San Mateo 19:29 - Bible in Tzeltal de Oxchuc y Tenejapa

²⁹ Spisil mach'a ay bi ya yijq'uitay jilel ta jwenta, chican teme sna, sbanquiltac, xwixitac, yijts'inab, sme'-stat, yinam, snich'nab, o ja' te sq'uinale, jo'winic buelta ya x'esmaj sjelol te ya x'ac'bote, soc ya me x'ac'ot cuxinuc sbajt'el q'uinal.

Nuevo Testamento Tzeltal de Amatenango

²⁹ Y spisil te machꞌa sjilesej stutik yuꞌun teme joꞌon ta jkuentae, me sna, o sbankiltak, o xwixitak, o yijtsꞌinab, o smeꞌ-stat, o yinam, o yuntikil, o jaꞌ te slume, ya me yichꞌbeyik sjelol sien ta jmel sok ya me xꞌaꞌbot xkuxlejal sbajtel kꞌinal.

Bible in Tzeltal Bachajón

²⁹ Mach'ayuc a te yihquitayej hilel sna, sbanquiltac, swixitac, yihts'inab, stat, snan, yihnam, yal-snich'nab o sq'uinal ta scuenta te jbihile, ho'winic (100) xan buelta ya x'a'bot, soc ya me yich' scuxlejalic sbahtel q'uinal.

San Mateo 19:29 Referans Kwoze

Filipenses 3:8

Soc spisil te bitic ay ta q'uinale, mero ma'yuquix sc'oplal ta co'tan, ja' nax ay sc'oplal te ya jna'beyix sba ta lec te Cajwal Cristo Jesuse. Ja' ta swenta Cristo te la jch'ay jilel ta spisil. Jich c'oemix ta co'tan te bit'il c'a'pal, swenta yu'un ja' me ay sc'oplal cu'un ya xc'ot stuquel te Cristoe,

San Lucas 14:26

—Te mach'a ya xtal ta jtojole, teme ma c'axuc jich c'uxon ta yo'tan a te bit'il te state, te sme'e, te yiname, te snich'nabe, te sbanquiltaque, te xwixitaque, te yijts'inabe, soc uuc te xcuxlejal ta q'uinale, ma xju' te jnopojel ya xc'ot cu'une.

San Mateo 16:25

Melel te mach'a ya xc'uxtay sba soc te xcuxlejale, ya me xch'ay soc te xcuxlejale. Yan te mach'a ya yac' sba ta lajel soc xcuxlejal ta jwenta, ja' ya yich' xcuxlejal stuquel.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

1 Pedro 4:14

Teme ta scaj te ach'uunejic Cristo te ayex ta bolc'optayele, bin nax me awutsilic yu'un, te melel xojobajem ta atojolic te yutsilal te Espíritu yu'un te Diose. Amen sc'oplal yu'unic te Diose; yan te ja'exe, lec sc'oplal awu'unic stuquel.

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

San Juan 15:19

Te junuc awo'tanic soc te mach'atic ayic ta swenta te balumilale, c'ux ya yaiyex te jichuque te bit'il jun ayex soque. Ja'uc me to, la jtsaex loq'uel tel ta yolilic. Ja' swentail te ya sp'ajex te mach'atic ayic ta swenta te balumilale.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

San Mateo 5:11

“Bin nax me awutsilic teme ya sbolc'optayex, soc teme ya yuts'inex, soc teme ya slotbeyex ac'oplalic te ants-winiquetic ta jo'on jwenta.

1 Corintios 2:9

Melel jich ts'ibubil jilel sc'oplal ta Sjun te Diose: “Ma'yuc mach'a yiloj ta sit, soc ma'yuc mach'a yaiyoj stojol ta xchiquin, soc ma'yuc ta yo'tanic ants-winiquetic te bila chajbanbil yu'un Dios te ya yac'bey te mach'atic c'ux ya yaiy ta yo'tanique”, te xie.

Hechos 9:16

Jo'on ya me cac'bey sna' stojol spisil ta jchajp swocol te ya sta ta jwentae —xi'.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

San Mateo 19:16

Ay jtul jch'iel winic tal sc'opon te Jesuse. —Maestro te lecat atuquel. ¿Bila lec ya sc'an te ya jpase, swenta yu'un ya xcuxinon sbajt'el q'uinal? —xi'.

San Mateo 13:23

Yan te awalil te c'ot ta lequil lume, ja' sc'oplal te mach'a ya yaiy stojol te Sc'op Diose, ya yac' ta yo'tan. Jich me ya sitin ta lec c'oem. Ay jo'winic (100) ya yac' sitic c'oem te juju-jtule. Ay ya yac' oxwinic (60), soc ay ya yac' lajuneb xcha'winic (30) —xi' te Jesuse.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

San Mateo 13:8

Ja'uc me to, ay c'ot ta lequil lum. Sitin ta lec te awalile. Ay la yac' jo'winic (100) sit te juju-jpejt'e, ay oxwinic (60), ay lajuneb xcha'winic (30).

3 Juan 1:7

Melel ja' yaquic ta beel ta swenta te Jesucristoe, soc ma'yuc bila ya sc'anbeyic ta stojol te mach'atic ma ba xch'uunejic te Diose.

San Lucas 5:11

C'alal loq'uic tel ta ti'ja' soc te sbarcoique, la yijq'uitayic jilel spisil te bila ay yu'unique. La sts'aclinic bael te Jesuse.

San Juan 4:36

Te mach'atic ya sc'ajique, ya me x'ac'bot stojol sc'ab yu'un. Soc te sit c'ajoj te ya stsobique, sbajt'el q'uinal ya xcuxin, swenta yu'un pajal me ya xbujts'naj yo'tanic soc te mach'atic la yaiyic awale soc te mach'atic la yaiyic c'ajoje.

Eclesiastés 3:6

Ay yorail ta leel, soc ay yorail ta ch'ayel. Ay yorail ta q'uejel, soc ay yorail ta ch'ojel.