San Mateo 20:8 - Bible in Tzeltal de Oxchuc y Tenejapa

⁸ “C'alal x'ametix q'uinal a te yajwal at'ele la yalbey te mayordomoe: “Ic'a tel te j'at'eletique. Ac'beya stojolic. Ac'beya stojol neeluc te mach'atic patil ochic ta at'ele. Ja' me slajibal ya atoj te mach'a neel ochic ta at'ele”, la yut.

Nuevo Testamento Tzeltal de Amatenango

⁸ “Te kꞌalal sutꞌetix a te kꞌinale te yajwal pinkae la yalbe te yaj-kaporale: “Ikꞌa tal te jꞌatꞌeletike y tojtalana. Tojtalana nailuk te machꞌatik patil a och ta aꞌtele. Patil ya atojtalan te machꞌa nail a och ta aꞌtele”, xyut.

Bible in Tzeltal Bachajón

⁸ C'alal mahlix c'ahc'al a, te yajwal te ts'usubil la yalbe te mayordomo yu'un: Ic'ticlana tal te j'a'teletic, tojbeya te ya'telic, ha nahil yac atoj te mach'atic patilix hahchic ta a'tel, ha patil te mach'atic nahil hahchic ta a'tel, xchi.

San Mateo 20:8 Referans Kwoze

Deuteronomio 24:15

Tojbeyaic me te yat'elic ta yorail nix te bi c'aalil ya x'at'ejic ta atojolique. Ma me xamaliyic yijc'ubel q'uinal, melel yu'un sme'bail te at'eje. Ya me xtuun yu'un te taq'uin yu'un ya sman bila ya xtuun yu'un a. Teme ma jichuc ya apasique, ya me sc'an parte ta stojol te Cajwaltic, jich me ya ata amulic yu'un.

1 Pedro 4:10

Jech abatina abaic juju-jtul, chican bila majt'anil ac'bilex yu'un te Diose. Melel ya sc'an te ya awac' abaic ta abatinel ta stojol te yantique, chican te bit'il ac'bilex yu'un te Diose.

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

Tito 1:7

Melel te mach'a yich'oj yat'el ta jwolwanej yu'un te jch'uunjeletique, ja' swentainejbey sna sbiluc te Diose. Jich yu'un ya sc'an te ma'yuc bi quechel ta swentae, te ma toybauque, te ma jlemuc ta c'ope, te ma xyaiy yacubele, te ma c'aemuc ta xjajch'esel te c'ope, soc te ma smulan slo'layel te taq'uine.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

San Lucas 12:42

Jich la yal te Cajwaltique: —¿Mach'a a te mayordomo te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale soc te ya spucbey te bila ya xtuun yu'unic te jujun buelta te ya yich'ique.

San Lucas 10:7

Tey me x'ainex a ta banti na ya xc'oexe. Junuc me awo'tanic xwe'ex-x'uch'ajex tey a, chican te bila ya yac'beyexe. Te mach'a ya x'at'eje, ya me yich' stojol sc'ab yu'un. Ma me xmelmonuquex ta naetic.

San Lucas 8:3

soc te Juana te ja' smamlal te Chuza te mayordomo yu'un te Herodese, soc te Susana, soc tsobol yantic antsetic. Te bila ay yu'unic te antsetique, la yac'beyic te bila tuun yu'un te Jesús soc te jpuc-c'opetic yu'une.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

San Mateo 25:19

“Bayal c'aal ta patil sujt' tel te yajwalique. Caj yich'bey ta wenta te yat'elique.

Levítico 19:13

“Ma me xawuts'in te alumale, ma me xawelc'anbey te bila ay yu'une. “Ma me xchebaluc to c'aal a ya atojbey yat'el te mach'a ya awic' ta at'ele.

Génesis 43:19

Jich la sc'oponic te mayordomo José ta sti' sna,

Génesis 15:2

Te Abram la yal: —Cajwal Dios, ¿banti ya xtuun cu'un te jmajt'an ya awac'bon te bit'il ana'oj te ma'yuc jnich'ane? Melel ma'yuc awac'ojbon jtuluc jnich'an, jich yu'un ja' ya yich'bon jilel jna jbiluc te mayordomo te Eliezer te damasco-winique —xi'.

San Mateo 20:7

La yalic: “Yu'un ma'yuc mach'a la yic'otic ta at'el”, xiic. Jich a albotic yu'un: “Baanic ta at'el ta bay ts'usubiltic cu'un”, la yut.

San Mateo 20:9

“Jich talic te mach'atic ochic ta at'el ta swenta jo'ebix ora smalel a te c'aale. Ts'acal la yich' stojolic jun denario-taq'uin te juju-jtule.

Rut 2:6

La sjac' te mayordomo: —Moab-ants te loc' tel ta Moab soc te Noemí.