay nopol te ch'in lumetic te Betfagé soc Betania, la sticun bael cha'tul te jnopojeletic yu'une, jich la yalbey:

San Lucas 10:38

Te bit'il yac ta beel te Jesuse, c'ot ta bay ch'in lum. Ay jtul ants tey a te Marta sbiil te la yic' ochel ta snae.

San Marcos 11:1

Te c'alal nopol ayiquix ta Jerusalén la staic te Wits Olivailtic ta bay cheb ch'in lumetic te Betfagé soc Betania. Te Jesús la sticun bael cha'tul te jnopojeletic yu'une:

San Marcos 3:7

Te Jesús bajt' ta ti'mar soc te jnopojeletic yu'une. Bayal ants-winiquetic la sts'aclinic bael te talemic ta spamal sq'uinal Galilea.

San Mateo 26:6

Ay ta Betania te Jesús ta sna Simón jc'a'el-chamele.

Oseas 9:12

Teme ay nix ju' yu'unic xch'ijtesel te snich'nabique, ya me jpojbey, ma ba ya quijq'uitaybey ni jtuluc. Obol sbaic te ants-winiquetic te c'alal q'uejel ya cac' jba ta stojole.

Jeremías 6:8

Tojtesa aba ta lec, Jerusalén. Teme ma jichuc ya apase, ma me lecuc co'tan yu'un, ya me jq'uej jba bael ta atojol. Ya me jc'atp'unat ta jochol taquin q'uinal; ma me ayuc ants-winiquetic ya quijq'uitaybat —xi' te Cajwaltique.

San Marcos 14:3

Ay ta Betania te Jesús ta sna Simón te jc'a'el-chamele. Nacal ta mesa a tal jtul ants te yich'oj tel limeta te pasbil ta alabastro-ton te nojel ta perfume te nardo sbiil te toyem stojole. La sjambey sti' te limetae soc la smalbey ta sjol Jesuse.