San Mateo 2:19 - Bible in Tzeltal de Oxchuc y Tenejapa

¹⁹ Te c'alal lajix a te Herodese, ay jtul ch'ul abat yu'un te Cajwaltique chicnaj la yil ta swaich te José te c'alal ay to ta sq'uinal Egipto. Jich la yalbey:

Nuevo Testamento Tzeltal de Amatenango

¹⁹ Te kꞌalal chamix a te Herodese, ay jtul chꞌul ángel yuꞌun te Kajwaltike la yil ta xwayuch te Josee te kꞌalal ay to ta Egipto ae. Jich a yalbe:

Bible in Tzeltal Bachajón

¹⁹ C'alal chamix a te Herodes, te ch'ul a'bat yu'un Cajwaltic la yac' sba ta ilel ta swayich te José ta Egipto,

San Mateo 2:19 Referans Kwoze

San Mateo 1:20

Te c'alal jich snopojix a te jich c'an spase, ta swaich chicnaj la yil jtul ch'ul abat yu'un te Cajwaltique. Jich albot yu'un: —José, te sts'umbalat Davide, ma x'axi' te ya awic' awinamin te Mariae, melel te bit'il ay yale, ja' ta swenta te Ch'ul Espiritue.

Daniel 8:25

Ta swenta sp'ijil yo'tan ta lo'laywanej, ya xju' yu'un tsalaw. Ya me xnoj ta yo'tan toybail, bayal me ya smuquen-mil te mach'atic jun yo'tanic ta stojole. Ya me stoy sc'ab ta stojol te Ajwalil yu'un ajwaliletique. Pero jc'axel me ya xlajinot yu'un stuquel.

San Mateo 2:22

Ja'uc me to, te José, la yaiy stojol te bit'il ja' Arquelao te sjelolinej jilel ta ajwalil te state te Herodes sbiile. La xi' te ya xbajt' ta bay te smaquen-q'uinale. Soc te bit'il albot xan ta swaiche, jich bajt' ta sq'uinal Galilea.

Daniel 11:45

Ya me xba spas scampamento ta yolilic te mar soc te ch'ul wits yu'un te T'ujbil Lumq'uinal te xi' sbiile. Pero tey ni me ya staix yorail ya xlajix jilel a, ma me ayuc mach'a ya xcoltayotix yu'un.

Ezequiel 11:16

Ja' yu'un jich me xawalbey yaiyic: “Te Cajwaltic jich la yal: ‘Jo'on la cac'bey yijq'uitay slumalic, la jpuc bael ta yantic nacionetic, la jpuc ta yolil yantic lumetic, pero ma ba mero bayal c'aal baemic cu'un. Yo'tic jo'on ni me ch'ul temploon yu'unic tey a ta banti lumq'uinal baemic cu'une’, xi' te Cajwaltic”, uta me.

Jeremías 30:10

“Jo'on, Ajwalilon, jich ya cal: Ma me xiwat, lum Jacob, abatat cu'un; ma me xnijc' awo'tan, Israel. Melel te ja'ate soc te anich'nab ya me jcoltayex tel ta lum te c'ubul ay ta bay ic'bilex baele. Lamal me q'uinal ya xtal cuxinuquex, jun nax me awo'tanic, ma me ayuc mach'a ya xiwtesex.

Isaías 51:12

Ya yal te Cajwaltic: —Jo'on nix me ya jmuc'tesbat awo'tan. ¿Mach'a ya awaiyic a te ya axi'e? ¿Ja' bal te winiquetique? ¿Ja' bal te winiquetic ya xlajic, te jich nax c'oemic te bit'il aque?

Salmos 139:7

¿Banti ya xju' ya xboon ta anel ta atojol teme ya xc'ubon baele? ¿Banti wan ya xboon ta anel te ma ba ya xju' ya awilonixe?

Salmos 76:10

Te yilimba winic ya xc'atp'uj ta yutsil ac'oplal; manchuc me mero jxujt' te yilimbae ya xc'atp'uj ta acorona.

San Mateo 2:20

—Jajch'an, ic'a bael te alale soc te sme'e. Sujt'an bael ta sq'uinal Israel, yu'un lajemiquix te mach'atic c'an smilic te alale —xi'.

San Mateo 27:19

Te bit'il nacal ta bay chajbajibal te Pilatoe, la sticun tel aiyej te yiname te manchuc ya yac' sba a, te melel ma'yuc smul te winique. “Yu'un c'ax jwocol ta swaichinel ta ajc'ubal”, xi' tel te sc'ope.

Hechos 5:19

Ta ajc'ubal tal jtul ch'ul abat yu'un te Cajwaltique. La sjambey sti' te chucjibale, soc la yic' loq'uel te jpuc-c'opetique. Jich la yalbey yaiyic: