San Mateo 20:19 - Bible in Tzeltal de Oxchuc y Tenejapa

¹⁹ Ya me yaq'uic ta sc'ab te jyanlumetique, swenta yu'un ya me yich' labanel yu'unic, soc ya me yich' castigo ta majel ta nujc'ul, soc ya me yaq'uic ta milel ta cruz, ja'uc me to, ta yoxebal c'aal ya me xcha'cux tel —xi' te Jesuse.

Nuevo Testamento Tzeltal de Amatenango

¹⁹ Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.

Bible in Tzeltal Bachajón

¹⁹ Ya ya'beyic ta sc'ab jyanlumetic yu'un ya slabanic, ya smajic soc ya smilic ta cruz; pero ta yoxebal c'ahc'al, ya me xcha'cuxaj, xchi.

San Mateo 20:19 Referans Kwoze

San Mateo 16:21

Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

Oseas 6:2

Ora nax ya yac' xbujts'naj q'uinal caiytic; ya xjachotic jajch'el yu'un ya yac' xcuxinotic ta stojol.

Isaías 53:3

te ants-winiquetique la yilayic, ma la yich'ic ta wenta. Jich yilel sit-yelaw te nojel ta yo'tan te bila c'uxe, c'aem ta woclajel. Jich c'oem te bit'il mach'a ma'yuc ta ilele, la quilaytic, ma la quich'tic ta wenta.

Isaías 26:19

Ja'uc me to, te animaetic awu'une ya xcha'cuxic stuquelic; te sbaq'uetalique ya xcha'cuxic. Te mach'atic wayalic ta lumq'uinal, ya xtijotic jajch'el, soc ya me x'awunic yu'un sbujts' yo'tanic. Melel jich ya aticun tel te luz awu'un ta stojolic, te bit'il ts'ujul ya xyal ta ajc'ubale; jich te animaetic ya me xcha'chicnajic loq'uel ta lum.

Salmos 35:16

La yac'bonic c'axuc jwocol, la slabanonic; la yac' tel sit yilbelonic, bayal slab yo'tanic.

Hechos 21:11

Tal yilotic ta banti ayotique. La stsacbey xchujq'uil xch'ujt' te Pabloe, la xchuc ta sc'ab soc ta yacan. Jich la yal: —Jich la yal te Ch'ul Espiritue: “Te yajwal in chujq'uil ch'ujt'ul to, jich me ya xc'o yich' chuquel ta Jerusalén yu'un te judioetique, soc ya me yac'beyic ta sc'ab te jyanlumetique”, xi' te Ch'ul Espiritue —xi' te Agaboe.

Hechos 4:27

“Jich nix la spas a te Herodese soc te Poncio Pilatoe. La stsob sbaic li'to ta lum soc te jyanlum winiquetique soc uuc te jlumaltique. La scontroinic te Ach'ul-nich'ane te ja' te Cristo awu'une.

San Lucas 24:46

Jich la yalbey yaiyic: —Jich ts'ibubil jilel te puersa ya xc'ax swocol te Cristoe, soc te ya xcha'cux tel ta yoxebal c'aal ta bay te animaetique.

San Lucas 23:11

Te Herodes soc te soldadoetic yu'une, la stse'layic te Jesuse soc la slabanic. La yac'beyic slap t'ujbil c'u'ul swenta muc' ajwalil. Jich te Herodese la sticun sujt'el ta stojol te Pilatoe.

San Marcos 15:1

Te c'alal sacubix a te q'uinale, te jwolwanej-sacerdoteetic, te principaletic, te jts'ibojometic, soc ta spisil te Muc'ul Tsoblej yu'unique, la stsob sbaic ta xchapel sc'opic. Jich la xchuquic bael te Jesuse. Ba yac'beyic ta sc'ab te Pilatoe.

San Marcos 14:65

Jich jajch' stubtayic, soc la smacbeyic sit ta pac', soc la yac'beyic majel. Jich la yalbeyic: —¡Ala caiytic te mach'a la smajate! —xiic. Soc uuc te policiaetique la spac'beyic ta majel yelaw.

San Mateo 12:40

Melel te Jonase ain ta xch'ujt' muc'ul ballena-chay oxeb c'aal soc oxeb ajc'ubal. Ja' nanix jich uuc te Nich'anile ya me x'ain ta muquenal oxeb c'aal soc oxeb ajc'ubal.

Job 30:8

Ma'yuc sc'oplalic, ma ba chican bay sme'-static, ma snujp'in te ya xnainic ta jlumaltique.

San Mateo 17:23

Ya me yaq'uic ta lajel, ja'uc me to, ta yoxebal c'aal ya me yich' cha'cuxesel —xi'. Te jnopojeletique bayal la smel yo'tanic yu'un te bila la yale.

San Mateo 27:26

Jich yu'un te Pilatoe la scoltay bael te Barrabase. Yan te Jesuse la yac' ochuc ta majel, swenta yu'un ya xba yich' jijp'anel ta cruz stuquel.

San Mateo 27:63

Jich la yalbeyic: —Ajwalil, ya jna'tic te la yal te lo'laywanej te c'alal cuxul toe: “Ta patil ya xcha'cuxon tel ta yoxebal c'aal”, te xie.

San Marcos 15:15

Jich yu'un te Pilato ja' la scoltay bael te Barrabase, yu'un la sc'an yo'tan te lecuc yo'tanic te lum yu'une. Soc la yac' ochuc ta majel te Jesuse, swenta yu'un ya xba yich' jijp'anel ta cruz stuquel.

San Lucas 18:32

Melel ya x'ac'ot ta sc'ab te jyanlumetique. Ya me yich' labanel soc bolc'optayel soc tubtayel yu'unic.