San Mateo 20:2 - Bible in Tzeltal de Oxchuc y Tenejapa

² La xchap soc te j'at'eletic yu'une te ya stoj jun denario-taq'uin te jun c'aale. Jich la sticun bael ta at'el ta bay te ts'usubiltic yu'une.

Nuevo Testamento Tzeltal de Amatenango

² La xchap sok te yaj-aꞌtele te ya xtojtalanot jun denario-takꞌin te jun kꞌaale, y la stikonlan bael ta aꞌtel te ba ay te yubailtike.

Bible in Tzeltal Bachajón

² La schap soc te j'a'teletic te jun denario ya stoj jun c'ahc'al, hich la sticonlan bahel ta sts'usubil.

San Mateo 20:2 Referans Kwoze

Apocalipsis 6:6

La caiy stojol te ay mach'a c'opoj ta yolilal te chancojt' te bitic cuxajtique, te jich la yale: “Cheb libra trigo ta jun denario stojol, soc waqueb libra cebada ta jun denario. Yan te aceite soc te vino ma me xawac' ch'ayuc stuquel”, xi'.

2 Timoteo 3:15

Melel ta awalalil to ana'oj te bila ts'ibubil jilel ta Xch'ul Sjun te Diose, te ja' ya yac'bat sp'ijil awo'tan te bit'il ya xcolat ta swenta xch'uunjel awo'tan ta stojol te Cristo Jesuse.

San Lucas 10:35

Ta yan c'aal te c'alal bajt' te Samaria-winique, la sloq'ues jilel cheb denario-taq'uin te la yac'bey jilel te yajwal nae. Soc jich la yalbey xan: “Canantaybon in winic to. Teme ay to xan taq'uin ya xlaj awu'une, ya me jsujt'esbat te c'alal ya sujt'on tele”, xi'.

San Lucas 1:15

Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

San Mateo 22:19

Ac'bon quil jsejpuc te taq'uin ya atojic a te patane —la yut. Jich la yac'beyic yil jun denario-taq'uin.

San Mateo 20:13

“Te yajwal at'ele la sc'opon te jtule: “Joytic, ma la jlo'layat, melel jich la jchaptic te jun denario-taq'uin ya jtojate.

San Mateo 18:28

“Ja'uc me to, te abate loq'uel to bael a te la sta sba soc jtul sjoy ta abatil te ay sbet jo'winic denario yu'une. La stsac soc la spich'bey snuc': “Tojbon te abete”, la yut.

Eclesiastés 12:1

Na'a me te Jpaswanej awu'un te bit'il jch'ielat toe, te bit'il ma to staojuc yorail te awocol te c'alal ya xmamalubate. Melel ya me sta yorail te jich ya awale: “Jc'axel ma jtabey yutsilal ya caiy te jcuxlejal ta q'uinale”, te xaate.

2 Crónicas 34:3

Ta swaxaquebal ja'wil yat'el ta ajwalil a te Josías, querem to a, jajch' ta sleel te Dios yu'un te antiguo smam David. Te c'alal slajchayebal ja'wil yat'el ta ajwalil a, jajch' ta slecubtesel te Judá soc te Jerusalén. La yich' ch'ayel bael te toyol ch'uunjibaletic, soc te sloc'omba Asera, soc te yantic loc'ombaetic, soc te loc'ombaetic te pasbil ta taq'uin te ultesbil ta c'ajq'ue.

1 Reyes 18:12

Te bi ya xc'ot ta pasele: ja' teme la quijq'uitayat jilel, te espíritu yu'un te Cajwaltic ya me yic'at bael te banti ma jna'e. Te c'alal ya xba calbey yaiy te Acab, teme ma ba ya staate, jich me ya smilon awu'un. Te jo'on awabaton, c'alal to ta jqueremil spisil ora quich'oj ta muc' te Cajwaltique.

1 Samuel 3:21

Te Cajwaltic la yac' sba ta na'el yan buelta ta Silo, tey la yac'bey sna' a te Samuel te sc'ope.

1 Samuel 3:1

Te querem Samuel yac ta at'el ta stojol te Cajwaltic, ja' yac ta pasel ta mandal yu'un te Elí. Ja' yorail a te ma'yuc mach'a ajc'al ts'in ya xc'oponot yu'un Dios te ay bi ya x'ac'ot ta yalele, soc ma'yuc bayal te bitic ya yac' ta ilel te Diose.

1 Samuel 2:26

Pero te querem Samuel yan yan ta muc'ubel. Buen lec sc'oplal ta stojol Dios soc ta stojol te ants-winiquetique.

1 Samuel 2:18

Pero te ch'in querem Samuel jun yo'tan yac'oj sba ta abatinel yu'un te Cajwaltic, sc'u'inej efod pasbil ta lino-pac'.

San Mateo 9:37

Jich la yalbey te jnopojeletic yu'une: —Ta mero melel bayal te c'ajoje. Yan te j'at'eletique ma'yuc bayalic.

San Mateo 20:1

La yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te jtul winic te sab to a te loc' sle yaj'at'ele, swenta yu'un ya spas trato ta tsobel te sts'usube.

San Mateo 20:3

“Loc' xan bael ta nopol baluneb ora. La yil tec'ajtic ta yolil ch'iwich yantic winiquetic te ma'yuc yat'elique.

San Marcos 12:15

Te Jesuse la sna' stojol te cha'lam te yo'tanique. Jich la yalbey yaiyic: —¿Bi yu'un ya awilbonic co'tan? Ich'bonic tel quil jsejpuc te denario-taq'uine —xi'.

San Lucas 20:24

Ac'bon quil jsejbuc te taq'uine. ¿Mach'a yelaw te ya awilique soc mach'a sbiil te nacale? —xi'. La yalic: —Ja' te Cesare —xiic.

San Mateo 20:9

“Jich talic te mach'atic ochic ta at'el ta swenta jo'ebix ora smalel a te c'aale. Ts'acal la yich' stojolic jun denario-taq'uin te juju-jtule.