San Mateo 2:2 - Bible in Tzeltal de Oxchuc y Tenejapa

² Jul sjojc'oyic: —¿Banti ay te muc' ajwalil yu'un te judioetic te ayinemixe? La quilbeytic te ec' yu'un te banti talemotic ta stojol sloq'uib c'aale, jich yu'un tal quich'tic ta muc' —xiic.

Nuevo Testamento Tzeltal de Amatenango

² Jul sjojkꞌoyik: —¿Ba ay te rey yuꞌun te juriyoetik te ayinemixe? Yuꞌun ay la kiltik a lokꞌ tal ekꞌ. Jaꞌ yuꞌun tal kalbetik kola yal —xchiik.

Bible in Tzeltal Bachajón

² hich hul yalic: ¿Banti ay te ajwalil yu'un te judíohetic te ayinemixe? Como te ec' yu'un la jquilcotic ta banti ya xloc' tal c'ahc'al, ha yu'un talemotcotic ta sch'uhuntayel, xchihic.

San Mateo 2:2 Referans Kwoze

Números 24:17

Ay bila yacon ta yilel te ya xc'ot bael ta pasel, ay bila ya quil ya caiy te c'ubul aye: Ja' jun ec' te ya xloc' tel ta Jacob, ya xjajch' loq'uel tel jtul muc' ajwalil ta yolil Israel. Ja' ya swuybey sjol te sts'umbal Moab, ya swuy spisil sts'umbal Set.

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Isaías 60:3

Te nacionetic ya me xtalic tey a ta bay te luz awu'une; te muc' ajwaliletic ya me xtalic tey a ta bay axojobil te ya sacub tel q'uinal yu'une.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

Hebreos 1:6

Soc te c'alal tal ta balumilal te Sba Snich'ane la yal mandal: “Ac'a ich'otuc ta muc' yu'un spisil te ch'ul abatetic yu'un te Diose”, xi'.

San Lucas 23:38

Soc la slejch'anbeyic ta bajel ta sjol cruz te bila ts'ibubil ta griego, ta latín, soc ta hebreo-c'op: “JA' IN TO JA' TE MUC' AJWALIL YU'UN TE JUDIOETIQUE”, xi' te ts'ibubile.

San Lucas 23:3

Te Pilato jich la sjojc'obey te Jesuse: —¿Ja'at bal Muc' Ajwalilat yu'un te judioetique? —xi'. La yal te Jesuse: —Ja'at te jich la awale —xi'.

Salmos 2:6

“La caq'uix ta mandalteswanej te muc' ajwalil cu'une, ta bay ch'ul wits Sión cu'un”, xi' me.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Lucas 19:38

—¡Bin nax yutsil te Muc' Ajwalil te talemix ta swenta te Cajwaltique! ¡Lamalix q'uinal ta ch'ulchan! ¡Jelawen yutsil te Mach'a ay ta ch'ulchane! —xiic ta aw.

San Lucas 2:11

Ajc' to nax yayinel ta bay slumal David te Jcoltaywanej awu'unique, ja' te Cajwaltic Cristoe.

Jeremías 30:9

Ya me yac' sba ta abatinel ta jtojol te Yajwalon soc te Dioson yu'une, soc ta stojol David, te ja' ya cac' ta muc' ajwalil yu'unic stuquele.

Salmos 45:11

Melel te muc' ajwalil ya smulanbat te at'ujbilale; ja' yu'unatix, ja' yu'un, ya me ach'uunbey smandal.

San Juan 9:38

La yal te winique: —Ya jch'uunat, Cajwal —xi', soc la squejan sba ta stojol.

San Juan 19:19

Te Pilato la yal mandal ta ts'ibuyel: “JESUS TE NAZARETE, MUC' AJWALIL YU'UN TE JUDIOETIQUE”, xi' te ts'ibubile. La yaq'uic ta jol cruz.

San Juan 12:13

Jich yu'un la sbojtilayic tel yabenal palmera. Jich loc' staic ta be te Jesuse. Jich la yalic ta aw: —¡Jelawen yutsil! ¡Bin nax yutsil te mach'a talem ta swenta te Cajwaltique! ¡Bin nax yutsil te Muc' Ajwalil yu'un te Israele! —xiic ta aw.

San Mateo 27:11

Te Jesús la yich' tejc'anel ta stojol te Gobernador. Jich jojc'obot yu'un: —¿Ja'at bal Muc' Ajwalilat yu'un te judioetique? —xi'. La yal te Jesuse: —Ja'at te jich la awale —xi'.

San Juan 20:28

La yal te Tomase: —¡Cajwal cu'un! ¡Dios cu'un! —xi'.

San Mateo 21:5

“Albeya te lum yu'un Sión: ‘Ilawilic, talix te muc' ajwalil awu'unique. Peq'uel yac'oj sba. Scajtibinej tel te yal me' burra soc te alal burro te yal te cuch-ijc'atsil’, xaat me”, te xie.

San Mateo 2:3

C'alal la yaiy stojol te muc' ajwalil Herodese, nijc' yo'tan yu'un soc spisil lum Jerusalén.