San Mateo 20:23 - Bible in Tzeltal de Oxchuc y Tenejapa

²³ La yal te Jesuse: —Melel nix a te ya x'ac'botex uuc te woclajele soc te ya awich'ic uts'inel uuc jich te bit'il ya quich' te jo'one. Yan te bit'il ya ac'anic te ya xnajc'ajex jtul ta jwa'el soc jtul ta jq'uexene, ma ja'uc ay ta jwenta yaq'uel. Ja' ay ta swenta stuquel te Jtate te mach'atic ya yac' najc'ajuc tey a —xi' te Jesuse.

Nuevo Testamento Tzeltal de Amatenango

²³ Te Jesuse la sjakꞌtalanbe: —Jich te jaꞌexe ya yaꞌbelex euk te wokole sok te ilbajinele jich tutꞌil ya kichꞌ te joꞌone. Pero tutꞌil ya akꞌan xnajkajex ta jbatsꞌil sok ta jkꞌexome, ma joꞌukon ay ta jkuenta. Ja chikan stukel te jTate te machꞌatik xchajpoj te ya yakꞌ najkajuk teꞌae —xchi te Jesuse.

Bible in Tzeltal Bachajón

²³ Hich halbotic yu'un te Jesús: Melel nix a, ya me x'uch'ex ta vaso cu'un, soc ya me awich'ic te ha' te ya quich' te ho'one, pero ma ba ho'on ay ta jcuenta yaq'uel te mach'a ya shuhcan sba ta jwa'el soc ta jq'uexam, ha nax te mach'atic chapal yu'un te Jtate, xchi.

San Mateo 20:23 Referans Kwoze

Apocalipsis 1:9

Jo'on Juanon te awermanoon te pajal ay ta jwentatic te woclajele soc te pajal ay ta jwentatic ya jointic ta ajwalil te Cristoe. Tey ac'bilon ta bay ch'in q'uinal te ay ta yolil mar te Patmos sbiile, ta scaj te sc'op Diose soc te jamal la cac' ta na'el te sc'oplal te Jesucristoe.

Hechos 12:2

La yac' ta milel ta puñal te Jacobo te sbanquil te Juane.

San Marcos 10:40

Yan te bit'il ya ac'anic te ya xnajc'ajex jtul ta jwa'el soc jtul ta jq'uexene, ma ja'uc ay ta jwenta. Ja' ay ta swenta stuquel te Jtate te mach'atic te ya yac' najc'ajuc tey a —xi' te Jesuse.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

1 Corintios 2:9

Melel jich ts'ibubil jilel sc'oplal ta Sjun te Diose: “Ma'yuc mach'a yiloj ta sit, soc ma'yuc mach'a yaiyoj stojol ta xchiquin, soc ma'yuc ta yo'tanic ants-winiquetic te bila chajbanbil yu'un Dios te ya yac'bey te mach'atic c'ux ya yaiy ta yo'tanique”, te xie.

Romanos 8:17

Teme yal-snich'anotic te Diose, ja' cu'untic uuc te bila ay yu'un te Diose. Pajal me ya quich'tic soc Cristo teme pajal ya xc'ax jwocoltic jich te bit'il c'ax swocol stuquele. Jich me pajal ya quich'tic cutsilaltic soc.

Hebreos 11:16

Ja'uc me to, ja' yantayejic te slumalic te c'axem to xan ay yutsilal stuquele, ja' bi ja' te ch'ulchane. Ja' swentail te ma xq'uexaw Dios yu'un te ja' Dios yu'unique, melel xchajbanejbey muc'ul lum te ya yac'bey slumalinique.

Colosenses 1:24

Ta ora to ay sbujts' co'tan yu'un te bit'il yac ta c'axel jwocol ta awentaique. Yu'un jich me ya jts'actes xan ta jbaq'uetal ta bay ay to sc'an te ya xc'ax swocol Cristo yu'un te jch'uunjeletic, te ja' sbaq'uetale.

2 Corintios 1:7

Jich yu'un jun co'tantic ya jmaliytic te ya ataic smuc'ul q'uinal awaiyic yu'un uuc te Diose, melel yac ta c'axel awocolic jich bit'il te jo'otique.

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

San Mateo 20:24

Te c'alal la yaiy stojol te lajuntul jnopojeletique, la yilintayic te chebique.