San Mateo 20:1 - Bible in Tzeltal de Oxchuc y Tenejapa

¹ La yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te jtul winic te sab to a te loc' sle yaj'at'ele, swenta yu'un ya spas trato ta tsobel te sts'usube.

Nuevo Testamento Tzeltal de Amatenango

¹ La yal te Jesuse: —Te tutꞌil ay ta ajwalinel te Diose, jaꞌ pajal sok te yajwal pinkae te sakub nax kꞌinal te lokꞌ sle yaj-aꞌtel yuꞌun ya skꞌokbe ochel sit te yawal-stsꞌunube.

Bible in Tzeltal Bachajón

¹ Te cuentahinel yu'un te ch'ulchan hich c'ohem te bin ut'il jtuhl yajwal q'uinal te loc' bahel ta sab ta slehel j'a'teletic yu'un sts'usubil.

San Mateo 20:1 Referans Kwoze

San Mateo 13:47

“Soc te bit'il ay ta ajwalinel te Dios te ay ta ch'ulchane, ja' pajal c'oem soc te muc'ul stsacjibal-chay te ya stsob tel spisil ta jchajp te chayetique.

San Mateo 13:24

Jesús la yal yan seña-c'op. Jich la yal: —Te bit'il ay ta ajwalinel te Dios te ay ta ch'ulchane, jich c'oem te bit'il la sts'un lequil awalil ta sq'uinal te jtul winique.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

1 Corintios 15:58

Jich yu'un, quermanotac te c'uxex ta co'tane, ac'a me junajuc awo'tanic ta lec spisil ora. Yan yanuc me ta muc'ubel awu'unic te yat'el te Cajwaltique, melel ya ana'ic te ma tojoluc te ya awac' abaic ta abatinel yu'un te Cajwaltique.

San Juan 15:1

Soc la yal xan te Jesuse: —Jo'on mero smuc'ul yac'ulon te ts'usube. Te Jtate ja' jcanan-ts'usubiltic stuquel.

San Mateo 25:1

Soc la yal xan te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te ay lajuntul tec'tojom ach'ixetic te la yich'ic bael sc'ajq'uic te ba staic tel te winic ya xnujbine.

San Mateo 22:2

—Te bit'il ya xc'ot ta ajwalinel te Dios te ay ta ch'ulchane, jich c'oem te bit'il ay jtul muc' ajwalil la spas q'uin yu'un te ya xnujbin te snich'ane.

San Mateo 13:33

Ay yan seña-c'op te la yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te levadura te la scap ta wots'el soc oxp'is harina te antse, ja' to te pujc' yip ta sc'olol —xi' te Jesuse.

San Mateo 13:31

Te Jesús la yal yan seña-c'op. Jich la yal: —Te bit'il ay ta ajwalinel te Dios te ay ta ch'ulchane, ja' pajal c'oem soc te sbac' mostaza te la sts'un ta sq'uinal te jtul winique.

San Mateo 25:14

“Te bit'il ay ta ajwalinel te Dios te ay ta ch'ulchane, ja' pajal soc te ay jtul winic te c'ubul bajt'e. Neel la yic' tel te abatetic yu'une. La yac'bey jilel te sbiluque.

San Marcos 13:34

Jich me c'oem te bit'il jtul winic te bajt' ta c'ubul q'uinale. C'alal ma to xloc' bael ta sna, la spas jilel ta mandal te abatetic yu'une. Juju-jtul la yac'bey jilel yat'el, soc la yalbey jilel mandal te mach'a scanantayej te sti' snae te ma me xwaye.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

San Mateo 23:37

“¡Jerusalén, Jerusalén! Ya amilic te j'alwanejetic yu'un te Diose, soc ya ach'ojic ta ton te mach'atic ticunbilic ta c'op ta atojolique. Bayal buelta te c'an jtsobeyex te awal-anich'anique jich bit'il ya stsob yalatac ta yanil xic' te me'mute, ja'uc me to, ma la ac'anic.

San Mateo 21:28

Soc la yal te Jesuse: —¿Bi xi' awo'tanic yu'un in to? Ay jtul winic te ay cheb snich'nab. Jich la yalbey te jtule: “Jnich'an, ya me xbaat ta at'el ta ora to ta bay te ts'usubiltique”, la yut.

San Mateo 20:2

La xchap soc te j'at'eletic yu'une te ya stoj jun denario-taq'uin te jun c'aale. Jich la sticun bael ta at'el ta bay te ts'usubiltic yu'une.