San Mateo 21:11 - Bible in Tzeltal de Oxchuc y Tenejapa

¹¹ Ta spisil te ants-winiquetique jich la yalic: —Ja' te j'alwanej yu'un Dios te Jesús sbiil te talem ta lum Nazaret ta sq'uinal Galilea —xiic.

Nuevo Testamento Tzeltal de Amatenango

¹¹ Te genteetike la yalik: —Jaꞌ te jꞌalwanej yuꞌun Dios te Jesus sbiile te talem ta jtejklum Nazaret ta estado yuꞌun Galilea —xchiik.

Bible in Tzeltal Bachajón

¹¹ Hich la yalic te ants-winiquetic: Ha te Jesús, te jalwanej te talem ta Nazaret ta sq'uinal Galilea, xchihic.

San Mateo 21:11 Referans Kwoze

San Juan 6:14

Te c'alal la yilic te ants-winiquetic te seña yu'el Jesús te la spase, jich la yalic yu'un: —Ja'ix ta melel te j'alwanej yu'un Dios te caiyojtic stojol te ya xtal ta balumilale —xiic.

San Juan 7:40

C'alal la yaiyic stojol te lume te bila la yal te Jesuse, ay la yalic: —Yu'un ja'ix te j'alwanej yu'un te Diose —xiic.

San Lucas 7:16

C'alal la yilic te ants-winiquetique, xiw yo'tanic yu'un. La yalbeyic wocol Dios yu'un: —Mero muc' j'alwanej te chicanix ta coliltique —xiic. Soc la yalic: —Dios tal scoltayix te lum yu'une —xiic.

Hechos 7:37

Soc ja' nix Moisés te la yalbey te israeletique: “Te Diose ya me yac'beyex jtul j'alwanej te ya xchicnaj ta awolilic jich te bit'il la xchicnanteson ta awolilic te jo'one. Ja' me x'awich'beyic ta muc' te bila ya yalbeyex awaiyique”, te xie.

San Juan 9:17

Jich la sjojc'obeyic xan te winique: —Ja'xan te ja'ate ¿bi xaat yu'un te winic te la sjambat asite? —xiic. La yal te winique: —Ya cal te jo'one j'alwanej yu'un Dios —xi'.

San Mateo 2:23

Jich c'o ainuc ta lum Nazaret te ay ta sq'uinal Galilea. Jich c'ot ta pasel te bila yaloj te j'alwanejetic yu'un Dios te ja' Nazaret sbiil ya xc'ot te Jesuse.

San Juan 4:19

La yal te antse: —¡Tatic, j'alwanejat yilel yu'un te Diose!

San Juan 1:21

La sjojc'obeyic xan: —¿Mach'aat a jiche? ¿O ja'at bal te Eliase? —xiic. La yal te Juane: —Ma jo'ocon —xi'. La xcha'jojc'obeyic xan: —¿Ja'at bal te j'alwanejate? —xiic. La yal: —Ma jo'ocon —xi'.

San Marcos 6:15

Ay yantic la yalic: —Ja' niwan te j'alwanej Eliase —xiic. Soc yantic la yalic: —Ja' niwan j'alwanej yu'un Dios te pajal soc te namey q'uinal j'alwanejetique —xiic.

San Lucas 24:19

Albotic yu'un: —¿Bila a te c'oem ta pasele? —xi'. La yalic: —Ja' te bila la spasbeyic te Jesús te Nazarete. Ja' te j'alwanej yu'un Dios te ay bayal yu'el soc te ay bayal yip sc'op ta stojol te Dios soc ta stojol te lume.

San Juan 1:25

jich la sjojc'obeyic: —¿Bistuc ya awac' ich'ja' teme ma ja'ucat Cristoat, o Eliasat, soc teme ma ja'ucat te j'alwanejate? —xiic.

San Lucas 13:33

Melel ya to me xbeenon ta ora to, soc pajel, soc cha'wej. Yu'un ma xju' te q'uejel ya xlaj jtuluc j'alwanej yu'un te Diose, tey me ya xlaj ta puersa ta bay Jerusalén.

San Lucas 7:39

Te fariseo te ic'awan ta we'ele la yil te bila la spas te antse. Jich la yal ta yo'tan: “Te ja'uc j'alwanej yu'un Dios te winique, ya me sna' te bit'il jmulawil-ants te tal ta piquel yacan yu'un te jichuque”, xi' ta yo'tan.

San Mateo 21:10

C'alal och bael Jesús ta lum Jerusalén, xch'inch'on nax jajch'el spisil te lume. La sjojc'oyic: —¿Mach'a a me to? —xiic.

San Mateo 21:26

Soc teme ya caltic te ja' ac'bot yat'el yu'un winiquetic, ya me jxi'tic te lume, yu'un ay ta yo'tanic te ja' j'alwanej yu'un Dios te Juane —xiic ta yaanel.

San Mateo 21:46

Yo'tan c'an stsaquic, ja'uc me to, la xi'ic te lume. Yu'un c'oem ta yo'tanic ta ja' j'alwanej yu'un Dios te Jesuse.