San Mateo 20:14 - Bible in Tzeltal de Oxchuc y Tenejapa

¹⁴ Ich'a te atojole, baan. Te jo'one jich la sc'an co'tan te jich nix ya cac'bey uuc te mach'a slajibal tale jich te bit'il la cac'bat te ja'ate.

Nuevo Testamento Tzeltal de Amatenango

¹⁴ Ichꞌa bael te atojole y baan. Te joꞌone jich a skꞌan koꞌtan te jich a jtoj te machꞌa patil a och ta aꞌtele, jich tutꞌil te la kaꞌbeyat te jaꞌate.

Bible in Tzeltal Bachajón

¹⁴ Ich'a te atojole, bahanix; ya jc'an te pajal ya ca'bat soc te mach'a patilix tale.

San Mateo 20:14 Referans Kwoze

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Lucas 15:31

“Te state la yalbey: “Jnich'an, spisil ora joinejat. Spisil te bila ay cu'une, ja' awu'un ta spisil uuc.

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

Romanos 3:4

Ma jichuc. Melel ma sujt'es sc'op stuquel te Diose, manchuc teme jpas-lot spisil te ants-winiquetique. Jich te bit'il ts'ibubil jilel ta Sjun te Diose: “Ta swenta te bila ya awale, toj ya xc'oat yu'un. Jich me ya awaiy tsalaw te c'alal ya awich' chajbanele”, te xi' sc'oplale.

San Mateo 6:16

“Te c'alal ya apasic ayuno, ma me xawac' chicnajuc ta ilel ta asitic jich bit'il ya spasic te mach'atic cha'lam yo'tanique. Jich ya spasic swenta yu'un ya xna'ot stojol yu'un ants-winiquetic te bit'il ayic ta ayunoe. Jamal ya calbeyex, la staix smajt'anic yu'un a.

San Mateo 6:6

Yan te c'alal ya ac'oponic Dios te ja'exe, ochanic ta yutil anaic. Maca te ti'naile. Tey me xac'oponic a te Jtatique te sjoinejat ta muquene. Jich me ya x'ac'botex amajt'anic ta comonsitil yu'un te bila muquen ya apasique.

San Mateo 6:2

Jich yu'un, te c'alal ay bila ya aq'uebanique, ma me xapucbeyic sc'oplal ta alel. Melel te mach'atic cha'lam yo'tanique ya spucbeyic sc'oplal ta sinagogaetic soc ta calleetic, swenta yu'un ya x'albot lec sc'oplalic yu'un te ants-winiquetique. Jamal ya calbeyex, la staix smajt'anic yu'un a.

2 Reyes 10:16

Jich la yalbey: —Joinawon, ya me awilon bit'il quich'oj ta muc' te Cajwaltique —xi'. Jich la yic' bael ta scarreta.

San Lucas 16:25

“Te Abrahame la yal: “Jnich'an, na'a te lec nax c'axat ta q'uinale. Yan te Lázaro, ay bayal swocol c'ax ta q'uinal stuquel. Ta ora to, ma'yuquix swocol li'to. Yan te ja'ate, ayatix ta tulan castigo atuquel.

San Mateo 20:13

“Te yajwal at'ele la sc'opon te jtule: “Joytic, ma la jlo'layat, melel jich la jchaptic te jun denario-taq'uin ya jtojate.

San Mateo 20:15

¿Ma bal chicanuc co'tan jtuquel te bila ya jpas soc te bila ay cu'une? ¿Yu'un bal ay sbic'tal awo'tan yu'un te bit'il lec te co'tane?”, la yut.