San Mateo 2:16 - Bible in Tzeltal de Oxchuc y Tenejapa

¹⁶ Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

Nuevo Testamento Tzeltal de Amatenango

¹⁶ Kꞌalal la snaꞌ te Herodese te loꞌlayot yuꞌun te pꞌijil winketike, ma jtebuk a ilin yuꞌun. La yal mantal te ya xba milek spisil te chꞌin kermetike te chebcheb jabil yaꞌbilalike sok te ma to xlokꞌ cheb jaꞌbil yaꞌbilalike te ayik ta Belen sok ta sjoylejal. Jaꞌ a snaꞌik te tut ora albot yuꞌun te pꞌijil winketike.

Bible in Tzeltal Bachajón

¹⁶ Te Herodes, c'alal la sna' te tse'layot yu'un te p'ijil winiquetic, bayel ilin yu'un, hich la sticon ta milel spisil te bic'tal alaletic ta Belén soc ta sjoyobal te ma to stahojic cheb ya'bilalic, hich te bin ut'il jayeb ha'bil halbot yu'un te p'ijil winiquetique.

San Mateo 2:16 Referans Kwoze

Isaías 59:7

Te yacanique ja' ya xtuun yu'unic te ya x'animajic ta spasel a te bila amene; ja' ya x'animajic bael a ta smalbeyel xch'ich'el te mach'a ma'yuc smule. Te bila snopoj ta yo'tanic, ja' te bila ma lecuque; ja' ayic ta beel yu'un te jinwanej soc te ya xch'aywan ta jc'axele.

Proverbios 28:15

Pajal soc león-choj te ya x'awun, o jich bit'il oso te ay ta wi'nale, jich c'oem te mach'a amen yo'tan te ochem ta ajwalil yu'un te me'baetique.

Apocalipsis 17:6

La quil te antse yacuben yu'un xch'ich'el te mach'atic ch'ul lum yu'un te Diose soc te xch'ich'el te mach'atic la yich'ic milel yu'un te la yalic ta jamal te xch'uunejic te Jesuse. Te c'alal la quile, cham nax la caiy yu'un.

Oseas 10:14

ay me ya xjajch' ch'inlajinel ta yolil te ants-winiquetic awu'une. Spisilic te tulanil ts'ajq'uetic awu'une, tan me ya xbajt'ic, jich bit'il tan c'ot yu'un te muc' ajwalil Salmán te Bet-arbel ta sc'aalelal guerra, c'alal la yich' majel ta lum te me'il soc te yalataque.

Daniel 3:13

Te Nabucodonosor bayal jajch' slab yo'tan yu'un. La yal mandal te ya x'ic'ot tel ta stojol te Sadrac, Mesac soc Abed-nego. Te c'alal ayiquix ta stojol ae,

Isaías 26:21

Melel te Cajwaltic ya xloc' tel ta bay palacio yu'un, ta swenta yac'beyel castigo yu'un smulic te mach'atic nainemic ta balumilale. Te lumq'uinal ma xju' ya smuc xan te ch'ich' malbile; ja'uc me to, ya me xchicnaj ta lec te mach'atic la yaiyic milawe.

2 Reyes 8:12

Te Hazael jich la sjojc'obey: —¿Bi yu'un ya x'oc'at, cajwal? —xi'. La sjac' te Eliseo: —Melel ya jna' te ya awac'bey swocol te israeletic, melel ya awac'bey sc'aal te anjibaletic yu'unic, ya amil ta puñal te querem-ach'ixetic, ya amaj ta lum te alaletic yu'unique, soc ya ajambey xch'ujt'ic te antsetic yic'oj yalique —xi'.

Jueces 16:10

Te Dalila la yalbey: —La alo'layon. Yac me apasbelon ta lot. Ta ora yo'tic to, wocoluc albon caiy te bit'il ya sc'an ya yich' pasel te ya jchucate —xi'.

Génesis 49:7

Ya me x'ac'bot stoj te yilimbaic soc te sc'ajc'alic te bit'il bayal jelawic ta bay nax c'alal. Pujc'ultic ya xc'ot cu'un ta bay jq'uinal, bayuc nax ya xc'otic ta jq'uinal jo'on te Israelone.

Proverbios 28:17

Te mach'a la yaiyix milaw, puersa ya xyal bael ta muquenal; ma me ayuc mach'a ya xcoltayot yu'un.

Job 12:4

“Manchuc me ma'yuc bila jpasoj soc manchuc me toj ayon, soc ta yan c'aal la yaiybon te Dios te la calbey wocole, yo'tic te camigotac ya stse'luyonic.

Números 24:10

Te c'alal la yaiy stojol Balac, bayal ilin ta stojol Balaam. La spac'ulay sc'ab yu'un, jich la yal: —Jo'on la quic'at tel yu'un ya ac'anbey castigo yu'un Dios.

Números 22:29

La sjac' te Balaame: —Ya alabanon. Te ayuc ta jc'ab te jpuñale, la jmilatix te jichuque —xi'.

Génesis 39:17

Jich nix jul yalbey te smamlale: —Ilawil te hebreo-winic anajc'anej, och ta jcuarto, c'an yuts'inon.

Génesis 39:14

Jich la yic' ochel tel te yantic abatetic ta na, la yalbey yaiyic: —Te jmamlal la yic' ochel tel jtul hebreo-winic, pero ta ora to ya yuts'inotiquix. Och yilon, c'an sjoinon ta wayel; ja'uc me to tulan awunon.

San Mateo 2:1

Ayin Jesús ta lum Belén te ay ta sq'uinal Judea te c'alal ay ta muc' ajwalil a te Herodese. Julic tel ta Jerusalén p'ijil winiquetic te talic ta stojol sloq'uib c'aal.

San Mateo 2:7

Jich te Herodese muquen la yic' tel te p'ijil winiquetique. La sjojc'obey yaiy ta lec te bi ora chicnaj te eq'ue.

San Mateo 2:17

Jich c'ot ta pasel te bila ts'ibubil jilel yu'un te j'alwanej yu'un Dios te Jeremías sbiile:

Apocalipsis 12:4

Ta sne la smes coel jteb ma oliluc te eq'uetic ta ch'ulchane, soc la xch'oj coel ta balumilal. Te muc'ul chane la stejc'an sba ta stojol te ants te ya x'ayinix te yale, swenta yu'un ya me sbic'bey ta ora te c'alal ya x'ayine.