San Mateo 20:16 - Bible in Tzeltal de Oxchuc y Tenejapa

¹⁶ “Jich yu'un te mach'atic slajibal ayique, ja' sbabial ya xc'otic. Yan te mach'atic sbabial ayique, ja' me slajibal ya xc'ot stuquelic. Melel tsobol te mach'atic ic'bilique, ja'uc me to, ma'yuc bayal te mach'atic tsabil ya xc'otique —xi' te Jesuse.

Nuevo Testamento Tzeltal de Amatenango

¹⁶ “Jaꞌ yuꞌun te machꞌatik patil a laj tale, nail ya xlaj kꞌot stukel. Yan te machꞌatik nail a laj tale, patil me ya xlaj kꞌot stukel. Porke bayal machꞌatik ya xꞌikꞌtalanot. Pero ma bayaluk te machꞌa tsajtalanbile —xchi te Jesuse.

Bible in Tzeltal Bachajón

¹⁶ Ha yu'un ha slajibal ya xc'ohtic te mach'atic nahil talic, soc ha nahil ya xc'ohtic te mach'atic patil talique. Como tsobol mach'atic ic'bilic, pero mayuc tsobol te tsahbilique, xchi te Jesús.

San Mateo 20:16 Referans Kwoze

San Mateo 19:30

Ja'uc me to, te mach'atic sbabial ayique, slajibal ya xc'otic. Te mach'a slajibal ayique, ja' me sbabial ya xc'otic —xi'.

San Marcos 10:31

Ja'uc me to, te mach'atic sbabial ayic ta ora to, slajibal me ya xc'otic ta patil. Yan te mach'atic slajibal ayic ta ora to, ja' me sbabial ya xc'otic stuquelic —xi' te Jesuse.

San Mateo 22:14

“Melel tsobol te mach'atic ic'bilique, ja'uc me to, jteb nax te mach'atic tsabilique —xi' te Jesuse.

San Lucas 15:7

Jich yu'un ya calbeyex, te c'ax jich ay sbujts' yo'tanic te mach'atic ayic ta ch'ulchan te c'alal ya sujt'es yo'tan yu'un smul te jtul jmulawil, te bit'il balunlajuneb yo'winic (99) ta jtul te toj yo'tanic ta stojol Dios, te ma yejt'aluc ya sujt'es yo'tanic yu'un te smulique.

Romanos 9:30

¿Bi ya caltic yu'un? Te jyanlumetic te ma'yuc ta swentaic te colele, ja'uc me to, libre c'otic yu'un smulic, ja' nax ta swenta xch'uunjel yo'tanic.

San Mateo 7:13

“Ochanic ta bay tsail nax yochibal te ti'naile. Yan te sbelal ch'ayele, muc' sjamalul te yochibale soc muc' sjamlejal bael te sbelale. Tsobol mach'atic ya x'ochic bael tey a.

Romanos 8:30

Te mach'atic xjajch'ibal to tel jich chapal sc'oplalic yu'un Diose, ja'ic te la yich'ic iq'uel yu'une. In te bit'il la yich'ic iq'uel yu'une, Dios la yac' ta libre yu'un smulic. In te mach'atic la yac' ta libre yu'un smulic, la yac'bey yich'ic te yutsilale.

San Lucas 14:24

Melel xcalbeyex, te mach'atic la quic' ta neelale, jtul ma x'ac'bot smulanic te we'elil te chapal cu'une”, xi' te winique —xi' ta yalel te Jesuse.

1 Tesalonicenses 2:13

Jich yu'un, spisil ora ya calbey wocol Dios ta awentaic yu'un te bit'il la awich'ic ta muc' te c'op te la calbeyex awaiyique. La ach'uunic te ja' sc'op te Diose, ma la acuyic ta sc'op nax ants-winiquetic. Melel nix a te ja' sc'op Dios te la cale, te yaquix ta at'el ta awo'tanic ja'ex te ach'uunejique.

Romanos 5:20

Melel te mandalile, la yac' toyuc xan yip te mulile. Jich toy xan te mulile. Ja'uc me to, c'axem to xan la yac' ta ilel te yutsil yo'tan te Diose.

San Lucas 7:47

Jich yu'un ya calbat awaiy: Ja' bayal c'uxon ta yo'tan yu'un te bit'il bayal smul la jpasbeyix perdón yu'une. Yan te mach'a jteb nax smul la jpasbey perdón yu'une, jteb nax c'uxon ta yo'tan yu'un —xi'.

San Mateo 21:31

¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.