San Mateo 2:11 - Bible in Tzeltal de Oxchuc y Tenejapa

¹¹ Jich ochic ta na ta banti ay te alale. La yilic soc te sme'e, ja' te Mariae. La squejan sbaic ta stojol, soc la sjam te yawil sbiluquique. Jich la yac'beyic smajt'anin oro, perfume soc mirra.

Nuevo Testamento Tzeltal de Amatenango

¹¹ Jich a ochik tsꞌin te ba nae, y la yilik te alale sok te smeꞌe, jaꞌ te xMariae. La skꞌejan sbaik ta stojol, y la sjeꞌ te stutik yuꞌunike. La yaꞌbeyik smajtan: oro sok pom y sok mirra.

Bible in Tzeltal Bachajón

¹¹ C'alal ochic bahel ta na, la yilic te alal soc te snan, ha te María. La squejan sbahic soc la sch'uhuntayic. La sjamic te yawil sc'uhlejalic, la ya'beyic smahtanin oro, pom soc mirra.

San Mateo 2:11 Referans Kwoze

Isaías 60:6

Ya me awil te xcholoj sbaic ta beel ta aq'uinal te camelloetic te ya xtalic ta Madián soc ta Efá; ya me xtalic spisilic ay ta Sabá, scuchojic ya xtalic oro soc pom, soc ya me yalbeyic sc'oplal yutsil yat'el te Cajwaltique.

Salmos 72:10

Ac'a yich'ic tel majt'aniletic te muc' ajwaliletic yu'un Tarsis, soc yu'un te q'uinaletic joytaybilic ta ja', soc nix te muc' ajwaliletic yu'un Sabá soc Seba, soc ac'a stoj spatanic ta stojol te muc' ajwalile.

San Lucas 2:16

Jich bajt'ic ta ora. C'o staic te María soc José soc te alal wayal ta yawil swe'el chambalam.

San Mateo 2:2

Jul sjojc'oyic: —¿Banti ay te muc' ajwalil yu'un te judioetic te ayinemixe? La quilbeytic te ec' yu'un te banti talemotic ta stojol sloq'uib c'aale, jich yu'un tal quich'tic ta muc' —xiic.

Salmos 95:6

La'ic, la' jquejan jbatic ta xch'uunel; ac'a calbeytic wocol ta stojol te Cajwaltique, melel ja' la spasotic stuquel.

Salmos 72:15

¡Viva muc' ajwalil! Ac'a yich' ac'beyel te oro yu'un Sabá. Ac'a yich' c'oponbeyel Dios spisil ora. Ac'a yich' bendición spisil ora.

Números 7:14

soc xan jun muc'ul cuchara pasbil ta oro te lajuneb swacwinic (110) gramo te yalale, nojel ta pom;

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

San Mateo 14:33

Jich te mach'atic ayic ta barcoe la squejan sbaic ta stojol te Jesuse. Jich la yalic: —Melel nix a te ja'at Snich'anat te Diose —xiic.

Apocalipsis 5:8

Te c'alal la stsac te balbil june, te chancojt' bitic cuxajtique soc uuc te chaneb xcha'winic (24) ta jtul mamaletique la squejan sbaic ta stojol te Alalchije. Spisilic yich'oj yarpaic soc copaetic te pasbilic ta oro te nojel ta pom, te ja' sc'opic ta sc'oponel Dios te mach'atic ch'ul lum yu'un te Diose.

San Lucas 2:38

Te c'alal yac ta c'op a te Simeone, tal uuc te Anae. La yalbey wocol Dios yu'un te alal Jesús, soc la yalbey sc'oplal ta stojol spisil te mach'atic yacalic ta smaliyel te bit'il ya yich' coltayel ta libre te lum Jerusalene.

1 Samuel 10:27

Pero te mach'atic amen yo'tanic, te spisil nax bi ya xloc' ta yeique, jich la yalic: —Eha. ¿Ja' bal ya scoltayotic? —xiic. Ma'yuc swentail ta yo'tanic, ma ba la yich'ic ta muc', pero te Saúl jich yilel te ma ba la yaiye.

Números 7:86

Soc ay lajchayeb muc'ul cucharaetic te pasbil ta oro, nojel ta pom, te lajuneb swacwinic (110) gramo jujun te yalale, jich bit'il chapal sp'isol yalal ta ch'ul awilal. Ta spisil te yalal oro ta muc'ul cucharaetic, jmil soc waclajunwinic (1,320) gramo.

Levítico 6:15

Te jtul sacerdote ya me stsac jojpuc ta sc'ab te harina ac'bil yu'un majt'anil soc te aceite yu'une, soc nix te pom ya sjoin te majt'anile, ya me yac' tiluc ta scajtijib ta chiq'uel majt'anil ta swenta sc'anel c'uxtayel ta stojol te mach'a la yaq'ue. Ja' majt'anil te bujts'an yic' ta jtojol jo'on te Ajwalilone.

Éxodo 30:34

Te Cajwaltic, jich la yalbey te Moisés: —Tsaca me te bitic bujts'an yic' te xch'ailele. Pajal me sp'isol ya awac' te juju-jchajbe: ja' te xuch'il te', te uña te bujts'an yiq'ue, te pom soc te gálbano.

Génesis 43:11

La sjac' te statique: —Lec ay jiche, ic'aic bael. Soc ich'beyaic bael jtebuc smajt'anin te bila ay ta jq'uinaltique, ya me xc'o awac'beyic te ajwalile, ja' te bálsamo, chab, soc te bila bujts'an yic', mirra, soc sit te', nuez soc almendra.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Salmos 45:8

Spisil te ac'u'-apaq'ue yich'oj perfume, mirra, áloe soc canela; soc instrumentoetic yu'un música te ay scuerdail ya yac'bat sbujts' awo'tan ta palacioetic te ch'albil ta marfil.

1 Reyes 10:10

Jich ora la yac'bey oxmil soc waxacwinic yoxbajc' (3,960) kilo oro, soc bayal perfumeetic soc t'ujbil tonetic. Ma'yuc yan jich bayal perfume c'ot ta Israel a te bit'il c'o sq'uebanbey te muc' ajwalil Salomón te antsil-ajwalile.

Éxodo 30:23

—Lea atuquel ta bay mero lequic te bitic bujts'an yiq'ue: waqueb me kilo mero lequil mirra, oxeb kilo canela, oxeb kilo jalal yilel te ay yiq'ue,

Cantares 3:6

¿Bila a te yac ta talel ya quiltic ta jochol taquin q'uinale, yac ta talel ta yolil ch'ail, ta yolil xch'ailel mirra soc xch'ailel pom, soc spisil ta jchajp te perfumeetique?

San Mateo 1:18

Te bit'il ayin te Jesucristoe, jich ay: Te sme'e, ja' te Mariae, chapalix te ya xnujbin soc te Joseje. Ja'uc me to, ma to bay yic'oj sbaic a, chicanix te yic'ojix alal ta swenta te Ch'ul Espiritue.

San Mateo 2:10

Te c'alal la yilic te eq'ue, bayal bujts'naj yo'tanic yu'un.

San Mateo 12:46

Te Jesús yac to ta c'op ta stojol a te ants-winiquetique, tal te sme'e soc te yijts'inabe. Teq'uelic julel ta amac', ya sc'an sc'oponic te Jesuse. [

San Juan 19:39

Soc tal uuc te Nicodemo te xtaluc sc'opon ta ajc'ubal te Jesuse. La yich' tel mirra te capbil soc áloes te c'axem ta lajuneb xcha'winic (30) kilo te yalale.