San Mateo 20:12 - Bible in Tzeltal de Oxchuc y Tenejapa

¹² La yalic: “Te winiquetic to te talic ta at'el ta slajibal orae, jip nax jun ora te at'ejique. ¿Bistuc te pajal jtojoltic la awac'botic soque? Melel te jo'otique c'ax jwocoltic ta at'el soc la caiybeytic xc'uxul ta lec te c'aale”, xiic ta c'op.

Nuevo Testamento Tzeltal de Amatenango

¹² La yalik: “Te winketik to patilix a laj tal. Jun xanix ora laj aꞌtej. ¿Tuꞌun te pajal atojotik soke? Te joꞌotike juꞌ kuꞌuntik spꞌejel kꞌaal te aꞌtele sok te xkꞌuxul kꞌajkꞌale”, xchiik ta kꞌop.

Bible in Tzeltal Bachajón

¹² Te mach'atic patilix talic, junax ora a'tejic, pero pajal jtojolcotic soc ho'otcotic te cuhch cu'uncotic te a'tel soc te sc'uxul c'ahc'al, xchihic ta c'op.

San Mateo 20:12 Referans Kwoze

San Lucas 12:55

Soc te c'alal ya xtal ic' ta stojol sur, jich ya awalic: “C'ux me c'aal ya caiytic yo'tic”, xaex yu'un, soc jich nix ya xc'ot ta pasel.

Santiago 1:11

Yu'un te c'alal ya xloc' tel te c'aale soc teme tulan q'uixnaj te q'uinale, ya xtaquej te wamale, soc ya xlubaj coel te sniche. Tey ya xch'ay a te yutsilale. Ja' nanix jich te jc'uleje, jich ya xch'ay bael ta q'uinal soc te bila ya spas ganar ae.

Efesios 3:6

Ja' bi ja' ta swenta te lec yach'il c'ope, te jyanlumetic pajal me ya yich'ic soc te judioetic te bila ya yac' te Diose. Jun nax sbaq'uetal ya me xc'otic ta spisilic, soc pajal me ya yich'ic te bila yaloj Dios ta swenta Cristo Jesús.

1 Corintios 4:11

Xjajch'ibal to tel caiyojtic wi'nal soc taquinti'il, soc ma'yuc jc'u'-jpac'tic. Te jo'otique pac'bilotic ta majel, soc ma'yuc bay junajem jnatic ta lec.

Romanos 3:30

Melel jun nax te Diose. Ja' ya x'ac'awan ta libre yu'un mulil ta swenta xch'uunjel-o'tanil, chican teme yich'ojic circuncisión o teme ma ba yich'ojique.

Romanos 3:27

¿Banti ay te bila ya jtoy jbatic yu'une? Ma'yuquix swentail. ¿Bi yu'un jiche? ¿Ja' bal ma xju' ya jtoy jbatic yu'un te ma ba ju' cu'untic xch'uunel te mandalile? Ma'uc. Melel ja' nax ya cac' xch'uunjel co'tantic ta swenta te Jesuse.

Malaquías 3:14

Te awalojique: “Te abatinel ta stojol Dios ma'yuc swentail. ¿Bila ya xloc' cu'untic a te ya jpastic te bila ya yal ta mandal, soc te ya yich' lapel c'u'il swenta mel-o'tan ta stojol te Cajwaltic te Spisil ya xju' yu'une?

Malaquías 1:13

Te ja'ex jich ya awalic: “Lubenotiquix yu'un spisil”, xaex. Ma'yuquix jc'oplal ta awo'tanic. Ya to awalic te ya xbujts'naj co'tan yu'un ta ac'opic te c'alal ya xtal awac'bonic jmajt'anin elc'anbil chambalam, o teme jcojt' coxo, o teme ay ta chamele.

Jonás 4:8

C'alal loc' tel c'aal, Dios la yac' taluc q'uixin ic' ta stojol sloq'uib c'aal. Soc te bit'il ja' mero tojlinbot ta xc'uxul c'aal te sjol Jonás, jajch' ta buen wocol yu'un. Ya sc'an ya xlajix ya yaiy. La yal te Jonase: —Ja' mero lequix ya caiy te yacuc xlajonixe, ja' ma jc'anix te ya xcuxinone —xi' te Jonase.

San Mateo 20:11

Te j'at'eletic ora jajch' smuquen-ayanic te yajwal at'ele.