San Mateo 20:3 - Bible in Tzeltal de Oxchuc y Tenejapa

³ “Loc' xan bael ta nopol baluneb ora. La yil tec'ajtic ta yolil ch'iwich yantic winiquetic te ma'yuc yat'elique.

Nuevo Testamento Tzeltal de Amatenango

³ “Las noeve patajel a lokꞌ xan bael y la yil tekꞌatik ta parke te yan winketike te maꞌyuk staoj yaꞌtelike.

Bible in Tzeltal Bachajón

³ Ta yoxebal ora sacubel q'uinal a loc' xan bahel, ay yantic la yil ta plaza te mayuc ya'telic,

San Mateo 20:3 Referans Kwoze

1 Timoteo 5:13

Soc ya xcaj snop ch'ajilal a te bit'il paxponel nax ya xbeen ta naetique. Jich ya xcaj snop le-c'op a, soc biluc nax ya yac' sba a. Ja' ya xbajt' ta yo'tan yaanel te bila ma'yuc ta swenta yalele.

Hechos 2:15

Melel ma ba yacalic ta yacubel in winiquetic to, jich te bit'il acuyojique, yu'un baluneb to nax ora te c'aale.

San Marcos 15:25

Baluneb ora c'aal a te la yich' jijp'anel ta cruz te Jesuse.

Ezequiel 16:49

Te awijts'in Sodoma soc te ch'in lumetic yu'une, mero toyol la yac' sba yu'un te ay mero bayal swe'el-yuch'ele, soc te ma'yuc bila pasot falta yu'une. Pero ma'yuc bi ora ay bi la scoltay a te me'baetic soc te mach'atic ma'yuc bi ay yu'unique.

Proverbios 19:15

Te ch'ajilal ya yac' wayel, ya xch'ay ta q'uinal ta jyalel; soc te mach'a ch'aj ay swocol ta wi'nal yu'un.

Hebreos 6:12

Ma jc'antic te ya xch'ajubexe. Ja' ya jc'antic te ya anopbeyic yo'tan te mach'atic ay xch'uunjel yo'tanique soc te jun yo'tanic yacalic ta smaliyel te bila ya x'ac'bot ta swentaic te yaloj te Diose.

San Mateo 20:2

La xchap soc te j'at'eletic yu'une te ya stoj jun denario-taq'uin te jun c'aale. Jich la sticun bael ta at'el ta bay te ts'usubiltic yu'une.

San Mateo 20:4

Jich la yalbey: “Baanic ta at'el ta bay ts'usubiltic cu'un. Ya jtojex jich te bit'il ay te tojolile”, la yut. Jich bajt'ic ta at'el.

Hechos 16:19

Te yajwalic te ach'ixe, la yilic te ma xju'ix yu'un te ya spasic ganar ta swentae. Jich la stsaquic te Pablo soc te Silase, soc la yiq'uic bael ta yolil lum ta stojol te mach'atic yich'oj tulan yat'elic yu'un te lume.