San Mateo 2:13 - Bible in Tzeltal de Oxchuc y Tenejapa

¹³ Te c'alal sujt'iquix bael a te p'ijil winiquetique, te José chicnaj la yil ta swaich jtul ch'ul abat yu'un te Cajwaltique. Jich albot yu'un: —Jajch'an, ic'a bael te alale soc te sme'e. Anan bael ta sq'uinal Egipto. Tey me ya x'ainat a ja' to teme ya calbat xane, yu'un te Herodese ya xtal sle smil te alale —xi' te ch'ul abate.

Nuevo Testamento Tzeltal de Amatenango

¹³ Te kꞌalal sujtikix bael a te pꞌijil winketike, te Josee la yil ta xwayuch jtul chꞌul ángel yuꞌun te Kajwaltike. Jich a albot yuꞌun: —Jajchan, ikꞌa bael te alale sok te smeꞌe. Anan bael ta Egipto. Teꞌ me xꞌanat a jaꞌto teme la kalbeyat xane, yuꞌun te Herodese ya xba sle yuꞌun ya smil te alale —xchi.

Bible in Tzeltal Bachajón

¹³ Te c'alal suhtemiquix bahel a te p'ijil winiquetic, te ch'ul a'bat yu'un Cajwaltic chicnaj ta swayich te José, hich la yalbe: Hahchan, ic'a bahel te alal soc te snan, ahnan bahel ta Egipto. Tey me ya x'ayinex a ha to c'alal ya calbat. Como te Herodes ya me sle te alal yu'un ya smil, xchi sc'oblal.

San Mateo 2:13 Referans Kwoze

Hechos 12:11

Te c'alal la sna' te Pedroe, jich la yal: —Ta ora to la jna'ix stojol ta melel, te Cajwaltic la sticun tel ch'ul abat yu'un te la scoltayonix ta sc'ab te Herodese soc te bila snopoj te ya spasbonic te jlumal judioetique —xi'.

Hechos 10:7

Te c'alal bajt' te ch'ul abat te yac ta c'op soque, la yic' tel cheb te abatetic yu'un soc jtul soldado te spisil ora ya yabatin soc te jun yo'tan xch'uunej te Diose.

Hechos 5:19

Ta ajc'ubal tal jtul ch'ul abat yu'un te Cajwaltique. La sjambey sti' te chucjibale, soc la yic' loq'uel te jpuc-c'opetique. Jich la yalbey yaiyic:

San Mateo 2:12

Soc te c'alal sujt'ic bael ta slumalique, ma ba c'axic tey a ta ba ay te Herodese, yu'un albot yaiyic ta swaichic yu'un Dios te ma ba ya xc'axiquix tey a. Jich yan be la st'unic bael.

San Mateo 1:20

Te c'alal jich snopojix a te jich c'an spase, ta swaich chicnaj la yil jtul ch'ul abat yu'un te Cajwaltique. Jich albot yu'un: —José, te sts'umbalat Davide, ma x'axi' te ya awic' awinamin te Mariae, melel te bit'il ay yale, ja' ta swenta te Ch'ul Espiritue.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

San Mateo 2:16

Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

Job 33:15

Ay ya sc'oponotic ta ajc'ubal ta jwaichtic, soc ay bila ya yac'botic quiltic ta jsitic te c'alal ya x'och jwayeltic, te c'alal mero c'ubenix jwayeltic ae.

Job 33:17

swenta yu'un ya yac'bey yijq'uitay te sbol at'elique, soc swenta yu'un ya yac'bey sna' te ma lecuc te toybaile.

Josué 4:18

Te c'alal nax a loq'uic ta Jordán te sacerdoteetic soc te la steq'uic te taquin lumq'uinale, te ja'e oquin tel ta ora, la sta yawil soc mal loq'uel ta sti'il, jich te bit'il ta neelale.

Apocalipsis 12:14

Te antse ac'bot xiq'uin xchebal xic' te muc'ul águila, swenta yu'un ya xju' ya xwil bael c'alal ta bay yawil ta jochol taquin q'uinal te c'ubul ya yil sba soc te chane. Tey ya yich' mac'linel olil xchaneb ja'wil a.

Hechos 16:36

Jich te jcanan-chuquele la yalbey te Pabloe: —Quich'ojix mandal yu'un te jchajbanwanejetic te ya jcoltayex baele. Jun awo'tanic, baanic —xi'.

Hechos 10:22

La yalic: —Ja' la sticunotic tel te Cornelio te centurión cu'untique te toj ta winiquile, soc te xi'oj te Diose, soc te lec sc'oplal yu'un spisil te judioetique. Ja' albot mandal yu'un te ch'ul abat te ya sticunat ta iq'uel te ya xbaat ta snae, swenta yu'un ya yaiy stojol te bila ya awalbeye —xiic.

Hechos 7:19

In muc' ajwalil to soc sp'ijil la slo'lay te jlumaltique, soc jajch' yuts'in te antiguo jme'-jtatique. Albotic mandal te ya yich' milel te yal-snich'anic te c'alal ya x'ayinique.

San Mateo 10:23

Te c'alal ya snutsex in lum to, ananic bael ta yan lum. Jamal ya calbeyex, ma to xnup' ta ilel awu'unic spisil a te lumetic yu'un israeletic te c'alal ya xtal te Nich'anile.

Josué 3:17

Spisil te israeletic c'axic bael ta staquin lumil Jordán te bit'il tec'ajtic ta yolil a te sacerdoteetic te sq'uechojic te scajonil trato yu'un te Cajwaltique, taquin soc tulan te slumile.

Apocalipsis 12:6

Yan te antse, an bael c'alal jochol taquin q'uinal ta banti ay yawil te chajbanbil yu'un te Diose, swenta yu'un tey ya yich' mac'linel oxbajc' soc oxwinic (1260) c'aal a.

Josué 4:10

Te sacerdoteetic te la sq'uechic bael te scajonil trato, tey teq'uelic a ta yolil Jordán te c'alal yacalic spasel spisil israeletic te bi albil mandal yu'un Cajwaltic te Josué. Spisil la yich' pasel jich nix bit'il yaloj mandal Moisés ta stojol te Josué. Te israeletic la yaq'uic puersa ta c'axel ta bay taquejeme.

Josué 3:13

Te c'alal ya sq'uechic sacerdoteetic te scajonil trato yu'un te Cajwaltic, te ja' Yajwal yu'un spamal te balumilale, te c'alal nax ya yac' stan yacanic ta ja', ya me sq'uep sba te ja'e, cha'q'uejp me ya yac' sba. Te ja' ya x'oquin tel ta cajale, ya me scom sba ta oquinel, ya me stsob sba jilel tey a. Jich la yal te Diose —xi' te Josué.

Apocalipsis 12:4

Ta sne la smes coel jteb ma oliluc te eq'uetic ta ch'ulchane, soc la xch'oj coel ta balumilal. Te muc'ul chane la stejc'an sba ta stojol te ants te ya x'ayinix te yale, swenta yu'un ya me sbic'bey ta ora te c'alal ya x'ayine.

San Mateo 2:22

Ja'uc me to, te José, la yaiy stojol te bit'il ja' Arquelao te sjelolinej jilel ta ajwalil te state te Herodes sbiile. La xi' te ya xbajt' ta bay te smaquen-q'uinale. Soc te bit'il albot xan ta swaiche, jich bajt' ta sq'uinal Galilea.

1 Reyes 3:5

Ay jun ajc'ubal ta Gabaón, te Salomón ta swaich chicnaj ta sit te Cajwaltique. Jich albot yu'un: —C'anbon te bi ya ac'ane, ya me cac'bat —xi' sc'oplal.

San Mateo 2:14

Jich jajch' te Joseje. La yic' bael ta ajc'ubal te alale soc te sme'e. Bajt'ic ta Egipto.

Hechos 12:7

Ja'uc me to, ora nax chicnaj jtul ch'ul abat yu'un te Cajwaltique. Xojobaj nax a bajt' te yutil chucjibale. Te ch'ul abate la scujbey smoch te Pedroe soc la yalbey: —Jajch'an ta ora —la yut. Jich pol loq'uel te cadenaetic te chucajtic sc'ab a.

1 Reyes 11:17

Pero te Hadad, te ch'in querem to a, bajt' ta anel ta Egipto soc cha'oxtul slumal te ayic ta abatinel yu'un a te state.