San Mateo 21:12 - Bible in Tzeltal de Oxchuc y Tenejapa

¹² Te Jesús och bael ta templo. La sten loq'uel spisil te mach'atic yacalic ta chonbajel, manbajel tey a. La sbot'q'uinbey smesaic te jel-taq'uinetique, soc snactijib te mach'atic yacalic ta xchonel te stsumute.

Nuevo Testamento Tzeltal de Amatenango

¹² Te Jesuse och bael te ba mukꞌul templo, la sten lokꞌel spisil te machꞌatik yipal ta chonbajel y manbajel teꞌae. La xbalchꞌunbe xmexaik te jel-takꞌinetike, sok la xbalchꞌunbe snaktajib te machꞌatik yipalik ta xchonel palomae.

Bible in Tzeltal Bachajón

¹² Och bahel ta templo yu'un Dios te Jesús, la stenticlan loq'uel spisil te mach'atic yacalic ta chombajel soc ta mambajel ta Templo; la sbuchticlambe smesahic te jel-taq'uinetic soc la sbuchticlambe shuctajibic te mach'atic yacalic ta chon stsuhmut,

San Mateo 21:12 Referans Kwoze

Levítico 1:14

“Teme mut ya yac'bon jmajt'anin, te scojt'ol ya yich' chiq'uel swenta quich'el ta muc', ya me sc'an te ja' te jcojt' puliwoc o jcojt' alal stsumut.

Levítico 5:7

“Teme ma xju' yu'un te ya sman jcojt' te chije, ya me xju' ya yic'bon tel ta jtojol jo'on te Ajwalilon cheb puliwoquetic o cheb alal stsumutetic yu'un te smul staoje; te jcojt'e swenta milbil jmajt'an yu'un te smule, te yane swenta chic'bil jmajt'an.

San Lucas 2:24

Jich c'o yac'beyic smajt'an Dios te bit'il ya yal te mandalil yu'un te Cajwaltique: “Chican teme cha'cojt' puliwoc o teme cha'cojt' stsumut”, te xie.

Levítico 12:8

Teme ma xju' yu'un te me'il te ya yac' te chije, ya me xju' ya yic' tel cheb puliwoc o stsumut, jun yu'un majt'anil te scojt'ol ya yich' chiq'uel, yan yu'un milbil majt'anil yu'un mulil. Jich te sacerdote ya me sc'anbey te perdón, jich me ya xlecub sc'oplal jilel a te antse.

Levítico 14:22

soc cha'cojt' puliwoc o cha'cojt' alal stsumutetic, chican te bi yilel ay ta q'uinale, jcojt' yu'un milbil majt'anil yu'un mulil, yan swenta majt'anil te scojt'ol ya yich' chiq'uele.

Éxodo 30:13

Spisil mach'atic ochemiquix ta jun ya me yaq'uic taq'uin ta jtojol. Jo'eb me gramo yalal te plata ya yaq'uic, olil c'oem yu'un a te yalal te taq'uin albil sc'oplal ta ch'ul awilal.

San Marcos 11:11

Jich och bael ta Jerusalén te Jesuse, soc och ta templo. La yil ta sjoyobal spisil te bitic ay tey ae. Te c'alal malix te c'aale sujt' bael ta Betania soc te lajchaytul jnopojeletic yu'une.

Levítico 14:30

Te sacerdote ya me yac' ta majt'anil jcojt' puliwoc, o jcojt' alal stsumut, chican te bila ya xju' yu'un yaq'uel te mach'a ya yac' sba ta lecubtesel sc'oplale.

Levítico 12:6

“Te c'alal ya sts'acaj te jayeb c'aal te ya slecubtes sbae, manchuc me ch'in querem o ch'in ach'ix te ya x'ayine, pero te me'ile ya me sc'an te ya yic' bael ta yochibal Nailpac' te banti ya quich' c'oponel, jcojt' chij te jun ya'wilale, swenta yu'un ya yich' chiq'uel ta scojt'ol swenta jmajt'an, soc jcojt' stsumut, o jcojt' puliwoc, swenta milbil majt'anil yu'un mulil. Ya me yac'bey te sacerdotee.

Levítico 15:29

Ta swaxaquebal c'aal ya me stsac tel cheb puliwoquetic o cheb alal stsumutetic, ya me yich' bael ta stojol sacerdote ta stojol te yochibal Nailpac' te banti ya yich' c'oponel te Diose.

Levítico 15:14

Ta swaxaquebal c'aal ya me stsac tel cheb puliwoquetic o cheb alal stsumutetic, ya me xbajt' ta stojol te yochibal Nailpac' te banti ya yich' c'oponel te Diose, swenta yu'un ya yac'bey ta sc'ab sacerdote ta stojol te Cajwaltique.

Levítico 5:11

“Teme mero ma xju' yu'un smanel te cheb puliwoquetic, o cheb alal stsumutetic, ya me xju' ya yich'bon tel ta swenta jmajt'an yu'un smul cheb kilo mero lequil harina. Ma me xju' ya yac'bey aceite, soc ma me xyac'bey pom ta sba, melel ja' te majt'anil yu'un te mulile.

San Juan 2:13

Nopolix yorail q'uin Pascua yu'un te judioetique. Jich te Jesuse mo bael ta Jerusalén.