San Mateo 2:12 - Bible in Tzeltal de Oxchuc y Tenejapa

¹² Soc te c'alal sujt'ic bael ta slumalique, ma ba c'axic tey a ta ba ay te Herodese, yu'un albot yaiyic ta swaichic yu'un Dios te ma ba ya xc'axiquix tey a. Jich yan be la st'unic bael.

Nuevo Testamento Tzeltal de Amatenango

¹² Te kꞌalal laj sujtik bael ta slumalike maꞌ kꞌaxikix a te ba ay te Herodese, yuꞌun albot ta xwayuchik yuꞌun te Diose te makꞌ xkꞌaxikix teꞌae. Jich yan beix a laj sujtik bael a.

Bible in Tzeltal Bachajón

¹² Pero a'bot sna'ic ta swayichic te manchuc ya suhtic ta stojol Herodes. Ha yu'un yanix be a te banti suhtic bahel ta slumalique.

San Mateo 2:12 Referans Kwoze

San Mateo 2:22

Ja'uc me to, te José, la yaiy stojol te bit'il ja' Arquelao te sjelolinej jilel ta ajwalil te state te Herodes sbiile. La xi' te ya xbajt' ta bay te smaquen-q'uinale. Soc te bit'il albot xan ta swaiche, jich bajt' ta sq'uinal Galilea.

San Mateo 2:19

Te c'alal lajix a te Herodese, ay jtul ch'ul abat yu'un te Cajwaltique chicnaj la yil ta swaich te José te c'alal ay to ta sq'uinal Egipto. Jich la yalbey:

San Mateo 2:13

Te c'alal sujt'iquix bael a te p'ijil winiquetique, te José chicnaj la yil ta swaich jtul ch'ul abat yu'un te Cajwaltique. Jich albot yu'un: —Jajch'an, ic'a bael te alale soc te sme'e. Anan bael ta sq'uinal Egipto. Tey me ya x'ainat a ja' to teme ya calbat xane, yu'un te Herodese ya xtal sle smil te alale —xi' te ch'ul abate.

San Mateo 27:19

Te bit'il nacal ta bay chajbajibal te Pilatoe, la sticun tel aiyej te yiname te manchuc ya yac' sba a, te melel ma'yuc smul te winique. “Yu'un c'ax jwocol ta swaichinel ta ajc'ubal”, xi' tel te sc'ope.

San Mateo 1:20

Te c'alal jich snopojix a te jich c'an spase, ta swaich chicnaj la yil jtul ch'ul abat yu'un te Cajwaltique. Jich albot yu'un: —José, te sts'umbalat Davide, ma x'axi' te ya awic' awinamin te Mariae, melel te bit'il ay yale, ja' ta swenta te Ch'ul Espiritue.

Éxodo 1:17

Ja'uc me to, te jtam-alaletic la xi'ic te Diose. Jich ma ba la spasic te bila mandal la yal te ajwalil ta Egipto, la yac' cuxinuc te ch'in queremetique.

Génesis 31:24

Ta ajc'ubal c'oponot yu'un Dios ta swaich te Labán, ja' te arameo-winique, te tey ya xc'o staix a te Jacob. Jich albot yu'un te Diose: —Tsajtaya me aba, ma me amenuc te bila ya xc'o awalbey te Jacob —xi' sc'oplal.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

Hechos 5:29

Te Pedroe soc te yantic jpuc-c'opetic la yalic: —Puersa me ja' ya jch'uunbeytic smandal te Diose, ma ja'uc te winiquetique.

Hechos 4:19

Te Pedro te Juane jich la yalbeyic te tsobleje: —Te ja'exe nopa awaiyic teme lec ta stojol Dios te ja' ya jch'uuntic te bila ya awalique, o ja' ya jch'uuntic te bila ya yal te Diose.

Daniel 2:19

Te c'alal och ajc'ubale, ac'bot yil la yaiy te Daniel. Ja' yu'un te Daniel la yalbey yutsil sc'oplal te Dios ta ch'ulchane,

1 Corintios 3:19

Melel te p'ijilil yu'un in balumilal to, ma'yuc swentail ya yil te Diose. Jich bit'il te ts'ibubil jilel ta Sjune: “Te Diose ya me sjowtesbey yo'tanic te mach'atic p'ijic, ta scaj te ay sp'ijil ta sc'opique”, te xie.

San Lucas 2:26

Ac'bot sna' stojol yu'un te ma to xlaj a te ya yilbey sit te Cristoe te ya xticunot tel yu'un te Cajwaltique.

Hechos 10:22

La yalic: —Ja' la sticunotic tel te Cornelio te centurión cu'untique te toj ta winiquile, soc te xi'oj te Diose, soc te lec sc'oplal yu'un spisil te judioetique. Ja' albot mandal yu'un te ch'ul abat te ya sticunat ta iq'uel te ya xbaat ta snae, swenta yu'un ya yaiy stojol te bila ya awalbeye —xiic.

Hebreos 8:5

In te banti ayic ta at'el in sacerdoteetic to, seña to nax soc snojq'uetal to nax te bila ay ta ch'ulchane. Jna'ojtic stojol te ja' nax sloc'omba, melel jich albot yu'un Dios te Moisese te ya xjajch'ix ta pasel yu'un a te nailpac' temploe: “Na'ame ta lec. Jich me xapas te bit'il la cac'bat awil ta ba wits”, te xi' sc'oplal yu'une.