San Mateo 21:15 - Bible in Tzeltal de Oxchuc y Tenejapa

¹⁵ Te jwolwanej-sacerdoteetic soc te jts'ibojometique, ilin yo'tanic yu'un te c'alal la yilic te jchajp at'elil te la spas te Jesuse soc te la yaiyic stojol te jich yacalic ta aw ta stojol Jesús ta bay templo te alaletique: “¡Jelawen awutsil te sts'umbalat David!”, te xiique.

Nuevo Testamento Tzeltal de Amatenango

¹⁵ Te statal-saserdoteetike sok te maestroetik yuꞌun te mantaliletike la yilik te milagroetik te ya spas te Jesuse. Sok ilinik kꞌalal la yaꞌiyik te xꞌawlajan ta templo te chꞌin untike. Jich a yalik ta stojol te Jesuse: “¡Bayal slekilal te stsꞌumbal jDavide!” xchiik.

Bible in Tzeltal Bachajón

¹⁵ Pero te principal sacerdotehetic soc te escribanohetic ilinic yu'un te c'alal la yilic te jchahp a'teliletic yac spasbel soc te hich yacalic ta aw ta Templo te alaletic: ¡Hosana ta stojol te Snich'an David! te xchihique.

San Mateo 21:15 Referans Kwoze

San Mateo 21:9

Te ants-winiquetique te neel yacalic ta beel soc te patil ayique, la yawtayic: —¡Jelawen yutsil te sts'umbal David! ¡Bin nax yutsil te mach'a talem ta swenta te Cajwaltique! ¡Jelawen yutsil te Mach'a ay ta ch'ulchane! —xiic ta aw.

San Juan 12:19

Jich te fariseoetique caj yalbey sbaic: —Ilawil, ma staq'uix ta comel. Melel spisil te lume bajt'iquix ta stojol te Jesuse —xiic.

San Juan 11:57

Te fariseoetique soc te jwolwanej-sacerdoteetic yalojiquix mandal te ya me yalic teme ay mach'a ya sna' ta banti ay te Jesuse, swenta yu'un ya me xba stsaquic tel.

San Juan 7:42

Melel ts'ibubil ta Sjun Dios te ja' sts'umbal muc' ajwalil David te Cristoe soc ta lum Belén ya xtal te ja' slumal te Davide —xiic yu'un.

San Juan 4:1

Te fariseoetic la yaiyic stojol te bit'il ayix bayal jnopojeletic yu'un te Jesuse, soc c'ax jich yac ta yaq'uel ich'ja' te bit'il te Juane.

San Lucas 22:66

Ta sacubel q'uinal la stsob sbaic ta Muc'ul Tsoblej te principaletic yu'un te lume soc te jwolwanej-sacerdoteetic soc te jts'ibojometique. La yiq'uic tel ta stojolic te Jesuse. Jich la sjojc'obeyic:

San Lucas 22:2

Te jwolwanej-sacerdoteetic soc te jts'ibojometique, yacalic ta sleel ta muquen te bit'il ya xju' ya smilic te Jesuse, yu'un ja' ya xi'ic te lume.

San Lucas 20:1

Ay jun c'aal te Jesús yac ta sp'ijubtesel ta templo te ants-winiquetic soc yac ta yalel te lec yach'il c'ope, talic ta stojol te jwolwanej-sacerdoteetic soc te jts'ibojometique soc uuc te principaletic yu'un te lume.

San Marcos 11:18

Te wolwanej-sacerdoteetique soc te jts'ibojometique la yaiyic stojol te bila la yale. Jich caj sleic te bi ya yut ya smilique, melel la xi'ic te Jesuse scaj te spisil lum jchajp nax la yaiyic te p'ijubtesel yu'une.

San Mateo 27:20

Ja'uc me to, te jwolwanej-sacerdoteetic soc te principaletique la yac'beyic c'otuc ta yo'tanic te lume te ja' ya sc'anbeyic scoltayel te Barrabase, soc te ja'uc ya x'ac'ot ta lajel stuquel te Jesuse.

San Mateo 27:1

C'alal sacubix tel q'uinal a, spisil te jwolwanej-sacerdoteetic soc te principaletic yu'un te lume la xchap sc'opic te ya yaq'uic ta lajel te Jesuse.

San Mateo 26:59

Te jwolwanej-sacerdoteetic soc te principaletique soc ta spisil te Muc'ul Tsoblej yu'unique la sleic lotil testigoetic swenta yu'un jich ya xju' ya yaq'uic ta lajel te Jesuse.

San Mateo 26:3

Ja' yorail te la stsob sbaic te jwolwanej-sacerdoteetique soc te jts'ibojometic soc te principaletic yu'un te lume. Tey la stsob sbaic a ta bay yamac'ul sna te muc' sacerdote Caifase.

San Mateo 22:42

—¿Bi ya awalic yu'un te Cristoe? ¿Mach'a sts'umbal ya awaiyic? —xi'. La yalic: —Ja' sts'umbal te muc' ajwalil David —xiic.

San Mateo 21:23

C'alal tal ta templo te Jesuse. Jajch'emix ta p'ijubteswanej a te tal ta c'oponel yu'un te jwolwanej-sacerdoteetique soc te principaletic yu'un te lume. La sjojc'obeyic: —¿Banti la awich' awat'el ta spasel spisil in to? ¿Mach'a la yac'bat awat'el? —xiic.

San Mateo 9:27

Te c'alal loq'uix bael tey a te Jesuse, ay cheb ma'sitetic te la sts'aclinic baele. Jajch' yawtayic: —Sts'umbal David, c'uxtayawotic —xiic.

Isaías 26:11

Cajwal, chapalix awu'un te castigo; ja'uc me to, ma sc'an sna'ic stojol. C'alal ya yilic te yip xc'uxul awo'tan ta stojol te lum awu'une, ya me xjilic ta q'uexlal yu'un. Ayuc laj bit'il ya xlajic ta c'ajq'uel yu'un sc'aal te awilimbae.

San Mateo 20:24

Te c'alal la yaiy stojol te lajuntul jnopojeletique, la yilintayic te chebique.