San Mateo 2:4 - Bible in Tzeltal de Oxchuc y Tenejapa

⁴ Jich te ajwalile la yic' tel te jwolwanej-sacerdoteetic soc te jts'ibojometique. La sjojc'obey yaiy te banti lumiluc ya x'ayin te Cristoe.

Nuevo Testamento Tzeltal de Amatenango

⁴ Te reye la yakꞌ tal ta ikꞌel te statal-saserdoteetike sok te maestroetik yuꞌun te mantaliletike. La sjojkꞌolanbe ba luwaril te ya xꞌayin te Cristoe.

Bible in Tzeltal Bachajón

⁴ La stsob tal spisil te principal sacerdotehetic soc te escribanohetic yu'un te pueblo, la sjoc'obe ya'iyic banti ya x'ayin te Cristo.

San Mateo 2:4 Referans Kwoze

Hechos 23:9

Jich xch'inch'onic nax ta c'op ta spisilic. Ay la stejc'an sbaic ta c'op te jts'ibojometique soc uuc te fariseoetique, tulan c'opojic: —Ja' in winic to, ma'yuc bila amen spasoj. Ma jna'tic teme ay c'oponotix yu'un ch'ulelal o teme ch'ul abate. Ma me teyuc ya jcontrointic a te Diose —xi' sc'oplal yu'unic.

Hechos 6:12

Jich te mach'atic c'an stsalic ta c'op te Estebane, la sjachbeyic slab yo'tan te lume soc te principaletique soc te jts'ibojometique. Jich la sjumtayic ta tsaquel te Estebane, soc la yiq'uic bael ta stojol te Muc'ul Tsobleje.

San Mateo 21:23

C'alal tal ta templo te Jesuse. Jajch'emix ta p'ijubteswanej a te tal ta c'oponel yu'un te jwolwanej-sacerdoteetique soc te principaletic yu'un te lume. La sjojc'obeyic: —¿Banti la awich' awat'el ta spasel spisil in to? ¿Mach'a la yac'bat awat'el? —xiic.

San Mateo 7:29

Melel jich la yaiy p'ijubteswanej ta stojolic te bit'il mach'a yich'oj tulan yat'el. Ma jichuc te bit'il te jts'ibojometique.

Hechos 4:5

Ta yan c'aal la stsob sbaic ta Jerusalén te jwolwanejetique soc te principaletic yu'un te lume soc te jts'ibojometique.

San Juan 18:3

Jich te Judas tal soc te jtijc' soldadoetique soc uuc te policiaetic yu'un te templo te ticunbilic tel yu'un te jwolwanej-sacerdoteetic soc te fariseoetique. Chapalic tel soc slámparaic soc sc'ajq'uic soc yat'ejibic.

San Juan 8:3

Te jts'ibojometique soc te fariseoetique la yiq'uic tel jtul ants te yac ta mulwej taote. La stejc'anic ta comonsitil ta yolilic.

San Juan 7:32

Te fariseoetique la yaiyic stojol te jich yacalic ta smuquen-ayanel Jesús te lume. Jich te jwolwanej-sacerdoteetic soc te fariseoetic la sticunic policiaetic ta tsaquel te Jesuse.

San Juan 3:10

La yal te Jesuse: —Te ja'ate maestroat yu'un te lum Israel, ja'uc me to, ¿ma x'ana' stojol te bila ya calbate?

San Lucas 23:10

Te jwolwanej-sacerdoteetic soc te jts'ibojometique tey ayic uuc a. Bayal bila la slebeyic smulin te Jesuse.

San Lucas 20:19

Te jwolwanej-sacerdoteetic soc te jts'ibojometique, ora nax c'an stsaquic te Jesuse. Yu'un la sna'ic stojol te ja' sc'oplalic te seña-c'op la yal te Jesuse, ja'uc me to, la xi'ic te ants-winiquetique.

Jeremías 8:8

¿Bit'il ya xju' awu'unic yalel: ‘P'ijotic, melel ay ta jwentatic te mandaliletic yu'un te Cajwaltique’, te xaexe? Te bila ya sts'ibuyic soc te splumae; mero jpaslot; tojol nax ya sts'ibuyic.

San Marcos 8:31

Te Jesús jajch' yac'bey sna'ic stojol te jnopojeletic yu'un te puersa ya xc'ax bayal swocol: —Te Nich'anile xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetic soc te jts'ibojometique. Ya me x'ac'ot ta lajel yu'unic, soc ya xcha'cux tel ta yoxebal c'aal —xi'.

San Mateo 27:1

C'alal sacubix tel q'uinal a, spisil te jwolwanej-sacerdoteetic soc te principaletic yu'un te lume la xchap sc'opic te ya yaq'uic ta lajel te Jesuse.

San Mateo 26:47

Yac to ta c'op a te Jesús te tal te Judase, te jtul ta slajchaytulul te jnopojeletic yu'un te Jesuse. Sjoinej tel tsobol ta jtul te yich'ojic tel spuñalic soc ste'ic. Ja' ticunbilic tel yu'un te jwolwanej-sacerdoteetic soc te principaletic yu'un te lume.

San Mateo 26:3

Ja' yorail te la stsob sbaic te jwolwanej-sacerdoteetique soc te jts'ibojometic soc te principaletic yu'un te lume. Tey la stsob sbaic a ta bay yamac'ul sna te muc' sacerdote Caifase.

San Mateo 21:15

Te jwolwanej-sacerdoteetic soc te jts'ibojometique, ilin yo'tanic yu'un te c'alal la yilic te jchajp at'elil te la spas te Jesuse soc te la yaiyic stojol te jich yacalic ta aw ta stojol Jesús ta bay templo te alaletique: “¡Jelawen awutsil te sts'umbalat David!”, te xiique.

San Mateo 13:52

La yal te Jesuse: —Ja' swentail te spisil jts'ibojom, te sna'ojbey swentail te bit'il ay ta ajwalinel te Dios te ay ta ch'ulchane, ja' pajal c'oem soc te bit'il jtul winic te swentainej te snae. Ya sna' stuuntesel te sc'ulejal ta bay yach'ile soc ta bay pocobenixe —xi'.

Malaquías 2:7

Ja' me yat'elic te sacerdoteetic ta sp'ijubtesel te lum te yacuc sna'bonic jbae; soc jich me spisilic ya xtalic ta sleel p'ijubtesel ta stojolic, melel ja'ic te j'alwanejetic cu'un, jo'on Ajwalilon te spisil ya xju' cu'une.

Salmos 2:2

Te muc' ajwaliletic soc te yantic ajwaliletic ta balumilal ya stoy sbaic, jun nax ya yac' sbaic ta xchajbanel sc'oplal te Cajwaltic soc te muc' ajwalil te tsabilix yu'une.

Nehemías 12:7

Salú, Amoc, Hilcías soc Jedaías. Ja'ic te jwolwanej yu'un te sacerdoteetic in to, soc xchapomalic, ta yorail te Josué.

Esdras 10:5

Te Esdras jich ora la stejc'an sba. La yalbey te yacuc yalic ta jamal ta stojol Dios te jwolwanej-sacerdoteetic soc te levitaetic soc ta spisilic te israeletique te ya me yaq'uic c'otuc ta pasel te bila yalojique. Jich la yalic ta jamal te ya me yaq'uic c'otuc ta pasele.

Esdras 7:6

Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,

2 Crónicas 36:14

Jich nix la spas spisilic te jtsobwanejetic yu'un Judá, te sacerdoteetic soc te lume, la stoyesic ta jyalel te mulile, jc'axel ma ba jun yo'tanic ta stojol te Cajwaltique. Ja' la spasic te bila c'ax ilaybile, jich te bit'il ya spasic te nacionetic te ma'yuquic ta stojol te Diose. La sboltesbeyic sc'oplal te templo yu'un Cajwaltic te stsaoj stuquel, te ja' xch'ul yawil ya xc'ot ta Jerusalén.

2 Crónicas 34:15

Ta ora la yalbey te Safán te cronista, te la yich'ix tael te libro yu'un mandaliletic ta templo yu'un te Cajwaltique. Te libro la yac'bey te Safán.

San Mateo 2:3

C'alal la yaiy stojol te muc' ajwalil Herodese, nijc' yo'tan yu'un soc spisil lum Jerusalén.

San Mateo 2:5

Jich la yalic: —Ta lum Belén te ay ta sq'uinal Judea, melel jich la sts'ibuy jilel te j'alwanej yu'un te Diose: