San Mateo 19:6 - Bible in Tzeltal de Oxchuc y Tenejapa

⁶ Jich ma chebuquix. Jun nax sbaq'uetalic. Te mach'a jun nax la yac' te Diose, jich ma spas ta jatel yu'un te ants-winiquetique —xi' te Jesuse.

Nuevo Testamento Tzeltal de Amatenango

⁶ Jich ma chebikukix. Jun nax ayikix. Jaꞌ yuꞌun te genteetik ma spas ta pitel yuꞌunik te machꞌatik jun nax a yakꞌ te Diose —xchi te Jesuse.

Bible in Tzeltal Bachajón

⁶ Ha yu'un ma chebuquix, jun xanix baq'uet ya xc'oht. Ha yu'un te bin junax la yac' te Diose, ma me ayuc mach'a ya sjat, xchi.

San Mateo 19:6 Referans Kwoze

San Marcos 10:9

Jich yu'un te mach'a jun nax la yac' te Diose, ma spas ta jatel yu'un te winique —xi' te Jesuse.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

Romanos 7:2

Jich bit'il te ants te nujbinemixe, ay ta swenta te mandalil te jayeb c'aal cuxul ta q'uinal soc te smamlale. Ja'uc me to, teme ya xlaj te smamlale, jich colix ta libre yu'un a te mandalile.

Efesios 5:28

Jich te winiquetic te nujbinemique ya sc'an te c'ux ya yaiy ta yo'tan te yinamique, jich bit'il c'ux ya yaiy stuquel te sbaq'uetale. Te mach'a c'ux ya yaiy ta yo'tan te yiname ja' nix c'ux ya yaiy sba a.

Malaquías 2:14

Soc ya to ajojc'oyic te bi yu'une. Ja' testigo te Cajwaltic te ma c'ot ta pasel awu'un te bila la achap ta stojol te ach'ix nujbinat soc te c'alal queremat toe. Ja' ajoy ta xjajch'ibal, soc la awalbey ta jamal te jun me awo'tan ta stojol ta sbajt'el ora.

Proverbios 2:17

te ya xch'ay jilel te mach'a sjoy ta ch'iele te jich ya xch'ay ta yo'tan te bila chapal yu'un soc te Diose.

Malaquías 2:16

Te Cajwaltic te Dios yu'un Israel te Spisil ya xju' yu'un, jich ya yal: —Canantaya awo'tanic, ma me chebuc awo'tanic ta stojol te awinamique; ma me lecuc co'tan yu'un te mach'a ya yijq'uitay yinam, soc te ya sboltes sba ta spasel te bila amene —xi' te Diose.

San Mateo 19:5

Jich la yal te Diose: “Ja' swentail te ya yijq'uitay sme'-stat te winique, ya yic' sba soc te yiname, jun nax sbaq'uetal ya xc'ot ta xchebalic”, te xie.

San Mateo 19:7

Te fariseoetic jich la yalic: —¿Bistuc jiche te la yal mandal te Moisés te ac'a yich' najc'anel ta jun te bi swentailuc te ya yijq'uitay jilel te yinam te winique, soc ac'a yac'bey bael ta sc'ab, soc ac'a yijq'uitay sba soc, te xie? —xiic.