San Mateo 2:1 - Bible in Tzeltal de Oxchuc y Tenejapa

¹ Ayin Jesús ta lum Belén te ay ta sq'uinal Judea te c'alal ay ta muc' ajwalil a te Herodese. Julic tel ta Jerusalén p'ijil winiquetic te talic ta stojol sloq'uib c'aal.

Nuevo Testamento Tzeltal de Amatenango

¹ Te Jesuse ayin ta jtejklum Belen ta estado yuꞌun Judea. Jaꞌ rey a te Herodese. Julik tal ta Jerusalen te pꞌijil winketike te talemik ta slokꞌib kꞌajkꞌale.

Bible in Tzeltal Bachajón

¹ C'alal ayin Jesús ta Belén te ay ta sq'uinal Judea, ta yorahil te ay ta ajwalil a te Herodes, talic ta Jerusalén p'ijil winiquetic te talemic ta stojol banti ya xloc' tal c'ahc'al,

San Mateo 2:1 Referans Kwoze

Miqueas 5:2

Ja'at Belén Efrata, manchuc teme ch'in jxujt'at te ayat ta yolil te mach'atic sts'umbal Judá, tey ya xloc' tel ta atojol jtul ajwalil yu'un Israel, ja' me sts'umbal te namey q'uinal sme'-state —xi'.

San Juan 7:42

Melel ts'ibubil ta Sjun Dios te ja' sts'umbal muc' ajwalil David te Cristoe soc ta lum Belén ya xtal te ja' slumal te Davide —xiic yu'un.

San Lucas 2:11

Ajc' to nax yayinel ta bay slumal David te Jcoltaywanej awu'unique, ja' te Cajwaltic Cristoe.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

San Mateo 2:5

Jich la yalic: —Ta lum Belén te ay ta sq'uinal Judea, melel jich la sts'ibuy jilel te j'alwanej yu'un te Diose:

San Mateo 1:25

ja'uc me to, ma la sc'opon sba soc, ja' to c'alal ayin te sba yale. Jesús sbiil c'ot yu'un te yale.

San Lucas 2:15

C'alal sujt'ic bael ta ch'ulchan te ch'ul abatetique, te jcanan-chijetique jich la yalbey sbaic: —Conic ta Belén. Ya xba quiltic te bila c'otix ta pasel te la yac'botiquix jna'tic te Cajwaltique —xiic.

San Lucas 1:5

Te c'alal ochem ta muc' ajwalil ta bay sq'uinal Judea te Herodese, ay jtul sacerdote te Zacarías sbiile te ay ta jtijc' sacerdoteetic te yich'ojbeyic sbiil te Abiase. Te yinam te Zacariase, Elisabet sbiil, ja' sts'umbal uuc te namey q'uinal sacerdote Aarone.

1 Reyes 4:30

C'ax jich a te sp'ijil Salomón te bit'il sp'ijilic te egipcioetic, soc nix te mach'atic ayic ta stojol sloq'uib c'aale.

Génesis 25:6

Yan te yalatac te yan antsetic la yic' yinamin te Abraham, ja' nax la yac'bey smajt'anic stuquelic, jich la sticun bael ta stojol sloq'uib c'aal te c'alal cuxul to a. Ma la yac' sjoin sba soc Isaac te yantic snich'nabe.

San Mateo 2:19

Te c'alal lajix a te Herodese, ay jtul ch'ul abat yu'un te Cajwaltique chicnaj la yil ta swaich te José te c'alal ay to ta sq'uinal Egipto. Jich la yalbey:

San Mateo 2:3

C'alal la yaiy stojol te muc' ajwalil Herodese, nijc' yo'tan yu'un soc spisil lum Jerusalén.

Génesis 10:30

Ja' la spuc sbaic ta sq'uinal Mesa c'alal ta sq'uinal Sefar, ja' te witstiquil te ay ta stojol sloq'uib c'aale.

Job 1:3

Ay esmaj jucmil (7,000) chijetic yu'un, oxmil (3,000) camelloetic, jo'winic xcha'bajc' (500) ta jchajp j'at'el-wacaxetic, soc jo'winic xcha'bajc' (500) ta jcojt' me' burraetic yu'un. Ay mero bayal manbil abatetic. Mero jc'ulej te winique, c'ax jich a te bit'il yantic te ainemic ta stojol sloq'uib c'aale.

Génesis 41:8

Ja'uc me to, te c'alal sacub q'uinal, bayal la smel yo'tan yu'un te swaiche. La sticun ta iq'uel spisilic te mach'atic ay bila ya sna'ic yalel soc te mach'atic ay sp'ijilic ta spamal Egipto. La xcholbey yaiyic bit'il ay te swaiche; ja'uc me to, ma'yuc mach'a la sna'bey swentail.

Jueces 17:7

Ta lum Belén ta sq'uinal sts'umbal Judá ay jtul muc'ul querem talem ta q'uejel, te sts'umbal Leví.

San Mateo 2:7

Jich te Herodese muquen la yic' tel te p'ijil winiquetique. La sjojc'obey yaiy ta lec te bi ora chicnaj te eq'ue.

San Mateo 2:16

Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

1 Crónicas 2:51

te Salma te la sjajch'es te lum Belén; soc te Haref te la sjajch'es te lum Bet-gader.