San Mateo 2:23 - Bible in Tzeltal de Oxchuc y Tenejapa

²³ Jich c'o ainuc ta lum Nazaret te ay ta sq'uinal Galilea. Jich c'ot ta pasel te bila yaloj te j'alwanejetic yu'un Dios te ja' Nazaret sbiil ya xc'ot te Jesuse.

Nuevo Testamento Tzeltal de Amatenango

²³ Teꞌ kꞌo kuxuyinuk a te ba jtejklum Nazaret. Jich a kꞌot ta pasel te tut yalojlan te jꞌalwanej yuꞌun Dios te jaꞌ Jesus Nazaret ya xkꞌot te sbiile.

Bible in Tzeltal Bachajón

²³ c'oht ta nahinel ta pueblo Nazaret sbihil, scuenta yu'un hich ya xc'oht ta pasel a te bin yaloj te jalwanejetic: Ya x'a'bot sbihilin Nazareno, te xchihique.

San Mateo 2:23 Referans Kwoze

Jueces 13:5

Te ch'in alalquerem ya x'ayin awu'une ma me xju' ta loq'uesel stsotsil sjol. Melel te ch'in querem ya me x'u'uninot yu'un Dios, yu'un nix me stalel nazareo te c'alal ma to x'ayin a, swenta yu'un ja' me ya xjajch' ta yaq'uel ta libre te israeletic te bit'il ayic ta sc'ab te filisteoetique —xi'.

San Marcos 1:24

Jich la yal: —Jesús te Nazarete, ¿bi awentaotic? ¿Yu'un bal tal ajinotic? Ya jna'bat aba te ja'at te Xch'ul-nich'anat te Diose —xi' ta aw.

San Mateo 26:71

Te Pedro yaquix ta loq'uel bael ta ti'nail a te ilot yu'un yan criada te jich caj yalbey te mach'atic tey ayic a: —In winic to la sjoin uuc te Jesús te Nazarete —xi'.

San Mateo 1:22

Spisil in to c'ot ta pasel swenta yu'un jich me ya xc'ot te bila yaloj te Cajwaltic ta swenta te j'alwanej yu'une:

Hechos 24:5

Yu'un in winic to, chican ta jamal te mero jbolteswaneje. Ja' yac ta xjajch'esel c'op ta bayuc te banti pujq'uemic te judioetique, soc ja' jolol yu'un te mach'atic jowejemic te st'unojic Jesús te Nazarete,

Hechos 2:22

“Te ja'exe, jlumal israeletic, aiya me awaiyic stojol te bila ya calbeyexe. Te Jesús te Nazarete, chican la awilic te lec sc'oplal yu'un te Diose, melel ja' ta swenta te la spas jchajp at'eliletic soc señailetic ta awolilic te Diose, jich bit'il te ana'ojic stojol ta mero melele.

San Juan 19:19

Te Pilato la yal mandal ta ts'ibuyel: “JESUS TE NAZARETE, MUC' AJWALIL YU'UN TE JUDIOETIQUE”, xi' te ts'ibubile. La yaq'uic ta jol cruz.

San Juan 18:7

La xcha'jojc'obey xan te Jesuse: —¿Mach'a ya aleic? —xi'. La yalic: —Ja' te Jesús te Nazarete —xiic.

San Juan 18:5

La yalic: —Ja' ya jletic te Jesús te Nazarete —xiic. La yal te Jesuse: —Jo'on abi —la yut. Te Judas, te ac'awan ta c'abale, tey sjoinejic tel a.

San Lucas 2:39

Te bit'il la spasiquix ta templo spisil te bila ya yal te mandalil yu'un te Cajwaltique, sujt'ic bael ta Galilea ta bay slumalic, ja' te lum Nazarete.

San Lucas 1:26

Waqueb u ta patil te ch'ul abat Gabriel ticunot bael yu'un Dios ta bay lum Nazaret te ay ta sq'uinal Galilea.

Números 6:13

“Te bi c'aalil ya sts'acaj sc'aalelal te abatinele, te nazareo ya me sc'an xbajt' ta bay yochibal Nailpac' te bay ya quich' c'oponele.

1 Samuel 1:11

Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.

San Mateo 21:11

Ta spisil te ants-winiquetique jich la yalic: —Ja' te j'alwanej yu'un Dios te Jesús sbiil te talem ta lum Nazaret ta sq'uinal Galilea —xiic.

San Marcos 1:9

La sta yorail te loc' tel Jesús ta lum Nazaret te ay ta sq'uinal Galilea. Jul ac'botuc yich' ja' yu'un Juan ta muc'ja' Jordán.

San Lucas 18:37

La yalbeyic te ja' te Jesús te Nazarete te yac ta c'axele.