San Mateo 20:15 - Bible in Tzeltal de Oxchuc y Tenejapa

¹⁵ ¿Ma bal chicanuc co'tan jtuquel te bila ya jpas soc te bila ay cu'une? ¿Yu'un bal ay sbic'tal awo'tan yu'un te bit'il lec te co'tane?”, la yut.

Nuevo Testamento Tzeltal de Amatenango

¹⁵ Joꞌon ya jnaꞌ te tut ya jpas sok te jtakꞌine. ¿O yuꞌun ma tsaꞌamuk awoꞌtan yuꞌun te ben lekone?” xyut.

Bible in Tzeltal Bachajón

¹⁵ ¿Ma bal yacuc xhu' ya jpas te bin ya jc'an ya jpas soc te bintic ay cu'une? O ¿ay bal sbic'tal awo'tan yu'un te lec co'tan? la yut.

San Mateo 20:15 Referans Kwoze

Deuteronomio 15:9

Ma me xtal ta awo'tan te amen c'op in to: “Nopol ya staix te sjuquebal ja'wil, ja' te ja'wil yu'un ya yich' ch'ayel betiletic”, teme xaate, jich yan yilel asit a ya ajac'bey sc'op yu'un te alumal ay swocol yu'un sme'balile, jich ma'yuquix bila ya awac'bey sbetan yu'un. Teme jich ya apase, tulan ya me sc'opon Cajwaltic yu'un. Jich me ya ata amul ta stojol Cajwaltic yu'un teme jich ya apase.

San Marcos 7:22

te bic'tal-o'tanile, te uts'inwaneje, te lo'laywaneje, soc te bila amen ta pasel te mulanbil sbae, te jex-o'tanil, soc ayantaywanej, soc toybail, soc bol-o'tanil.

San Mateo 6:23

Yan teme amen te asite, scojt'ol abaq'uetal ayat ta ijc' q'uinal yu'un. Teme acuyojic ta saquil q'uinal te ijc' q'uinale, jc'axel ayex ta ijc' q'uinal abi.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

Efesios 2:1

Jich te ja'exe, Dios la yac'beyex acuxlejalic te c'alal lajemex yu'un te la ac'axintayic mandal soc te la ale amulique.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

1 Corintios 4:7

¿Mach'a la yalbat te cajalat yu'un te yantique? ¿Ay bal bila ay awu'un te ma ac'bilucate? Soc teme ja' yac'ojbat spisil te Diose, ¿bistuc te toyol nax q'uinal ya awaiy yu'une? Melel ma atuqueluc te la awejt'ese.

Hechos 13:45

Te judioetique la yilic te ay bayal mach'atic la stsob sbaique, jich jajch' slab-o'tantayic. Jajch' yalic te ma meleluc te bi ya yal te Pabloe, soc la scontroc'optayic soc la stoybac'optayic.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

Proverbios 28:22

Te mach'a jbic'tal-o'tan, ma xway yo'tan yu'un sleel sc'ulejal, soc ma sna' te ya xtal ta stojol te me'baile.

Proverbios 23:6

Ma me xnajc'ajat ta smesa te t'ut'il jc'uleje; ma me xbiq'uetuc ya awaiybey te sbujts' we'elil yu'une.

Deuteronomio 28:54

Asta te winic bayal yutsil yo'tan te ay ta awolilique, ya me xbolob ta sit te yermano, te yinam te bayal c'ux ta yo'tan, soc te snich'nab ay to jileme.

Éxodo 33:19

Te Cajwaltic la sjac': —Ya jpas te ya jc'asesbat ta asit spisil te cutsilale, soc ya cal jilel ta atojol te jbiile. Chican co'tan jtuquel te mach'a ya jc'uxtaye, soc chican co'tan te mach'a ya jna'bey yo'bolil sbae.

Santiago 5:9

Quermanotac, ma me talel jc'axeluc ya ale abaic ta c'op, swenta yu'un ma me x'ac'botex castigo yu'un Dios. Te juez ayix ta ti'nail.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Efesios 2:5

Te bit'il lajemotic yu'un te mulile, jich la yac'botic jcuxlejaltic ta swenta Cristo. (Ta swenta nax yutsil yo'tan Dios te colemexe.)

Jeremías 18:6

—¿Yu'un bal ma xju' te jich ya jpas ta atojolic, israeletic, jich bit'il jpac'jom te ya xcha'wots' te ajch'ale? Jichex nix ta jc'ab te ja'exe te bit'il ajch'al, jich bit'il jpac'jom te ay ta spasel ta sc'ab te ajch'ale. Jo'on Ajwalilon, jich ya cal.

San Mateo 20:14

Ich'a te atojole, baan. Te jo'one jich la sc'an co'tan te jich nix ya cac'bey uuc te mach'a slajibal tale jich te bit'il la cac'bat te ja'ate.