San Mateo 19:9 - Bible in Tzeltal de Oxchuc y Tenejapa

⁹ Ya calbeyex te mach'a ya yijq'uitay sba soc te yiname, teme ma ta scajuc te mulwej la spase, teme ya yic' yinamin yan antse, ayix ta mulwej abi. Soc te mach'a ya yic' yinamin te ants te ijq'uitaybilixe, jich ayix ta mulwej uuc —xi' te Jesuse.

Nuevo Testamento Tzeltal de Amatenango

⁹ Joꞌon ya kalbeyex te machꞌa ya xchꞌoj sba sok te yiname, teme ma ta skajuk skreme, teme ya yikꞌ yan antse, yipalix ta antsiwejel abi. Sok te machꞌa ya yikꞌ te ants te chꞌojbile yipal ta antsiwejel abi —xchi te Jesuse.

Bible in Tzeltal Bachajón

⁹ Ho'on ya calbeyex, spisil mach'a ya yihquitay hilel yihnam, teme ma ta scuentahuc yajmul, soc teme ya xnuhpun soc yan ants, yac me ta antsiwej a abi; soc te mach'a ya yic' yihnamin te ihquitaybil ants, ha nix hich yac ta antsiwej, xchi.

San Mateo 19:9 Referans Kwoze

San Mateo 5:32

Ja'uc me to, jo'on ya calbeyex: Teme ay mach'a ya yijq'uitay sba soc te yiname, teme ma ta scajuc yajmule, ya me yac' ta mulwej abi. Teme ay mach'a ya yic' yinamin te ants te ijq'uitaybilix yu'un te smamlale, mulwej ya xc'ot soc abi.

San Lucas 16:18

“Teme ay mach'a ya yijq'uitay sba soc te yiname, teme yan ants ya yinamine, ayix ta mulwej abi. Ja' nanix jich te ants te ijq'uitayote, teme ya xnujbin soc yan winique, ayix ta mulwej uuc.

1 Corintios 7:39

Te ants te nujbineme, jun c'oem soc smamlal te jayeb c'aal cuxul te winique. Yan teme laj te smamlale, libre c'otix te ants te ya xnujbin soc yan. Chican te mach'a ya sc'ane, ja' nax teme ja' ta swenta te Cajwaltique.

1 Corintios 5:1

Melel pujq'uemix ac'oplalic te ay mach'a yal ta mulil ta awolilique, te yinaminej te xcha'me'e. Ja' in mulil to mero chujc'ul sc'oplal ta melel. Ni jtuluc ay jich spasoj te mach'atic ma ba xch'uunejic te Diose.

Jeremías 3:8

Soc la yil te la quijq'uitay jba jilel soc te toyba Israel, och ta jun te la quijq'uitay jba soque, ja' yu'un te mulwej la spase. Ja'uc me to, te Judá te yijts'in Israel, ma junuc yo'tan, ma ba xiw yo'tan yu'un. Ja' nix jich bajt', ba yat'elin spasel te mulweje.

Génesis 20:3

Ja'uc me to, ta ajc'ubal c'oponot yu'un Dios ta swaich te Abimelec, jich albot: —Ya me xlajat ta ora ta scaj te ants te c'an awiq'ue, te melel ayix smamlal —xi'.

Ezequiel 16:29

Laj to awac' xan aba ta c'abal ta spasel mulil soc lum Babilonia, te slumal jchonbajeletic. Pero ni ja'uc tic' la awaiy a.

Ezequiel 16:15

“Pero ja' la smuc'ulin awo'tan te at'ujbilale; ja' tuun awu'un te yutsil ac'oplale. Jich la ac'atp'un aba ta jmulawil ants, la awac'bey smulanbat abaq'uetal spisil te mach'atic c'axe.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

1 Corintios 7:4

Te antse ma ba yu'uninej sba soc te sbaq'uetale, ja' yu'uninej te smamlale. Ja' nanix jich uuc te winique, ma ba yu'uninej sba soc te sbaq'uetale, ja' yu'uninej uuc te yiname.

Ezequiel 16:8

“Cha'c'axon xan ta ats'eel yan buelta. La quilat, ataojix amuc'ul, yorailix te ya xbaat ta ich'ele. La jlim bael ta atojol te jmuc'ul c'u'e, la jmucbat a te abaq'uetal t'anale. Soc tey ora la cal jba ta jamal ta atojol a, soc tey ora la jchap jc'optic swenta trato, jich la cu'uninat. Jo'on Ajwalilon te jich caloje.

2 Crónicas 21:11

Soc la spasbeyix toyol ch'uunjibaletic ta witstiquil yu'un Judá. Ja' tey la yac' bolobuc a te mach'atic yajwal Jerusalén, jich la sta smulic ta stojol Cajwaltic, soc la spasbey te ya xjowejic ta jyalel te Judá.

San Mateo 19:8

La yal te Jesuse: —Ta scaj te tulan awo'tanic te jich la yac'beyex awijq'uitay abaic soc awinamic te Moisese, ja'uc me to, ta xjajch'ibal ma jichuc ay ta pasel.

San Mateo 19:10

Te jnopojeletic yu'un jich la yalic: —Teme yu'un jich ay sc'oplal te winic soc te yiname, ja' lec ma xnujbinotic abi —xiic.